لايفلح قوم ولوا أمرهم امرأة

Quote: من عنوان البوست فالأمر امر دين..ولكن نادين كيزان زي مابقول الاغلف دينق ههههدينق ده فاكر الكيزان هم البقولوا لا اله الا اللهوانت كان عندك حجج إسلامية أو شيعية في الحديث ألفي رأس البوست مرحبا بهاوممكن كمان تحدثني عن الصحابيات اللائي كن ولاة وحاكمات وخليفات راشدات أو قائدات جيوش الفتح لأوروبا وآسيا وأفريقيا..حدثني عنهن منذ فجر النبوة مرورا بالخلافة الراشدة ثم الدول الأموية والعباسية والايوبية والفاطمية عبر أربعة قرون؛ أو زد عليها حتى قرننا هذا.. أما ان كنت شي عيا زي قريبنا خالد داك فالأمر امر رجولة؛ هل ترضى لأمك أو زوجتك ليزورها الرجال انصاص الليالي واوقات الشدة أو تخرج في حاجاتهم وانت منبطح راقد في فراشك الوثير؟

اخونا عمر التاج جاهز ..
كان بقيت مسلم فعلي اتبع سنة بني أمية او يبقى رافض وبستعين بالشيعة الرافضية
وبالتالي .. غريب ومخالف للجماعة وخارج الإطار ..
أما الخيـار التاني فدا ما متعلق بالدين ..
لا متعلق بعصبية تانية
وديل بالفقه القبلي الذكوري الأبوي مباشرة ممكن يوصمو بعدم الإنتماء لقطيع الرجالّة وباعوا موقفهم لانهم تواطأوا مع الخصم المنازعهم والطامح للمشاركة في قيادة القبيلة
والخصم هنا بيمثل المرأة ..!
وبالتالي قميص عثمان يتلبس عدلة قلبة وفقاً لحجة الدافع عن الخصم

يعني بالراندوك الخطاب كالتالي
هوي يازول إنت بتؤيد آمنة المكي في ولايتها لإدارة أمر شئون القطيع شنو؟
الزول : والله شايفها زولة كفؤة ومناسبة ومن حقها علينا نطيعها كما أطعنا غيرها من قادة القطيع .
الراعي : ماتقول لي والله .. الله قال آمنة ما تمسكها.
الزول : لالا ما قال ولا حصل امر بي كدة .
الراعي : طيب لو ماقال ومافيهو مشكلة ليه اباؤنا وأسلافنا ماحصل تقدمت قطيعهم آمنة ؟
الزول : كدي دقيقة إنت مش الله بيقول ليك ما تجي تقول هكذا فعل أباؤنا ونحن على هداهم سائرون؟
الراعي : shut up ّ إنت رافض والا شنو لانه دا كلام كفار وروافض
الزول : لالالا لكن دا الحاصل والموثق
الراعي : يازول إنت مافاهم ولا بتفهم وما ليك القدرة والشئ دا اباؤنا وأجدادنا قالوا وقالوا وهكذا فعلوا وافهم منهم مافي
وبالمناسبة نحن ما دايرين رأيك زاتو يازول وآمنة دي حرّم ما بتمسك وبنجاهد زي ما امرنا اباؤنا الاوائل في الأمرنيابة عن الله .. مع السلامة امشي اطلع برة بلدنا دي شوف ليك روافض يلموك بحجتهم دي ..!
االزول : لكن انا مسلم يآخي ودي محلي والشغلة دي عقلياً ما جاية ولا صاح .
الراعي : عقلياً شنو . ؟. إنت شيوعي نئ وماراجل والا شنو البتقول ليك مخي قال لي
هووووي ها أنجض يا الشئ الرجالة بتقول ليك المرأة البتركبها دي كيفن تبقى رئسك؟
انت نئ والا شنو ونان عاد تاني بياتو وش تجي تعمل ليها اللسد وسيد السرير وتتفرعن عليها
يازول حرّم إنت كان كدة ماك راجل كان سمعت كلام إنتاية
أأأفوووو انت بقيت تالتن يا المخالتن والا شنونكرتنا نحن الرجال الزيك؟

إنتهي.

قلت لي ارقد منبطح وهي تمرق برة؟

وانا بنبطح لي شنو يا حبيب ما امرق معاها .. ما نمرق سوا
ما اهو انت هسع حكيت قصة وكل النس مرقت سوا ؟

وإلا انت وقت مرقت السطوح طلعت بكراعك اليمين وقلت بسم الله فبقت طلعت شرعية
أم الطلعوا مع النساء والأطفال الشارع يشوفوا كانت مرقت بالشمال يسارية فبقت شيوعية ؟

أسمعني هسه لو جينا للطلعة الشرعية بتاعت رجالة ناس الاسود الحرة ديل
إنت المشيت تشوف من السطوح وألا النسوان المرقن بقميص النوم للشارع ديل ؟
أيهم اكثر قرباً وتفاعلاً مع الحدث ؟

طيب نجي لنقطة اخرى ذكرتني قصتك قصة من قصص السيرة عن الشجاعة ودي فيها حديث
" "لَم تُراعوا لَم تُراعوا"
قصتو يا سيد اللمنتو ليك زي دي
في المدين الناس سمعت صوت شديد وفزعت وكلهم كبسوا السطوح :)
ووقت الناس سكنت وماشية تشوف الحاصل شنو في الشارع
لاقاهم صلى الله عليه وسلم وجاي مصدر الصوت وقال كلامهم دا

على ضوء هدى النبوة والسنة مين متآسي بالسيرة أكتر
المرقت بقميص النوم تشوف الخبر والا الأمن نفسو :)

المهم.. زمان قلنا
ثورتنا كنداكة

(عدل بواسطة HAIDER ALZAIN on 07-24-2020, 11:45 AM)