نظرة نقدية (لبعض) سلوكيات الرجل السوداني

العزيزة بت قضيم

تعرفى ياختى الحكاية تفرق بين سلوك الرجل فى السودان وبين سلوكه فى الغربة
الله لا يوريك حال الرجل فى الغربة
ياخى الاحد يعمل هنا كل حاجة براه وتصدقى يجى من الشغل زهجان ودمه فاير وروحة فى راس مناخيره المرأة نايمة يومها كلوا تقوم تقول ليه الغاز قاطع يجى من الغاز تقول ليه رغيف مافى يجى من الرغيف تقول ليه نسيت اقول ليك جيب لينا داك وداك وهو يجرى ويجى زى كلب الحر يعنى لامن يومه يروح..
اها انتهينا من دى انا ماشه ناس فلانة وناس علانة وماشه وين وهو يوديها ويتلطع فى العربية ولا مع راجل فلانة الجنو سياسة وكلام فى الجبهة ولا داك يقوم يحكى ليه قصة حياته

تعرفى الراجل فى الغربة والله مسكين بشكل عشان كده الزوجة بتتفرعن فى الغربة وكل ولادة جيب لى امى جيب لى خالتى وشوفى بقى باقى الموال..

معليش الوقت خلص وبرجع ليك بكره

مع السلامة