هل تجد من يقول لك : تصبح على خير ؟

Quote: لكنّي في كل مرة أكتشف أننا شعب يخجل من عواطفه ، وربما أن بعضنا يدوس عليها حتى تتلاشى

تنويه يا جماعة!!!!!
رجاء من الناويين يجو ينطو لي، اغمدو اسلحتكم واعتبروني بهضرب ساي!
والمهضرب في ذمة المسامح كريم!
انتهى التنويه##

يعني، نادرا ما لقيت لي راجل متأبط يد (مراته) وتحتها الف خط! مرته بالحلال وام أولاده، تلاقيه ماشي قدامها بمترين تقول ساكيهو زول أو جاري منها! وهي، يا حبة عيني، تمشي الهويدا!
وكافي البلا، لا يوم يعزمها مطعم، لا يوم يفتح ليها باب، لا يوم بالغلط يجي شايل ورد ولا حتى فسيلة نخل في ايده!!!

زميلنا السوري اللي عيونه بتنطق حنية لما مراته تضرب ليهو وراسي أنا بيلف زي مروحة الطربيزة وراهو وهو بيقول ليها (شو حبيبتي؟ تقبريني شو بجيب معي؟)
اريتو كان حالنا يمه! وناسنا الحلوين لو مراته ضربت ليهو بالتليفون تفتكر اللي في الخط التاني صاحب البقالة! وتسمع دلال من نوع : اها يا ولية؟ شنو؟ خلاس! بعدين بعدين (بنهرة)...

ايييييييه يا خال!
حال الدنيا واللي فيها،

سأعود مرة أخرى بس اضمن لي ما في زول يلبد لي