▪حَنْنُوبُ، بَخْت الرِّضا خَوْرُ طَقَّتْ، وادي سَيَّدِنا و خَوْرُ عُمَرَ فراديسُ مفقودةٌ£ُ

▪ سلاااام عليك أخوي الحبيب ود دريس،
و يا عبد الله ياخي ما خجلتنا و أدبتنا فاحسنتَ
تأديبنا زاتو . و نحن قالك بجاي رافعين نخرتنا و آخر
قلفصة و يا واطات الله اتهدي. المعنى الما قرأ حنتوب
و لا طقت و بخت الرضا و لا مشى الجملية و مستحيلة
كأنو فاقد تربوي عديل . لكن الكلام دا نبهتنا ليه مشكوراً
و بحسن نية إنو أبدن ما صاح و الله صحي ؛ نرجسية و
عنطظة فارغة ساي و "رَحِمه امرءاً أهدى إليَّ عيوبي" .

▪ و دا فعلن عيب خُلُقي و خلل نفسي بنعاني منو كثيرون
و في معظم مناحي حياتنا. أي : عقيدتنا المتصلبة كجلمود
صخر على أيقونة الجيوكندا التي لا تقبل أن يعفرها غبار الدهر
من بين يديها و لا من خلفها ؛ و اللى لو بُعِث دافنشي من مرقده
لأماط لنا اللثام عن شرود نظرتها تلك لعلنة تصبح أقل غموضاً.

▪ ياخي مسلن لسة مطرب جماهيرنا المفضل هو زنقار زنقار
(تلقاك ما سمعتبو يا حنكوش) و كان غيرنا منو تب بس عندك
خالتو عشوشة الفلاتية و اخوها الكاشف.
▪ و أحرف زول بيشوت كورة ناس جكسا و جقدول أمين
زكي و صديق منزول القالو: مرة قدا بيها بطن حارس مرمى
حبشى هغتان ( تلقاه عندو فتاق براو) و أحسن واحد بيمسك
كورة طبعن سبت دودو بلا منازع ( رغم إنو عمك كان كتير
ببيضا و يقبض الريح) و على ذلك فقس و يجي يقول لك
شنو؛ حليل الزمن الجميل و رحيق اللمكنة و كدي.

▪ بصراحة كنت قايلك من أندينا ، لدرجة مشبهك على ناسنا أهل العوض.
بس أوعة تكرضم تزعل مني و تاخد موقف و تاني طيرت أبريش من الدريش؛
لكن طلعت شنداوي و عافي منكم أهلي الحونان الفي الصلاة لمبات بيان.

▪ يلا خلاس، بنفس أريحيتك الباذخة دي تغني لينا عن ربوع شندي .. بلد
الجمالعندي.. ساهرتو بينا"، و ضواحيها ناس ساردية و الصُفُر و كدي و ح
نحكي مسلن تن ود راوة الحصحاص حلاوة و الخدار لقاوة و البنات نقاوة.