|
Re: مائة عام في دفاتر الحكومة... مشروع سيرة ذاتية (Re: المسافر)
|
الداية مراد الله شربت المهنة من أمها المهلة بالله وهي نفسها وارثاها من أمها الله ادته وعشان أماتها كل واحدة فيهن وهيطة في جيلة اتوهطت مراد الله وسط الحلة.. لكنها غير اماتها فايتاهن طمسة وفي جسمها بسطة ومرة مرة رجالاً كبار يقولوا ماها شينة ... والإنجليز أعطوها صندوقين ألمونيوم بيض وخرج تيل أبيض ولباسها ساكوبيس أبيض وتغطي راسها بغطاء أبيض وحمارا كارب وحاجات حاجات صغيرة صغيرة وموية في قزاز ومقصات وعدة وجازموها تبعد من الفتوات والبنيات لكنها ما خايفة من المجازمة.. وحايمة ليلها ونهارها لكن السمايات بالعدد لكن إن قالت.. قولها يطير مع العصافير.. وإن دخلت بيت الناس تتلفت نزلت العدة.. لا ما نزلتها حتى الناس تخاف من نزول العدة كان الحمار ساكت رقد يتوروه بسرعة عشان ما تنزل العدة.. ومرة مرة حاجات يقولن عليها ماها نصيحة.. حد ما تدخل على مرة تقلانة وجه نفاس تقول السلام عليك يا مريم يقولوا ليها اسمها جارة أسها جارة وكل النسوان مسمياهن مريم.. حتى راجل مغزيلة كسر الجر وهو يكورك مغيزيلة .. اسمها مغيزيلة الغزالة التنقدك وأم راجل مغيزيلة سوت معاها البدع قالت ليها دي ما الشغلة الكانت بتسويها أمك وولدنا ليه حميتيه بموية قزازك نحن بنمسحو بزيت السمسم وما بنقرب منو الموية ومويتك دي من وين جايباها وبتمتمي بقولي شنو النضمي ده اشنفرو سمعينا أياه وقلعت منها جنزير صغير كانت لابساه الداية في رقبتها في طرفو حديدتين صغار زي علامة زايد في الحساب مرقتو فوق رأس الشافع واحدين قالوا جنس كلامها ده شفناه في البندر في المستشفى بسوه ناس جابوهم الانجليز والداية مراد الله ساقوها الانجليز علموها حاجات وهي كانت بتكتب وتقرأ وهم علموها زيادة وكل مرة يعطوها الحاجات والقروش ولما كبرت وبقى لسانها فلقة كلامها بقى كتر كتر والناس يا ساتر الكلمة تتقال يرجاها شبال وكلامها في العمدة نفرو براهو قالت أصله السيد الكبير جابه في سرية والست الكبيرة من شافتو عرفتو لفتو شالتو جابتو وقالت هيلها وعشان الست الكبيرة جمايلها على الناس لا من شاف ولا من درى والمعروف وصل الداية والشافع من شب وكبر قام بالأذية لا خلى أرض لا خلى عرض ومن يوم بقى وارث وسموه العمدة الناس في الشقاء والعنت وهو كل يوم داخل مامور ومارق مامور حتى العمودية شالها من أخوه بالزور واتفاقوا مع المامور. وكلام الداية في العمدة ناس يقولوا ده كلام حكومة ناس في ايدها القلم تكتب وتمحى وتودي لي المامور وسيدنا السيد ولدوه هنا في وقتا ما ليه رباعة غير ناسا شقيانة ما تعرف كم من سنين فاتت وكم من سنين جاية وباقي القوم أقلهم.. يحاجج إبراهيم في ربه وما مادام في بالوا انه قادر يقتل وقادر يحي ما سائل في مسير الشمس من شرقها لي غربها
|
|
|
|
|
|
|
العنوان |
الكاتب |
Date |
مائة عام في دفاتر الحكومة... مشروع سيرة ذاتية | المسافر | 04-03-06, 11:44 PM |
Re: مائة عام في دفاتر الحكومة... مشروع سيرة ذاتية | Adil Al Badawi | 04-04-06, 00:29 AM |
Re: مائة عام في دفاتر الحكومة... مشروع سيرة ذاتية | bayan | 04-04-06, 01:58 AM |
Re: مائة عام في دفاتر الحكومة... مشروع سيرة ذاتية | المسافر | 04-04-06, 11:41 PM |
Re: مائة عام في دفاتر الحكومة... مشروع سيرة ذاتية | المسافر | 04-04-06, 11:32 PM |
Re: مائة عام في دفاتر الحكومة... مشروع سيرة ذاتية | Mamoun Ahmed | 04-04-06, 02:10 AM |
Re: مائة عام في دفاتر الحكومة... مشروع سيرة ذاتية | Adil Al Badawi | 04-05-06, 00:25 AM |
Re: مائة عام في دفاتر الحكومة... مشروع سيرة ذاتية | المسافر | 04-05-06, 01:05 AM |
Re: مائة عام في دفاتر الحكومة... مشروع سيرة ذاتية | المسافر | 04-09-06, 09:05 AM |
Re: مائة عام في دفاتر الحكومة... مشروع سيرة ذاتية | saif massad ali | 04-09-06, 09:28 AM |
Re: مائة عام في دفاتر الحكومة... مشروع سيرة ذاتية | المسافر | 04-09-06, 09:52 AM |
Re: مائة عام في دفاتر الحكومة... مشروع سيرة ذاتية | خدر | 04-10-06, 02:08 AM |
Re: مائة عام في دفاتر الحكومة... مشروع سيرة ذاتية | luai | 04-10-06, 02:44 AM |
Re: مائة عام في دفاتر الحكومة... مشروع سيرة ذاتية | المسافر | 04-11-06, 01:32 AM |
Re: مائة عام في دفاتر الحكومة... مشروع سيرة ذاتية | المسافر | 04-12-06, 00:18 AM |
Re: مائة عام في دفاتر الحكومة... مشروع سيرة ذاتية | المسافر | 04-12-06, 00:50 AM |
Re: مائة عام في دفاتر الحكومة... مشروع سيرة ذاتية | sumah | 04-12-06, 00:56 AM |
Re: مائة عام في دفاتر الحكومة... مشروع سيرة ذاتية | محمد أبوجودة | 04-12-06, 02:16 AM |
Re: مائة عام في دفاتر الحكومة... مشروع سيرة ذاتية | محمد بهنس | 04-12-06, 04:03 AM |
Re: مائة عام في دفاتر الحكومة... مشروع سيرة ذاتية | المسافر | 04-15-06, 01:22 PM |
Re: مائة عام في دفاتر الحكومة... مشروع سيرة ذاتية | المسافر | 04-15-06, 01:32 PM |
Re: مائة عام في دفاتر الحكومة... مشروع سيرة ذاتية | المسافر | 04-15-06, 01:40 PM |
Re: مائة عام في دفاتر الحكومة... مشروع سيرة ذاتية | المسافر | 04-15-06, 11:44 PM |
Re: مائة عام في دفاتر الحكومة... مشروع سيرة ذاتية | المسافر | 04-19-06, 06:00 AM |
Re: مائة عام في دفاتر الحكومة... مشروع سيرة ذاتية | المسافر | 04-24-06, 06:01 AM |
|
|
|