Quote: والكتابات الزمانْ،
|
♤ يعني متابعني من زمن و شاقاك مغسة ساه!
و الله ما عندك سالفة ؛ و على رأي مولانا خافظ
تستاهل يجلدوك مائة جلدةً و لا تأخذهم بك رأفةٌ
في دين الله ؛ و ذلك تعزيراً لك ، لي قلة الشغلة.
♤ يلا، عاد كان كدي تعال نوريك الماك جايبلو خبر ،
و أنا زاتي طاريه طشاش؛ إننا فعلن جامعانا دروب الحياة
في(صم وير )بس وين يا ربي بحاول أجمِّع لكن ما قادر .
رغم إني ما بقرا ليك و لا حرف من كلامك الملتَّق و معسّم
تراكا خام الناس ؛ عامل متساغف و عنطظة في الفاضي.
▪ المهم يمكن جمعنا عنقريب الراكوبة مع وليد الحسين، شلة
طارق جبرين ، محجوب أوشي، بشير تهامي، محمد كردفاني ،
نسمة الصباح. بت أبوها، دبوية بت المطر ،حواء عبد رب النبي.
♤ و لا يمكن في ود مدني مع مولانا هيثم عبد العال، أولاد عولي
محمد السني دفع الله، أمين إدريس، مصطفى هاتريك، بت الرفاعي،
فدوى الحسن، أميمة عشرية، ريمون ، بت مدني ، بت مارجان، خالتو /
عنكوليب ، عمنا المرحوم محجوب حسن و أبو طبلية (غفير الجبَّانة)
و مع شلة الجو الرطب ؛ ود المطامير ، سواح ، عاشق الترحال و تنين
نفاخ النار؛ كنا عاملين ثورة كونية و المنافسة كانت براها فقاسة إبداع.
♤ و لا يمكن قريب هنا في نخبة السودان حيث جذوة صراع الديكة
محتدمة ٌ وُدِّياً بين بني جعل و بني شايق و ربيط ناس عادل القاسم،
ود تهامي ، الحفيان ، شراريبو دكتور سيف، أمنية و أم ريل. و أبدن ما
شفنا منهم الشفناه هنا؛ معارطة شحناء و بغضاء و منابيز ما تدي درب.
♤ و حتى منتديات ولاية نهر النيل و قرى ود حامد شاقنها بصولاتٍ
و جولاتٍ و لم يُشَق لنا فبها غبار مع ناس ود كرموش، الطيب ااتجيمي
ود حلتنا ، عبد الله شم. لامن هدا جيناك بجاي شبعانين تب ناس (قزقزة)
♤ في حاجة برضو ماني عارف لو عندك بيها علاقة. زميلتنا في شعبة
الفرنسي آداب الخرطوم شادية الخواض أرقى و أحشم كعبين يقرعان
بلاط الجميلة و مستحيلة ؛ أختنا من مدني كانت مخطوبة لي ود عمها.
و مرة جات السيرة سألت عنها فكان بين الحضور ابنها الخالق الناظر.
♤ بكدا، نورناك شوية ؛ و عملنا مبيعات ما بطالة. يلا أرقُد عافية.
دفع الله ود الأصيل
فيس بوك
تويتر
انستقرام
يوتيوب
بنتيريست