الضهاري في مواجهة الطواري

مرحبا Guest
اخر زيارك لك: 06-13-2024, 07:21 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2019م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
02-28-2019, 07:05 AM

قيقراوي
<aقيقراوي
تاريخ التسجيل: 02-22-2008
مجموع المشاركات: 10380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الضهاري في مواجهة الطواري

    06:05 AM February, 28 2019

    سودانيز اون لاين
    قيقراوي-
    مكتبتى
    رابط مختصر



    طلب أذن معارضة وتظاهر :-
    ----------------------------
    السيد رئيس الجمهورية الكبري بواسطة رئيس جهاز الأمن بواسطة النائب العام بواسطة رئيس أمن الولاية بواسطة رئيس أمن المحلية بواسطة رئيس إدارية كرفسو بواسطة رئيس لجنة قرية ممهولة
    يجدهم كما( نتمني) .
    نمى لعملنا إعلان حالة طوارئ في كل البلاد بواسطة رئيس الجمهورية وأعقبه اعلان قوانين ٤ للطوارئ كما سمعنا عبر مذياع شيخ حلتنا المبجل وأن احد هذه القوانين أن لا يتم اي عمل معارض للنظام الا بعد رفع طلب بهذا عليه ، وعملا بقوانيكم الجديدة والتي لا نعرف كيف كانت تسير الأمور قبلها حيث كنا نتظاهر وقتما نشاء وكيفما نشاء ونتشارك مع بعض دفع نفقات اللساتك وكيمان القش والوقود للاشتعال وبما أننا ك سائر أبناء الشعب الآن معارضين لكل سياساتكم السابقة واللاحقة وسنظل كذلك حتي اسقاط النظام عليه نرفع لكم طلبنا هذا للنظر فيه بعين السرعة والرضاء للسماح لنا بمعارضتكم سلميا عبر التظاهر والتجمع صباح ومساء بالهتاف وحرق اللساتك وتوزيع القصاصات والكتابة علي الحائط وشتم كل المسئولين الذين أوصلوا البلاد الي هذا الوضع كما نأمل منكم دعم حلتنا الكريمة بالآتي لإنجاح مظاهرات معارضتنا لكم :
    ١/ عدد ١٩ مكبرات صوت للهتاف ( أصلا الأيام الفاتت دي كنا بنكورك بمكرفون جامع الحلة ما عندنا غيرو والله ولا كان وسعنا مواعين الكواريك )
    ٢/ عدد ٣ طابعات ( ماركة ابو السريع ) مع ٢٠ باكتة ورق أبيض وملون ) لعمل قصاصات زي حقت أولاد المدينة ديلك ناس بري وشمباتة عينة ( تسقط بس وكده بخشم الباب...وتكسر سنك تكسر اضانك ...و حرية سلام وعدالة ) حيث أننا كنا قبل ذلك نهتف فقط ونكتب احيانا بالفحم ساي في بيت رئيس اللجنة الشعبية : ( قول للجابك ابقي مارق طممت بطنا ) وحيث أن هذا لا ينسجم مع ادب الثوار والثورة نرجو مدنا بهذه المعينات ويا حبذا لو عينات من اخر هتافات المدينة .)
    ٣/ عدد ٣٠ متر دمورية خشنة لبعض الشعارات المتحركة .
    ٤/ عدد ١١٤ شاب من الأحياء صاحبة الخبرة في ترديد الاشعار الحلوة ديك ال بتخلي البنات يزغردن والاولاد يلاقو البمبان باليدين والشلوت لغرض تدريب شباب الحلة .
    ٥/عدد ١٣ تاتشر دفع رباعي عشان تساككنا في الحلة اهو منها رياضة لينا ومنها شغل ليهم ياكلو منو عيش بدل قاعدين مبلمين بي طرحهم دي وقبل ما ننسي بالله ما تدوهم نثرية اعاشة لأن ناس الحلة هنا ملتزمين بي اكلهم وشرابهم وسكنهم اصلا كلنا بناكل مع بعض في ديوان العمدة ، وكت الاكل يجو ياكلو معانا ووكت المظاهرات يساككونا من شارع لي شارع والحلة اصلا ما كبيرة احسن ليهم زاتو من شوارع عباسية وبري وشمبات ال بتصادمو فيها بي عرباتهم .
    والسلام علي من اتبع الهدى
    شباب قرية ممهولة
    عنهم :
    /١ فجاخ ابو حواء رئيس لجنة المقاومة
    /٢هجام أبو فروة مسئول الاعلام
    ملاحيظ :
    - عشان ما نقعد ساي وعارفين جوابنا بتأخر ما بصلكم سريع نحن ح نكون في حالة مظاهرات دائمة لأننا عارفنكم ما بترفضو طلب تظاهر.
    - تم تسليم الخطاب بعد ساعة من سماع خبر قوانين الطوارئ في الرادي.
    - الختم #تسقط_بس
    ٢٥/فبراير/٢٠١٩
    ......
    - يرفع للادارية
    ....
    يرفع للمحلية
    ....
    يرفع للولاية لا تعليق .
    ...
    يرفع..
    ونحن شعب اوووسطي
    دكتور عمر كبير








                  

العنوان الكاتب Date
الضهاري في مواجهة الطواري قيقراوي02-28-19, 07:05 AM
  Re: الضهاري في مواجهة الطواري قيقراوي02-28-19, 07:10 AM
    Re: الضهاري في مواجهة الطواري قيقراوي02-28-19, 08:42 AM
      Re: الضهاري في مواجهة الطواري محمد حمزة الحسين02-28-19, 09:22 AM
        Re: الضهاري في مواجهة الطواري قيقراوي03-03-19, 12:27 PM
          Re: الضهاري في مواجهة الطواري توفيق عيسى مكي03-03-19, 07:54 PM
            Re: الضهاري في مواجهة الطواري قيقراوي03-04-19, 09:15 AM
        Re: الضهاري في مواجهة الطواري قيقراوي03-04-19, 07:57 AM
          Re: الضهاري في مواجهة الطواري حامد بدري03-04-19, 04:00 PM
            Re: الضهاري في مواجهة الطواري هاشم الحسن03-04-19, 04:37 PM
              Re: الضهاري في مواجهة الطواري قيقراوي03-06-19, 03:04 PM


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de