|
Re: اعتذار عن خطأ في موضوع موصللي /حاتم (Re: Osama Mohammed)
|
وللمعلومية لا اعرف الاخ ود القوز معرفة شخصية فقط من خلال اراءه والتي اعتقد بان بعضا منها مناسبا لان يكون "حكيما " ومحايدا .. دخولي لهذا البوست كان بعد ان قرات كثير من المداخلات لفترة طويلة ولانني لست موسيقيا رغم اني اتنفس الموسيقى واعشقها حد الوله احجمت عن المشاركة . لكن وفي فترة رمضان رايت مداخلة لدكتور امير وهو صديق عزيز " دايرين تقولو شللية اذكركم انني كنت اقف ف الجانب المقابل لصديقي هه" المهم قرات مداخلات امير وقررت ان اتداخل ولكني اعلنتها صراحة انني بعد ان قرات البوست اقف في موقف واحد مع استاذنا الموصللي . اعتذر عن كل المداخلات التي اساءت الى شخصكم اخ حاتم ( امير ما بعتذر ليهو لو نطط ههههه-) وتاكد انني لست ديناصورا يومن بي اجتكار العلم ولكني اؤمن بالاستناد الي ( المصادر الاولية ) في حالة النقاش العلمي او النقاش الاكاديمي . اعتذر لاستاذي الموصللي لانني وقفت معه دون ان اضع ف الاعتبار ان كليهما - حاتما ويوسف - يمكن ان يكونا على خطأ او صواب او يمكن ان يكون التبس على احدهما معرفة او معلومة او حتى ادراك او ساتباط معلومة بها بعض الخطأ. اعتذر لكل الذين تحاورت معهم وفهموا من رأيي ان غير محايد او انني متعال لا سمح الله فقد كان همي ف الاول ان يستقيد الجميع لاني اشجع الحوارات . اعتذر للاخ حاتم من طريقة ردودي له واتهامه بالغلاط والجدال البيزنطي وارجو ان يتقبل هو اعتذاري . اعتذر لكل القراء حتى ان تضرروا ضرررا نفسيا لا يمكنني رؤيته او معرفته واتمني ان اشارك المرة القبلة في حوار جاد عن شيئ اعرفه وافهمه حتى لال اجادل منطلقا من محاباة لاحد الاشخاص دون الاخر.
كل عام وانتم بخير لن ا سحب مداخلاتي في كل الموضوع التي شاركت فيها لانني اود ان استفيد من تجربتي رغم عدم رشائي بها ولكن لكي اتذكر انني لست دوما على صواب وربما يكون هناك من يعرف اكثر مني حتى في تخصصي .
لكم الود اجمله .
اسامة محمد
| |
|
|
|
|
|
|
Re: اعتذار عن خطأ في موضوع موصللي /حاتم (Re: أبوبكر عباس)
|
الاخ ابوبكر كل سنة وانت طيب تعرف انا لمن خشيت البوست ايوة شفت اسم د. امير وخشيت اشوفو بعرف شنو عن الموسيقى لانو والله نقاشاتنا كلها عن حاجات يا اما هو بيسالني عن تخصصي يا اما انا عيان وداير اعرف حاجات في تخصصو . لكن والحق يقال من اكثر الناس الذين اعتز بصداقاتهم واشكر الاخ والصديق عبد الحليم بشير ( جانبو ) على تعريفنا ببعض . لا اريد ان اشكر امير اكتر من كدة لكن كما قلت اي واحد يتعرف عليهو يعجب بادبه وثقافته ( لكن غالاط ) هههه. امير بحب وردي لكن جدا جدا دي ما عارفها . اشكرك ايضا اخ ابوبكر فانت ايضا ممكن جعلوني اراجع موقفي واتوصل لهذا الاعتذار . . برجع ليك يا ود القوز .
| |
|
|
|
|
|
|
Re: اعتذار عن خطأ في موضوع موصللي /حاتم (Re: Osama Mohammed)
|
أستاذنا وأخونا أسامه .. أثمن إعتذارك لكن لا تحمل نفسك فوق طاقتها الخلاف ده قديم .. وحتى من قبل ظهورك ومشاركاتك في الآونة الأخيرة .. أو حتى تداخلك في النقاش الدار بين الموصلي وحاتم .. عموما اعتذار جميل ومقبول ..
