|
|
 Re: بوست فارغ (Re: خالد عويس)
|
الله يا خالد
ذكريات لا تبرح الذاكرة ، ترفض تماما ان تترك احداثا اخري تحل مكانها
تذكر اول يوم لينا في المدرسة يا خالد
طردنا من الفصل انا و انت و حسن مصطفي و عبد الحميد علي لصغر سننا ، و رجعونا اليوم التاني قبل ما نستمتع بترك المدرسة و العمل ( ترابلة ) كما كنا نحلم ، و لا انسي يا خالد استاذ احمد كنه فهو اول من علمنا حرفا ، استاذ بابكر كنه و محمد موسي و حسن دياب ، تذكر يا خالد لما حسن دياب قال ليك انتا حتطلع صحفي تمام بعد ما طلعنا الجريدة الحائطية بتاعة سنة رابعة ؟
| Quote: أتذكر يوم دمر طلاب المدرسة "بار نون" !! كم أحب أن أكتب عن التعايش الجميل بين مسلميها وأقباطها. حين "يرفعون الفاتحة" في أمواتنا، ونذهب معهم لمقبرة "فهيم" لدفن موتاهم. |
عارف لما جاء راعي الكنيسة الارثوزكسية لاقباط مصر و السودان في زيارة للمسيحيين الشرقيين المنتشرين في صعيد مصر و شمال السودان ، الجماعة اولاد عنتر عزمونا لحضور الاحتفال في بيت نون ابادير ، تعرف الاحتفال بالاستقبال دا كان فيه كمية المسلمين اكتر من الاقباط ، و كلمة الاستقبال القاها مولانا قاسم محي الدين إمام جامع حلة الفقرا عليه الرحمة ، و الله يا خالد ما انسي الكلمة الرد بيها الاب في الاحتفال علي مولانا قاسم ، الراجل اتاثر تاثر شديد بوجود الحشد الكبير من المسلمين في استقبالو و كمان كلمة الاستقبال يقولا امام المسجد ! ، الوقت داك الاسلاميين كانو مدورين في اقباط جنوب مصر ، الراجل دا قال في بداية حديثو عمري ما شفت لا في مصر و لا في زيارتي لمناطق وجود الاقباط من الخرطوم و لغاية ما وصلتكم حجم التسامح الديني المجودة هنا .
الذ حاجة يا خالد لما يكون في مبايعة بين نصراني و مسلم المسلم يقول ليهو بي عفوية ، صلي علي النبي و يرد عليهو الخواجة بعفوية اكتر اللهم صلي علي النبي ( ص ) و تبدا المساومة في السعر . و الالذ في رمضان ناس ازهري و كرزون يجو يفرشو بروش الفطور في الشارع قبل ما نحن نجي و ينتظرو معانا الاذان و يسمو بالله و يشاركونا فطور رمضان ، و الشاي و القهوة بعد الفطور و الونسة لغاية صلاة التراويح ، وقت الصلاة بكونو قاعدين يدخنو منتظرين ننتهي و تدور الونسة من جديد .
بار نون دا كان واقع في نص الطريق بين بيتنا و السوق لما يرسلونا الدكان كنا بنمر و نشوف منو المركلس في البار من الصباح ، و منو الجا خاشي المغرب ، و الذ ايام البار لما يكون في نفير نظافة و نحن صغار كنا بنخش في المخزن الوراني و نجمع علب البيرة الفاضية عشان نعمل منها عربات الحديد و نطلع بيها كوشة الخلا و خور فتحي عطية في كنفوي صغير لجمع مزيد من الكراكيب و الحديد و العمدان البتنفع لصنع المزيد من العربات ، بعض الاشقياء كانو بجمعوا البواقي من علب البيرة في علبة واحدة و يشربوها .
لما نزلت السودان في مرة من المرات مشيت بيت النصاري كالعادة ، لقيتم متجمعين بربطة المعلم ، بعد السلام سالني مجودة : يا حيوان قالو لي مشيت حجيت و بطلتا العرقي !
