كتب الكاتب الفاتح جبرا المتوفرة بمعرض الدوحة
|
Re: الضهاري في مواجهة الطواري (Re: قيقراوي)
|
الدلكة دميرة هذا العام
خالد عباس الطاهر
ناديت السكات سلم علي يمي وراني السلام خيلي وبنات عمي قصيت الأتر دخل الدرب ألمي وياني رديف الموج علي هايل الزرقة وقصاب حيتان المالح مشطور بي سيفي وملهوف بين شهوة سيف ابن ادم وبين غفلة ناقة صالح مشدود كالزمن الكالح الدلكة دميرة هذا العام قراءة جديدة من تحت خيول الترك من ظهر خيول المك للدم السايل من قدح الدفتردار نص : غابت شمس الحق طلع البدر علي نخل الاجساد وبلال العبد الحبشي إتوازي في صدرو العام بالخاص غضبة مملوك ومقاتل أحد أحد أحد ينثر ريحان الاخلاص شايل جسدو من عباد الشمس معالم واضحة والحر دافق في وشوا بحيرات افريقيا ناده من تحت حوافر الخيل شو بيك يابلال عمال تطلع وتشاور داير علي حجي وهواش يا بن القهوة الحبشية يابن القهوة أي والله يا زلمي البن اللي يسيل من بطن الوادي للدلة من نهر القاش شو بيك يابلال عمال تطلع وتشاور داير علي حجي وهواش تنجي ولا ينجي البطال أذن عصفور الجنة وقام الناس للحن صلي الصخر قيامة وصلي النهر صلاة البدء غابت شمس الحق طلع البدر علي نخل الاجساد وإتوازي العام بالخاص في صدر الرمح الحبشي وعبء الفعل بحيرة تانا حبر اسود وسال النيل الأزرق بركة وبكري تني يتقهوج منو المك إذ طلع البدر علي نخل شجرة المك والمك منقول من ساحة القول لي ساحة الفعل السيد يحرق طلح التاريخ ويودي المحلب كم مشوار بين درع الجعلي وبين نهدين لي صبية الريح اشرب يا سيدي اسماعين ديل شعب الوادي الطيب حطوك ع الراس حط الاورطا علي جرح كبير الناس تسلم ياسيدي اسماعين ناولني الكاس غابت شمس الحق طلع البدر علي نخل الاجساد عربان الضهرة إتيمموا قبلة جلد التور إذ دقة نحاس الموت وإتلفو صلاة الميت اعقل يامك اسف مش قادر اقفل باب الشريان قربوا ابعد حتة متمة وابروا الموج من سدر النيل لي ضراعوا الراقد ريح وجالب البن لي مك يتقهوج فضلة خير النيل الازرق وقال بالحالة نجاشي يخت السيف في العقدة أم زمة قربوا ابعد حتة متمة اعقل يامك اسف مش قادر اقفل باب الشريان القوة بنية السيف تاتت في سدور الجعليات نخلات العباس لبنة وفكة ريق ونحاس وكبرت جوة القفص الصدري وحقت راجل ساعة ضيق ساعة يقنزح باشا اعقل يا مك شان ترضي ملك وإله ده الدين الطاعة الأمر ده النخل الحت سبيطوا المطر امبارح ده التمر الجابوا السيل شن فايدة تمرا جابوا السيل ناولوني القربة المريوقة حلابن وأنا ح آكل الويل مسيتكم في صدور الريل صابحوني فوق ضهر الخيل اعقل يا مك آسف مش قادر اقفل باب الشريان قربوا ابعد حتة متمة وابروا مدافن السيل دايرين اللي شان ألمي الزرقا يلوا ضراعي ويلوا ضراع النيل اعقل يا مك اسف مش قادر اقفل باب الشريان اذن عصفور الجنة وقام الناس للحن إستوت القصيدة فطالت اعناق المغنين إهتزت شوارب البدوي حين سال الوادي في جبه الغناي وكان مزيكتوا قرنة تور وطبل ونحاس ومركوبين نمر نمر البارودة حماد الهجة شكار العودة قراع النازلة سواق القودة سراي الفنقة بي خيرا وجودا يا الساق الناصح ما انطال لي قودة ، واشرب ياسيدي اسماعين اعقل يا مك اسف مش قادر اقفل باب الشريان قربوا ابعد حتة متمة وابروا مدافن السيل دايرين اللي شان ألمي الزرقا يلوا ضراعي ويلوا ضراع النيل اعقل يا مك اسف مش قادر اقفل باب الشريان المك الماسك حبل الحيل يرفع في الارض افعالوا الصعبة يمكن تستاء القلابات يمكن تشرع في تكيف الحال بالدم و الرقص الشعبي تحتمل الثورية الفذة الجرح المقروء عليه تحاصين الدعوات لي حبيبي وسيدي فاروق الملك السايل زي ريق الحمضيات متوفر ولازع في ألسن الشعب الكادح الراكع لله حتي تنتهي الخطبة الرسمية وحتى يؤذن أن لا يركع للجوع لي حبيبي وسيدي اسماعين برده من الوصفة الملكي لي خديوية اسطنبول المك يعقل عن صمت ينهزلوا نحاس في طبلة اذنوا الخاصة يهزم كائن من كان إذ خت قبيلتوا تحت شنبوا وبيناتا جنيات الريل الطايف كعبة صدروا نحاس ودرع شنبك