مُجردُ اختلافِ سغافاتٍ

لدرجة أنهم ينادونني باسماء إخواني العايشين بين ظهرانيهم.
طيب هاك اسمع دي عشان تعرف بس حصاد غربتنا في الحياة دي بعد لئي!
مرة نزلت البلد لاقاني شاب ثلاثيني ببيع بلح في سوق التشاشة جنب زناكي الملجة.
و قفت اشتري منو فلاحظت إنو بعاين لي مسارقة كل شوية و عامل مدنقر، و كأنو في
راسو كلام.. حاولت أطلعو من شطبة الراس، فسألتو: مالك اللخو رايحة ليك حاجة و لامشبه؟ فرد متردداً و الله ياخي ماني عارف، لاكين كدي أنت من وين أول حاجة؟
قلت ليه أنا؟من الجيهة الفلانية. طيب نعلك من فريق ناس ود فلان؟ قلت أيوة! قال:
" بس، قربتني شديد، طيب داير أسألك ياخي من حاجة شاغلاني صراحة اتذكرتها
هسع ؛ زمان لمان كنا شُفَّع صُغار كان في بيوت ناس ود فلان المقابلاتننا ديل جناياً
وشو محومر و لين تِفَّة و نحيف و طويل كدا متل قشة الكبريتو في راسها
زيتونة ، أها الزول دا فجأةً كدي اختفى غتس و ين ماني خابرو ؟!"

• انتهى كلام السائل..و كأن شيئا لم يحدث فقلت أخير أنهي المقابلة
و أتخارج أمرق ألحق عربات السوقطبعاً العبد لله ما نقشت مين المقصود
و لما شعرت إنو الحكاية جرت بعيد و جابت ليها ناس ميتين أو محفتفيين
من زمن علىأحسن تقدير، ما اهتميت و قلت ليه خلاس ياخي أوزن لي الحاجات
عشان أمشي. ثم حاسبت الشاب و ودعته إلى لقاء آخر..أها بعد مارجعت البيت
الشغلانة دي عملت لي سافوتة أنا ظاطي و بقيت سارح أقلب في كلام الولد ،
وأتململ جاي ثم جاي حتى بالليل ما جاني نوم. ياجماعة الجنا دا بسأل
عن زول كان في بيوتنا ديل!! يكون منو ياربي؟! دا أكيد مننا! يا زول
لغايةما ربنا هداني إنو ذاك السجين الهارب ما هو إلا العبد الفقير إلى
الله شخصياً ، لكن بمرور الزمن بشكل لا يمت إلى ذاك الواقع الذهني
بأية صلة تذكر لا من قريب و لا من بعيد.. بعد أن شبع الدهر علي
أكلاً و شرباً، و مارس علي كافة صنوف التعرية الجسدية.

كن كصندلة ٍ ، تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقيها