|
Re: بخصوص قرد الأبيض .................وكلبها (Re: حاتم الياس)
|
حاتم "اليأس" و"النكات" القصيرة
مع الاعتذار لمحمد القيسي
ما سمعته يا حاتم قصة النمر والقرد؟؟؟
قالو النمر حاقر بالقرد، كل ما يلاقيهو يقوم يديهو كف .. ويقول ليهو: "أمشي جيب النضارة" !!!. بعد الضرب والكفوف كترت على صاحبنا القرد، قام مشى اشتكى النمر لللأسد "ملك الغابة"، وقاليهو: يا عم الأسد ياخي النمر ده كل ما يلاقيني يديني كف ويقول ليّ : أمشي جيب النضارة، أنا ذاتو ما عارف النضارة دي شنو!!!؟، قالو عمنا الأسد طمن القرد ووعده خيراً بإنو الموضوع سيحل مع النمر. بعد أيام استدعى الأسد النمر وقاليهو: يالنمر ياخي حكاية إنو تدي القرد كف وتقول ليهو: أمشي جيب النضارة بتبقى ظاهرة وما منطقية!، عشان كده أحسن إنت تضربو كف وتقول ليهو: أمشي جيب الموزة .. إذا جابه ليك موزة خضرة أضربو كف وقول ليهو: أنا قلت ليك جيبه خضرة؟، في المرة الجاية حيجيبه ليك صفرة، أضربو كف تاني وقل ليهو: أنا قلت ليك جيبه صفرة؟، وهكذا، كده المسألة بتبقى منطقية شوية. إقتراح الأسد عحب النمر فوافق عليهو. بعد أيام قابل النمر صاحبنا القرد قام أداهو كف وقال ليهو: "أمشي جيب الموزة"!!!، القرد المسكين "مغلوب على أمره" مشى جاب الموزة، قام النمر أداهو كف وقال ليهو.: أنا قلت ليك جيبه صفرة؟؟ ... أمشي جيب الموزة!!!، قام القرد مشى وجاب ليهو موزة خضرة، قام النمر ضربو كف وقال ليهو: أنا قلت ليك جيبه خضرة؟؟ ... أمشي جيب الموزة!!!، هنا قال صاحبنا القرد بذكاء: يا عمو النمر عاوزة موزة صفرة ولا خضرة؟، قام النمر "شاعراً بورطة كبيرة في السؤال" طقش ليك القرد كف تاني وقال ليهو:
"أمشي جيب النضارة"
هاهاهاهاها حلوة مش كده؟؟.
طبعاً النمر هنا بيعادل الكلب في حكايتك، وهو الاسلام السياسي "ممثل في الجبهة الاسلامية القومية" وما أنجبته لاحقاً "سفاحاً" من وطني وشعبي. أما القرد فهو الواقع عموماً والسوداني تحديداً، وهو ينافح لصد الضربات عنه. وعبارة "أمشي جيب النضارة" هي أقصى درجات خطاب الاسلام السياسي ابتذالاً وهو يتحرك على المستوى الإديولوجي في البنية الاجتماعية. أما عمنا الأسد فهو "النظام العالمي الجديد" يطراهو الله بالخير!!! عبارة "أمشي جيب الموزة، خضرة ولا صفرة، ليس لها محل من الاعراب!!!
بس أنا كنت عاوز أسألكم سؤال برئ:
النمر عاوز النضارة لشنوووووووووو؟؟؟؟؟؟؟.
برضو
Quote: الكلام أعلاه ........للونسه فقط والمسامره |
بس يا حاتم : "أمشي جيب النضارة".
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
بخصوص قرد الأبيض .................وكلبها | حاتم الياس | 03-08-06, 09:15 AM |
Re: بخصوص قرد الأبيض .................وكلبها | Tumadir | 03-08-06, 09:34 AM |
Re: بخصوص قرد الأبيض .................وكلبها | bayan | 03-08-06, 09:49 AM |
Re: بخصوص قرد الأبيض .................وكلبها | مهيرة | 03-08-06, 09:56 AM |
Re: بخصوص قرد الأبيض .................وكلبها | حاتم الياس | 03-08-06, 11:10 AM |
Re: بخصوص قرد الأبيض .................وكلبها | فرح | 03-08-06, 11:14 AM |
Re: بخصوص قرد الأبيض .................وكلبها | othman mohmmadien | 03-08-06, 01:01 PM |
Re: بخصوص قرد الأبيض .................وكلبها | Abdalla Hussain | 03-08-06, 04:25 PM |
Re: بخصوص قرد الأبيض .................وكلبها | انعام عبد الحفيظ | 03-09-06, 08:35 AM |
Re: بخصوص قرد الأبيض .................وكلبها | معاذ الدخري | 03-09-06, 09:43 AM |
Re: بخصوص قرد الأبيض .................وكلبها | bayan | 03-09-06, 10:07 AM |
Re: بخصوص قرد الأبيض .................وكلبها | Sobajo | 03-09-06, 10:11 AM |
Re: بخصوص قرد الأبيض .................وكلبها | Sobajo | 03-09-06, 10:37 AM |
Re: بخصوص قرد الأبيض .................وكلبها | حاتم الياس | 03-11-06, 05:03 AM |
|
|
|