يحمي قبيلة شنبك والقربينة ولاد تسعة وتسعة ضلك رقدن فوقوا خيول الريح والسافل الراسوا نحاس دواس وبكاتل طاقيتك تحكم نيلا وشنبك يحمي قبيلة قبيلتي السيف و النيل وضراعوا الراقد ريح سارقوا الدم في الروح والجتة يطلع فارس درويش يسارق الدم في الروح والجتة يلبس علي شكل الارض مرقع غابة وصحراء ونيل يسارق الدم في الروح و الجتة يملص درعوا في كرري يلبسوا فارس بي كسكتة ويخطط اوردة الجسد النور للنيل الوهج الازرق شارعين ومحطة وغيم رحال شوا بيك يابلال اسماك في الغيم بي كنية كان ومجاز الدم يتسرب لي شجرة المك في حالة الغاز مبعوت للقمة وسلطانة التمر الجابوا السيل الدفتردار إتوكا عصا الإستانة في البدء المك إتوكا حما طياع الخيل في سفر الدم التاني المك إتوكا النيل ويمكن تستاء القلابات والجعليات تمرات القيف الما طالن هدام الليل العاقر ديسن تاه ونسوا الشافوا مهرات من ساسن يا قايد زحف الإستانة فين تبقي تنام ياسيد امبابة واسوانة عمرك جربت بنات الوادي الأعلي ديل عطر الروح وسلطانة يمكن تعزرنا لهوانا للمية واسماك النيل والجعليات تمرات القيف الما طالن هدام الليل العاقر ديسن تاه ونسوا الشافوا واتمهل غادي وبين اكتافن نام يا قايد غضب الظالمين عمرك جربت تنوم فوق حد السيف والسكين ولبست دماك سديرية وريهوا يااختي قميرية اديني مسيرتك وخيرتك يلي نقالد النيل ونحدث سمك البحر بسيرتك يمطر عضموا شليل ياشليل للمك للمك الجود الجعليات امات السود عافن جلد الباشا وقلدن جلد الدود والدلكة دميرة هذا العام والمك بيخت الروح في راحة الايد مش قادر يقفل باب الشريان والدلكة دميرة هذا العام والمك ضل شنبوا مقعد فوقوا قبيلة ومحدد ابعد حتة متمة وكل الدنيا سلاطين والدلكة دميرة هذا القرن الواحد والعشرين سارقوا الدم في الروح والجتة يطلع مك من يات من حتة تشرق شمس العرس الغابت يمشي الحق ويخت الختا ما لاقيت من غير الصامد ما لاقيت من غيروا البتة يمرق حاضن الفعل السيد شال نوار الثورة وحتة وحددوا ابعد حتة متمة
| |
|
|
|
|
|
|
Re: الضهاري في مواجهة الطواري (Re: محمد حمزة الحسين)
|
Quote: عارفين يعني شنو (سلمية)!؟
|
سلمية يعني تسلم وجهك صوب حقك الدستوري في التجمع والتظاهر والاضراب .. والعصيان ذاتو
وتمد صباعك السبابة 👈 وتقول للغافي: يازول هييي .. وهوي يا زول .. ويازول هييي!!!
| |
|
|
|
|
|
|
Re: الضهاري في مواجهة الطواري (Re: توفيق عيسى مكي)
|
Quote:
يا ناس الضهاري ... قشة انتو ما تقلبوها
|
يا عمك ارخي .. ارخي .. نقلب شنو؟ .. والجاب سيرة القلب منو اسي؟
------------
ديلاك اود قلبا .. القاعدين يقولوا انحنا كان قمنا بنقلّبا .. الظاهر اتخلبت عليك الاختساس
| |
|
|
|
|
|
|
Re: الضهاري في مواجهة الطواري (Re: قيقراوي)
|
غايتو جنس غايتو قريت العنوان قتا توفيق حنا قريت التويتة بتاعت حسن خوجلي كاتب انا مع الطواري رديت ليو الطورية التقرم رقبتك رقبتك دي م يكون بكري عامل ليها سلالم تحياتي قيقا
| |
|
|
|
|
|
|
Re: الضهاري في مواجهة الطواري (Re: حامد بدري)
|
شكرا على ضحكة الصباح يا معلم قيقا.. شعب مبدع ولذيذ ياخي انتو.. ممهول وماهل وممكن يتجادع معع ظالمو النم، لكن وكت تقفل معاهو كمان، ببقا شين ودشن مرة. ويا ناس ممهولة يمين تستحقوا حيكومة مهمن كانت تكون، فبرضو احسن من حكومة المرض ديل.. كضبن وصهينة. يا شيخنا قيقا الراوي؛ "الدلكة دميرة هذا العام" باقي لي بتدور المهلة، ما صعبة شوية باقيلك! نرجو الإفادة في أول سانحة ثورية!
الختم: #تسقط_بس
| |
|
|
|
|
|
|
Re: الضهاري في مواجهة الطواري (Re: هاشم الحسن)
|
Quote: لكن وكت تقفل معاهو كمان، ببقا شين ودشن مرة.
|
ياخي اضراب امس دا اذهل حتى الرومانسيين الثوريين الحالمين الزينا دا
شعب معلم
---------
الدلكة عموماً بتدور المهلة .. وخصوصاً لمن تكون موقوتة بقيد زمني استعجلنا رداً على البقول انو الوجع دا ما وجع ولادة .. في شوفي الحالم الشغلة فتحت مصبعين ونص
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|