اعتذار عن خطأ في موضوع موصللي /حاتم

Quote: يا أمير .. غايتو الاحساس الوصلني من كلامك ده .. إحساس مش مقبول البتة .. ليه ما تكتب وجهة نظرك العرضتها هنا ورجعت سحبتها .. على مداخلة الموصلي الاعترضنا عليها كلنا .. الناس اتغالطوا هنا وعلى المكشوف .. مفروض أي حاجة من ورا حجاب زي دي ما تحصل .. لو انت شايف الموصلي غلطان .. المفروض تكتب الكلام ده هنا وتوضح فهمك .. ليه هو غلطان !!.. وغلطان في شنو ؟ ... بعدين ما ياهو ده نحن بنكتب وجهة نظرنا .. وبنقول الموصلي ليس على صواب .. والنماذج الجابها دي مش كاونتربوينت .. ممكن تكون كاونترميلودي .. تكون بولي فونيك .. تكون الحان متعددة .. المهم تكون أي حاجة تانية .. لكن كاونتربوينت .. كع .. صعبه دي يا أمير ؟ رش زي ما كنت راشي من الاول .. رش يا أخوي .. والغلطان الناس تعرف هو غلطان .. حتى لو كابر ولا ركب راسو .. برضو حيكون معروف وواضح .. لكن شغل أم غمتي ده ما حبابو .. وما عندنا اعصاب ليهو.... فما تقعدنا في آخر البوست الطويل ده كنب .. خلينا معاكم في الصورة حتى الآخر .. ورش وجهة نظرك هنا كما كنت تفعل من قبل وخلصنا .. شغل الجوديات ده ما حبابو ليه ؟ .. لانه كده واقفين حايرين وماعارفين .. ده كاونتربوينت ولا! .. لا .. وبي ياتو فهم .. بعدين مهما ادعيت انك ما عندك كبير فهم في الموسيقي .. الحاصل هنا ده بيوضح العكس .. وانا وصلت لي قناعة انك فاهم موسيقى كويس .. أو جنبك زول فاهم موسيقى كويس وقاعد يلقّمك .. ههههه .. فما تعلم يدك الهبيان رش ساي والساويها الله بتبقى ولاّ شنو ! .. كان انت وحاتم اقتنعتوا انكم غلطانين .. انا غايتو لسه ما اقتنعت إنه الفهم الاتقال أول غلط .. .. ومن إنه النماذج الجابها أستاذنا موصلي .. لكاونتربوينت في السوناتا 16 .. أنا مش مقتنع انها كاونتربوينت .. أها شن قولك ! .. المفروض الناس تتوافق أول على تعريف .. محدد المعالم للكاونتربوينت .. وتكتبه لينا هنا .. كابتداء للنقاش .. عشان مايجي زول فيما بعد .. حتى لواعتمد في وجهة نظره المغايرة دي .. على كلام موسيقار كبير كمرجع .. الناس ما تقبل حجته دي .. ليه ؟ لانه دي حتكون وجهة نظر فردية .. تخالف فهم الجماعة .. فتكون وقتها قابلة للصواب .. وكمان قابله للخطأ .. زي ما حاصل هسه .. المايكرفون معاك .. رش آآآزول .. رش هنا ده ..