بالنسبة لمداخلتي المشار إليها والموجهة لي أخونا أمير بوب .. كما يعلم الجميع تم تواصل بالايميلات بين أخونا أمير بوب .. والأستاذ موصلي وأطراف أخرى .. الكلام ده ما عجبني .. عشان كده صرحت بعدم قبولي للاحساس الوصلني وقتها .. كان رأيي وقتئذ إنه زي ما نحن اتغالطنا هنا نتم الغلات هنا .. وعلى المكشوف وامام الجميع يعني مافي حاجة تتم بي ورانا .. أو تحدث تسويات أو جبر خواطر وكلام من النوع ده .. وفعلا جاء أخونا امير وقال مافي أي تراجع في موقفه .. وحيواصل عادي .. لكن ملاحظتي إنه بعد الرسائل والتواصل التم كتل حيلو شويه .. هههههه .. وهسه شايفه مافي شكلو شتت وكبر اللفة من موضوع الكاونتربوينت .. عشان كده قلنا ما دايرين أي معارف ولا صحوبيات ولا شلليات .. ولا عايزين أثناء نقاش مهم يكون في تنسيق ونظام تواصل تحت تحت .. شغل تلفونات وكلمني وأكلمك وراسلني وأراسلك ودق لي وادق ليك .. بالذات في المواضيع المهمة والماسة زي الحصلت في الفترة الاخيرة دي .. العنده الحقيقة يقولها لينا قدامنا هنا ده .. عشان نستفيد كلنا من النقاش .. والا ده ما يكون منتدى حوار ونقاش عام أحسن يسموهو منتدى خاص .. فما تشيل هم يا أسامه دي نقاشات بتخلص وما أظن في زول سوي وطبيعي .. حيظل شايل في نفسه من زول ناقشه أو حدث خلاف معاه هنا في السايبر .. لانه ببساطة ده زول ما بيعرفك ومافي علاقة تربطك بيهو أصلا .. فكلنا أخوان وأحبة ووالله كان علي انا بعمل (شت داون) للكمبيوتر .. وبمشي بشوف الوراي شنو وبنسى كل الدار في المنتدى من خلافات .. وبرميها وراء ظهري لانه ده عالم موازي وافتراضي ومختلف جدا .. عن عالمنا العايشنو ده فليس من الحصافة إنه الزول يحمل المنتدى .. اكثر مما يحتمل بالذات في مسائل العلاقات الاجتماعية وردود الأفعال .. فقط ما يبقى هو المعلومة والمعرفة التي جناها أحدنا من السايبر.. دمت يأباز ياخ زي ما بيقول ليك أمير بوب ..
وشاكر جدا ياسيدي على حسن ظنك بي وده من أصلك الطيب .. حكمة شنو ياخ .. عارف انا بعتمد على إني أقول الكلام الأنا شايفه صاح وبس .. غض النظر عن الطرف الأنا وقفت معاهو أو ضده ده منو .. كلهم أخوان لكن ما بعرفهم .. فمافي تحيز لي زول .. ده الجايب الحكمة دي لو أصلا في حكمة ..
ارتن حسبر ...
| |
|
|
|
|
|
|
Re: اعتذار عن خطأ في موضوع موصللي /حاتم (Re: جمال ود القوز)
|
أُممممممممم !😂
البوست دا شكلو كدا كمين ! ... يا اسامة الباز كيفك يا صديقي المفلكب !😂 ياخ والله ما كنت قايلك حساس للدرجة دي ! ... والله يا باز رغم دعمك لوجهة النظر الأخري في بوست كاونتربوينت ، لاكين مداخلاتك كان لها وقع خاص في نفسي وبالجد أسعدني وضوحك و تصالحك مع نفسك ، حتي إعتباراتك لفرق السن الذي بيننا و بين الموصلي ، كانت دافعاً للتقليل من حدّة نقاشي له و ربما إعتزاري له حول هذه الجزئية بالتحديد !! ... اما مضمون البوست في حد ذاته فما بنجامل فيه ، و البجينا بهناك بنرشّو عادي ! ... لاكين بالجد ، البوست دا ورّانا حاجة ! و كما عودّتنا ... ان تكون دايماً كبير !
تحياتي يا شاب
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
سلام يا مستنير
Quote: كدا اقتنعنا إنّو بوب شخصية حقيقية سؤال جمجرة يا اسامة: هل بوب بحب وردي جدا جدا؟ |
يا مستنير والله بحب وردي لاكين زي ما قال ليك سمسم ما جداً جداً !! ... ما وريتني رايك في الفيديو الاحتفالي الرسلتو ليك ؟ تقول لي ترامب برضو !!
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
سلام يا ود القوز ياخ والله انا مقصّر معاك في الرد علي مداخلتك الجابا اسامة دي ! حاولت ازوغ منك في البوست داك لأنو انا برضو ما شرّير زي حاتم 😂 بس رسلت ليك رسالة في الخاص وريتك الحاصل ، ما عارفك استلمتها ام لا ؟! ... ابداً والله يا قوز ، مافي شغل غمتّي ولا حاجة ! كل ما هناك انني لم أرد احراج الطرف الآخر علي الملأ ! و حاولت to cut it short ...
Quote: لكن ملاحظتي إنه بعد الرسائل والتواصل التم كتل حيلو شويه .. هههههه .. وهسه شايفه مافي شكلو شتت وكبر اللفة من موضوع الكاونتربوينت .. |
هههه ابداً والله يا قوز ما كتلت حيلي ! الجماعة و طقطقناهم زي الترتيب و المستنير طلع قاعد ساي !😂 تاني شنو ؟
... والله ما كبَّرت اللفة من البوست ، بس ما شايف أي مقاومة او فرفرة ! انا متواجد و متي ما ظهرت اي جيوب هنا او هناك ، سيتم التعامل معها بحزم و شدّة !
.... تحياتي و عيدك مبارك
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
تسلم دكتور أمير .. على أريحية ردك .. عارف والله انك رخيت للجماعة .. وده ذاتو نوع من النبل والترفع .. ده كلامك وحاتك أطقطقوا لامن قالوا بس .. هههههه .. ما وصلتني رسالة منك .. أوالأصح إنه الماستجر بتاع المنتدى ما شغال .. عموما اعتبرني قريت الرسالة لانه الحال يغني عن السؤال .. أي جيوب مقاومة أو أي فرفرة هنا أو هناكـ عليك بها .. وإن كان أنا شايف الموضوع خلاص اتحسم .. خخخخخ ..
تشكر يا بوب .. وعيدك مبارك ..
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
دكتورنا سوء الظن ليه ياخ بقيت زي ناس المنطقة الانت ساكن فيها ههه. والله الاستفادة الكاملة لي انو تاني ابدا ما بخش ف بوست بتاع نقاش.... الا ف عمك Dickens ولا ELT> يا امير يا بوب تعرف احسن حاجة ف الدنيا دي من وجهة نظري انو الواحد لمن يجي ينوم ما يكون قلقان من حاجة والدنيا دي والله ما تستحق الهيلمانة دي كلها واعتقد انها over rated. اتحمل كل الاساءات التي وجهتها للاخ حاتم وكما اسلفت اعتذر عنها وارجو صادقا انو يواصل ولكن بطاقة ايجابية واحترام للاستاذالموصللي اما انت خلي الموسيقى دي واكتب لينا ف الحاجات الجميلة الطوالي بنتونس عنها عشان الناس تعرفك اكتر وتقدر توصل معرفتك ليهم . انا ما كبير ولا حاجة اكبر منك بي سنة بس ههههه. شكري ومودتي الخالصة والتحية لجنابو اصلو مطول مني.
| |
|
|
|
|
|
|
Re: اعتذار عن خطأ في موضوع موصللي /حاتم (Re: Osama Mohammed)
|
سلام يا اسامة إليك جزء مما تحب ، مقتطفات من كلمة علي المك في تكريم بروف عبدالله الطيب : ...
