♧ آذان الأنعام £

● هي و نان تيب هو يا ود النعيم ،و كتين أصلو كدي،
الزول دا شن وداه هناك يقابض مع ناس عمك داروين ؟!!. فهؤلاء
أقوامٌ إما يكونون ملاحدة أو كنسيين على أهون تقدير . و أظنك
قاصد إنو نظرية داروين فيها مغالطة و دحض لما جاء به تحريفات
التوراة و الإنجيل، وضعها الذين يحرفون الكلم من بعد مواضعه .

▪ لكن كدي يا ود النعيم ، قبال ما نغرق بعيد داير أرجع بيك
لحتة القراي البديناه فوق ديك الليامات دي حاشرنو في فتيل.
فتخيل معاي بالله عليك : حكاية بوذي من عباد البقر يجي حانف
وشيشو يوم يقوم الناس لرب العالمين ، و يلولح في رويسو متل
السورو و يقول عاوز يدخلوه الجنة و نعيمة!! تعرف دي ذكرتني
نكته نكسر بيها رتابة النقاش شوية و لله المثل العليا:
● رباطابي فارشلو منقة و جاهو واحد سطلنجي
كرستلاوي مالي قرنو واقف لمبة و عريان ملط مولاي
كما خلقتني هكذا.و داير يتلايق مع الرباطابي قام هبش
المنقة و سألو : ياعمك، الكوم دا بي كم ؟! الرباطابي قاللو
اسمع إتا اللخو: المنقة ما بنختلف في تمنا و بنهاودك كمان؛
علا كدي سيبك منها و توريتي شايل قروشك في شنو.

*************************