والله يا جماعة في تطور رهيب في زراعة و تحسين أنواع البطيخ وبشهادة كثير من الأجانب انو حلاوة البطيخ السوداني تفوق أي حلاوة . زراعة البطيخ تجد اهتمام عجيب من اهلنا في بوادي كردفان وتصل يومي من ألمقا وعلي طول للمستهلك وبي سعر معقول طالما الخضار بي دي الجودة . لكن تعال للجانب المظلم . كجار و حسادة و بياخة بي الكوم لو نويت التصدير . سكرتيرة وزير من النوع أبو جلحات ممكن تلخبط ليك ورقك كلو . وتسألك : بطيخ لي امريكا ؟ يعني ح تبيع من ما نزرع بي الدولار ؟ ليه ؟ يا ام جلحات ياخ انتي قدمتي للمزارعين المساكين في ابوجبيهة و بوادي الكبابيش شنو ؟ والله عشرات الناس المفكرين في نشل البلد من حفرة الموت قاعدين يرجعوا من أبواب السكيرتيرات . غايتو تقعد ناصية تفقش ليك بطيخة تكدها قدام الناس من الزعل وتلف .
العنوان
الكاتب
Date
بطيخ السودان الحلو . والفلوس الكثيرة . ومعاكسات الدولة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة