والله يا جماعة في تطور رهيب في زراعة و تحسين أنواع البطيخ وبشهادة كثير من الأجانب انو حلاوة البطيخ السوداني تفوق أي حلاوة . زراعة البطيخ تجد اهتمام عجيب من اهلنا في بوادي كردفان وتصل يومي من ألمقا وعلي طول للمستهلك وبي سعر معقول طالما الخضار بي دي الجودة . لكن تعال للجانب المظلم . كجار و حسادة و بياخة بي الكوم لو نويت التصدير . سكرتيرة وزير من النوع أبو جلحات ممكن تلخبط ليك ورقك كلو . وتسألك : بطيخ لي امريكا ؟ يعني ح تبيع من ما نزرع بي الدولار ؟ ليه ؟ يا ام جلحات ياخ انتي قدمتي للمزارعين المساكين في ابوجبيهة و بوادي الكبابيش شنو ؟ والله عشرات الناس المفكرين في نشل البلد من حفرة الموت قاعدين يرجعوا من أبواب السكيرتيرات . غايتو تقعد ناصية تفقش ليك بطيخة تكدها قدام الناس من الزعل وتلف .
01-04-2018, 07:48 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
الأخ الحاج حمد سلامات . امريكي من ولاية إنديانا عندو قرشين وجاد في العمل في السودان و عندو معلومات أكيدة عن خير ربنا في البلد . نزل في فندق الفاتح ومعاو مكتبو كلو . الزول جاهز . عمل موعد لمقابلة وزير . عمل الموعد بواسطة مدير مكتب الوزير .يوم الموعد وفي تمام العاشرة صباح ما لقي مدير مكتب الوزير . قالوا مدير المكتب عندو زواج ابن عمو . لقي السكرتيرة . السكرتيرة قالت ليهم ح نعمل ليكم موعد جديد بعد أسبوع . الأمريكي طوالي عدل التذاكر ورجع تاني يوم .وهو يردد شششششششيت مان .
01-04-2018, 08:26 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25106
أبواب السكيرتيرات من منازلهن ياعثمان مثل دبلوماسيين وزارة الخارجية الفاضحننا في القبل الاربعة لابعرفن فن السكرتارية ولا حاجة غايتو فنانات في اشغال ماعندها علاقة بشغلهن نهائي إن داير الجد ... الوزير زاتو شن نفرو .. نفس الشاكلة لو فيهم خير كان اختاروا من يعمل معهم بطريقة احترافية
01-04-2018, 10:05 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
سلامات اخ حيدر من زي ديل واسفاي ، ما تتخيل حجم الضرر . وطيب كيف تنهض البلد دي ؟ كيف النهوض مع ناس أم جلحات وابوكرش . ياخ تقول الواحد بالع ركشة ههههههها طبعا من لهط العمولات . قال اسمها أتعاب . و تسهيلات . ومسح شنب . شششششششيت زي ما قال زول ولاية إنديانا .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة