Quote: Mohammed Elnaeim :كتب: الله يكرمك يا غالي يا الدهب المجمروالعيش المقمر سخن في ليلة ماطرة باردة مع انقطاع الكهرباء وابتلال الحطب علي حين غرة ولا يوجد دكان لشعيرة وبينما يعتمل الجوع بك .... وفجعتن تعتر في فرن يعمل علي أضواء الشموع والناس في الظلام نياموهاك يا الرغيف المقمر قروووض بس طاولتين
|
● و الله عاد ي ود النعيم يجازي محنك و يكلبش أباليسك.. ياخي رجعتنا 20سنة عيشتنا
الليلة في جو (فول) ماطر عديل كدا ، و كمان واطة مضلمة ، بس يا ساتر من الدعاتر .
● أها ، تعرف بي ضلمة دي ذكرتني جماعة كرستلاوية.. مع الطشمة آخر الليل و كدا،
بقو مهووين للطيش فرسلو واحد يشوف ليهم طحنية و لا نصيبة زمان يقرضوها يفدرو بيها
العيش . فزولك أخد لفة لا عند البرسي ما لقى أي د كان فاتح.. علا شاف لو نويرتن هنوووك
موقدة متل الجويهرة يلا مشى عليها ضهبان. وصل : سلام عليكم، يا جماعة مغرودين لينا
في طحنية ، عندكم؟! قالو ليه: مرحبن بك اللخو اتفضل معانا عشا ، و الله ود حلال تب
و خصانك جراي ؛ لأنو الطخنية ليها رسلنا الجنا مشى يكوسا لينا هسي بجيبا و بجي.!
يالا، كشمة يا مولاي حافي حالق ، ورينا سنينانك بيضا الثلج.
* لكن عندي ليك برضو تخريمة و الحديس بجيب العريس :
فقبال نمرق من حتة أخوانا الأحباب البلاغيين على طاريهم : ديل كمان طيبانين
لامنغلت. و بالمناسبة خرجاتم في سبيل الله دي كولها من حر أموالهم لكن كل همهم
بس يوصلك الجامع دا و بعدين يفكوك عكس الهوى . يعني شغل تكاسة طرحة الجمع
نفر. و كمان شبكتم حسكنيت بس لو لمو فيك تقول يحلنا الحل بلة من القيد والمذلة. فقالك
مرة كدي لمو ليك في واحد ما بصلي متلحنو يسوقوه الجامع. فهو يوم جاه مزاج يمس
براه فقال يعملا ليهم مفاجأة. فاول ما سمع الأذان طوالي اتكشح ليو بموية أتوضأ و مرق
على الجامع جاك زول الود حمامة مسجد من قولت تيت .يلا مشى هناك كمان لقى جماعة
خارجة من باكستان شادين\ حِللم يجقجقن و شارين سراويلم العريضة دي في حبل غسيل
جوه حوش الجامع فزولنا براه متحيل طواتلي قفل الباب و وبقى متخارج راجع .في الطريق
جماعتو زاتم لاقوه : هي يا زول ياجودو و الله و مخدر اعودو الليلة عاد بسحروك ما شاء
الله عينا باردة و الله قالهم ، بالله كدي خلو البكش و ارجعاكم معاي ما في صلاة خلاس أنا
هدي جيتي من جامعكم لقيتو أجره لعزابة هديلك سكنو تب و ماخدين راحتم على الآمر.
أها يا و دالنعيم دي حاكيها لي تبليبغ تفتيحة. فشنو نحن لا بنزعلك و لابنزعل منك.
ود الأصيل