▪حَنْنُوبُ، بَخْت الرِّضا خَوْرُ طَقَّتْ، وادي سَيَّدِنا و خَوْرُ عُمَرَ فراديسُ مفقودةٌ£ُ

# عمومن ديل كولهم كانو بلطشونا زي شارب الموية و نحن كنا فعلن ملطشة
مجال الكورة لأنو ا لنعامة طبعن ما لقت جري وطيران و الغريبة كنا من دون خلق
الله محتشمين بنلبس شورطات أبو تكة عديل و طويلة لحدت تحت الركبة ما عارف
ليه، ياخ كانو عاملننا قهة لامن نجري بالكورة يكوركو فينن ( يلا سراويلو ماشي جر
واحد والتاني و الحارسو ا شاااايت ، علا يا خسارة في الهواء ) يعني مرة حصل حمد
دفع الله و الديبة ديل براهم مدننا تلاطاشر قون للاشي لامن الشغلانة بقت بايخة زاتو
( قبقو الواحد يمسك الكورة من و إلى صنعاءَ ، لا يخشى إلا الله و الذئب على غنمه)
ففي نهاية المبارة قعدو يهتفو علينا إلى البنطون يا كرتون. علا نحن حتنا ما سكتنا ليهم
كنا بنهتف بالأوطان نقول ليهم:يلا إلى الخرطوم يا موهوم (يعني جامعة الخرطوم)
و للجميلة و مستحيلة يا بو طويلة؛ ياهي دي كانت بس مساكتنا وحيلتنا البندَّرق
بيها و هكذا كان برضو الناس حونا والحياة طاعمة يااستاذ ياخ.
ودمتَ بعافية يا أستاذ إسماعيل ،،،
أخوك/ ود الأصيل(تيبار سبيل)