قت ليهو ايوا تبت و الحمد لله
رد علي فيصل و طيب يا حيوان نار جهنم دي البخشها معانا منو ؟؟
قت ليهو ما تدخلا انتا براك يا خواجة يا حطب النار نحنا الرسول بجي يشفع لينا ، انتو البدخلكم الجنة منو ؟
رد علي بي سرعة : ياخي لو نبينا ما دخلنا بي حق جيرتكم دي بس الله بدخلنا معاكم .
الله يشهد يا خالد نصاري بلدنا ديل كانو نعم الجيران و الاصحاب ، لم نسمع منهم ما يسوءنا يوما ، و لم نختلف مع احدهم يشاركوننا اعيادنا و افراحنا ، و نشاركهم اعيادهم و مناسباتهم ، ندفن موتاهم و يترحمون علي موتانا ، كنا نسألم قاعدين تقروا شنو لما تشيلو الفاتحة ، يقولو لينا قاعدين ندعو ليهم و خلاص ، و انتو بتسو شنو ؟ بنقول ليهم نحنا بنقرا الحمد . لم نفكر يوما لماذا لا يسلمون وهم لم يفكرو لماذا لا نتنصر كل له دينه و دنياه .
يا الله يا خالد ايام لا تنسي في الاجازات القعدة قدام دكان نصر ابراهيم بالليل و المساسقة بين ضل الهم و دكان الرشيد نهارا ، العساكر المتواطئين مع نسوان الشوبلي بتسريب اخبار الكشات ، صعود كاشاد ، مجوك الدينكاوي كان عندو اعتقاد انو أي انسان اغترب و جاب فلوس بكون جابا بطريقة غير شرعية ، و كلمات الغزل التي يحفظها يرددها علي مسامع احدي بنات الفلاتة ( البرسيم الاخضر ، الطماطم الرملي ) و شريط الطنبور الذي لا يبارح جهاز تسجيله ، اولاد النوبة ناس فريق الاشانتي سانتينو و كجام . زحمة سوق الاتنين و الالفاظ النابية لحلب دنقلا بُرعي و صلاح الحميدي ، مساومات العربي ود خير الله التي لا تنتهي ، تخيل قالو مرة مشي يساوم ناس سوداتل في فاتورة التلفون ، بصات المحس و هي تدخل الشوبلي للتموين باجود انواع عرقي البلح ، عبد الرازق القرياتي ، و الضي الهواري ، و حلة الكبابيش ، و الزين الفوراوي ، كل هؤلاء جاء عابرا و استقر في القولد ، لم يقل لهم احدا ان هذه ليست اوطانكم فحلو عنها ، اشتري من تحسنت احواله المادية قطعة ارض و بني عليها داره ، تزوج من كان اعزب ، و استقدم عياله المتزوج .
تخيل يا خالد آخر مرة مشيت سوق القولد ، واحدة بتاعة مركز خدمات قات لي انت غريب انتا ما من القولد .
نهايتنا بقينا اغراب في المنفي و في ديارنا يا صديقي ،،
|
|
 
|
|
|
|
|
| العنوان |
الكاتب |
Date |
| بوست فارغ | حمد فتح الرحمن | 02-28-06, 00:45 AM |
| Re: بوست فارغ | waleed500 | 02-28-06, 00:49 AM |
| Re: بوست فارغ | حمد فتح الرحمن | 02-28-06, 01:02 AM |
| Re: بوست فارغ | عمر الفاروق | 02-28-06, 01:35 AM |
| Re: بوست فارغ | حمد فتح الرحمن | 02-28-06, 01:37 AM |
| Re: بوست فارغ | حمد فتح الرحمن | 02-28-06, 02:10 AM |
| Re: بوست فارغ | عمر الفاروق | 02-28-06, 03:05 AM |
| Re: بوست فارغ | حمد فتح الرحمن | 02-28-06, 03:58 AM |
| Re: بوست فارغ | حمد فتح الرحمن | 02-28-06, 06:13 AM |
| Re: بوست فارغ | Eng. Mohammed al sayed | 02-28-06, 08:31 AM |
| Re: بوست فارغ | حمد فتح الرحمن | 03-01-06, 01:12 AM |
| Re: بوست فارغ | DKEEN | 02-28-06, 07:55 AM |
