(مَتى مِن طول ِنـَزْفِكَ تَستـَريح؟)

(و كتر خير تاني انك بتكتب في زمن اصبح فيهو حال المنبر كحال البلد الذي وصفته ...
و كتر خيرك تالت لأنك ( قنّعتني تماما) من اَي أمل باقي في دواخلي ... سحبنا خط ...
و حنقضى ما تبقى من العمر نغني مع الشفيع و ود القرشي ،،، الذكريات .. صادقة و جميلة
.. مهما تجافينا بنقول حليلها ..)

يحيى الودود..
خط شنو البتسحبو ، إنت قايلا هندسه؟ يا ريت لو الروح ليها خطوط بتنسحب والمهج ليها زوايا بتترسم..
كنت عايز أختصر الرد عليك بإهدائك أغنية شيخنا الجاغريو (حاولت انساك) بصوت العميد..
وأعيد لك التساؤل التاريخي ( وريني كيف الحي بيودع روحو ؟؟) ..
كثر أمثالك يا باشمهندس خرجوا مغاضبين ، فقد كتب الراحل الحردلو (ملعون ابوك بلد) لكن
السودان الأرض والأهل والذكريات والتاريخ وملايين الطيبين لاعلاقة لهم بأخطائنا وجرائم البعض ،
ولاتزر وازرة وزر أخرى ، وأنا من المؤمنين بأنه في مرضه الحالي يحتاجنا أكثر من أي وقت مضى،
وكما قال أحدهم (الوطن ليس فندقا نغادره حين تسوء الخدمه) وأنت يا قباني بقيت خارجه لأكثر
من ربع قرن وهو داخلك ولم ولن تستطيع منه فكاكا، وبمعرفتي القريبه بك أبشرك ، إلا القبر ،
بعد عمر طويل، وأقرب دليل أنك هنا وفي كافة تفاصيل الوطن..

قال مظفر (كلنا قد تاب يوما ثم ألفى نفسه قد تاب عما تاب)