| Re: بوست فارغ | حمد فتح الرحمن | 03-01-06, 02:14 AM |
| Re: بوست فارغ | ودقاسم | 02-28-06, 08:16 AM |
| Re: بوست فارغ | حمد فتح الرحمن | 03-01-06, 00:29 AM |
| Re: بوست فارغ | قرشـــو | 02-28-06, 08:41 AM |
| Re: بوست فارغ | Tragie Mustafa | 02-28-06, 09:27 AM |
| Re: بوست فارغ | حمد فتح الرحمن | 03-01-06, 00:51 AM |
| Re: بوست فارغ | حمد فتح الرحمن | 03-01-06, 00:38 AM |
| Re: بوست فارغ | bayan | 03-01-06, 00:55 AM |
| Re: بوست فارغ | حمد فتح الرحمن | 03-01-06, 04:10 AM |
| Re: بوست فارغ | حمزاوي | 03-01-06, 01:47 AM |
| Re: بوست فارغ | حمد فتح الرحمن | 03-01-06, 04:22 AM |
| Re: بوست فارغ | حمد فتح الرحمن | 03-01-06, 04:51 AM |
| Re: بوست فارغ | Badri | 03-01-06, 10:08 AM |
| Re: بوست فارغ | حمد فتح الرحمن | 03-01-06, 02:52 PM |
| Re: بوست فارغ | DKEEN | 03-02-06, 04:26 AM |
| Re: بوست فارغ | Badri | 03-02-06, 05:17 AM |
| Re: بوست فارغ | DKEEN | 03-02-06, 07:18 AM |
| Re: بوست فارغ | حمد فتح الرحمن | 03-04-06, 05:27 AM |
| Re: بوست فارغ | تيسير عووضة | 03-02-06, 05:56 AM |
| Re: بوست فارغ | نادية عثمان | 03-02-06, 10:13 AM |
| Re: بوست فارغ | حمد فتح الرحمن | 03-02-06, 03:19 PM |
| Re: بوست فارغ | حمد فتح الرحمن | 03-02-06, 03:10 PM |
| Re: بوست فارغ | خالد عويس | 03-03-06, 03:06 PM |
| Re: بوست فارغ | حمد فتح الرحمن | 03-04-06, 04:59 AM |
| Re: بوست فارغ | خالد عويس | 03-04-06, 07:36 AM |
| Re: بوست فارغ | حمد فتح الرحمن | 03-06-06, 04:32 AM |
| Re: بوست فارغ | ابو جهينة | 03-06-06, 04:37 AM |
| Re: بوست فارغ | حمد فتح الرحمن | 03-06-06, 07:33 AM |
| Re: بوست فارغ | خالد عويس | 03-06-06, 03:11 PM |
| Re: بوست فارغ | khaleel | 03-06-06, 03:45 PM |
| Re: بوست فارغ | حمد فتح الرحمن | 03-07-06, 08:48 AM |
| Re: بوست فارغ | حمد فتح الرحمن | 03-07-06, 05:43 PM |
| Re: بوست فارغ | عمران حسن صالح | 03-08-06, 05:22 AM |
| Re: بوست فارغ | حمد فتح الرحمن | 03-08-06, 08:30 AM |
| Re: بوست فارغ | DKEEN | 03-08-06, 07:01 AM |
| Re: بوست فارغ | حمد فتح الرحمن | 03-08-06, 08:44 AM |
| Re: بوست فارغ | DKEEN | 03-08-06, 07:07 AM |
| Re: بوست فارغ | عمران حسن صالح | 03-08-06, 07:32 AM |
| Re: بوست فارغ | DKEEN | 03-08-06, 05:36 PM |
| Re: بوست فارغ | محسن خالد | 03-09-06, 02:40 AM |
| Re: بوست فارغ | حمد فتح الرحمن | 03-09-06, 04:28 AM |
| Re: بوست فارغ | عمران حسن صالح | 03-09-06, 05:41 AM |
| Re: بوست فارغ | عزاز شامي | 03-12-06, 03:00 AM |
| Re: بوست فارغ | DKEEN | 03-12-06, 08:22 AM |
| Re: بوست فارغ | DKEEN | 03-12-06, 08:44 AM |
| Re: بوست فارغ | حمد فتح الرحمن | 03-13-06, 03:48 AM |
|
| |
حمد فتح الرحمن
فيس بوك
تويتر
انستقرام
يوتيوب
بنتيريست