في وادي سيدنا جاءنا عبد الله الطيب، كان شعره وعلمه جميعاً قد بدأ يصل الينا منه شيء. وقيل إن الرجل رياضي مطبوع يعشق الزوارق والمراكب الشراعيات ويقطع البحر سباحة، ازرقه والابيض والنيل آن يتحد عنصراه ، وهو بارع في الشطرنج وهذا من رياضة العقول. ولم يكن جيلنا يبلغ من السيجة الا نباح كلابها. وقد حدثني صديق له حميم: إنه حين يلعب الشطرنج ينشد الشعر بأصوات ويغني طرفاً من سمسم القضارف على مذاهب أهلها الأولين.
يا الاخضر البنودي فارقت ليك بلودي يا فالقني لمني في مريودي هذا قبل ان تنحرف بها اصوات المغنين كما هو الحال اليوم. ... وراج في الافندية لعبة «الكونكان» ابي اربعة عشر. وهي تُلعب باربع عشرة ورقة ! يقصد اللاعب الى مؤاخاتها ثلاثاً ثلاثا واربعاً اربعاً، او في نسق منسوق ... والجوكر يسد مسد ايمة ورقة ! ولأحد الصحافيين المصريين اهزوجة يحاكي بها العلماء الاولين منها: الأصل في الكونكان أن لا تنزلا وجوزوا النزول اذ لا أملا ! .... في كلية غردون لون كنبات القاعة «102» رمادي، كنبات القاعة «105»حمراوات في لونهن من لون الطوب الاحمر حتى اذا دخل عبد الله الطيب احداهن ... ماتت «الورجقة» في افواهنا، وسكنت القاعة ! يسلم علينا، كأنه كان يقود الاعشى وطرفة، والمفضل الضبي !
... سلام
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
Quote: ملحوظة : ههه دنقلاوي بالله ممكن براحة تكون يا خالي يا ود خالي او ود خالتي . كوريج آجا نالوووويه (واحدة من الجمل القليلة البعرفها ف لغتنا الجميلة ).
|
كوري آج نلوي ووووو أسامه أمبس .. وعيدك مبارك .. يا انداندي يا جميل ..
أكيد والله .. ونتشرف بيك يأخ .. حقيقة أفضت في الشرح يا أسامه .. وأعطيتنا صورة مكتملة لمجريات مساهماتك في البوست .. واتمنى أن يقبل أخونا حاتم اعتذارك ويتفهم ملابسات الأمر .. وأعتقد إنه حاتم يعي ذلك جيدا .. من إنه الامر لا يتعدى مجرد إختلاف في وجهات النظر .. وكلنا أحباب وأخوان .. ربنا يوفقك .. وتمنياتي لك بعيد سعيد .. ووطن مثالي نشتهيه جميعا تكون فيه المواطنه الحقه .. والمساواة لكل مواطنيه .. والله بلدنا تستحق أفصل بكثير مما هو حاصل .. من ظلم وتشريد وتهجير ومنافي وأمراض وضنك ومسغبة.. متى يعود الجميع لينعموا بدفء الوطن والعيش مع الاهل والأحباب ؟.. دمت يأخ وسلمت ...
| |
|
|
|
|
|
|
Re: اعتذار عن خطأ في موضوع موصللي /حاتم (Re: جمال ود القوز)
|
كلام سمسم دا ما عجبني
عمل جنبا سلاح سريع كدا ما هي المعلومات التي تم الكشف عنها وجعلت سمسم يرخي يده من علي الزناد
ههههه ايها الناس ، سمسم باع القضيه والسفاره في العماره
بس فعلا كلامك صاح الناس مفروض تقيف مسافه واحده من الطرفين بس كمان لو يبتعد حاتم من التريقه .السخريه وعدم احترام الاخر يكون كويس
| |
|
|
|
|
|
|
Re: اعتذار عن خطأ في موضوع موصللي /حاتم (Re: امير بوب)
|
ناصر كل سنة وانت طيب شكرا ياخ وشكرا يا دوك طبعا الحتة الجابها امير دي انا حافظها صم وهو جابها مخصوص وهي من الحاجات البتميز امير انو بحب اللغة والادب علي المك خلانا يتماء والله . بالمناسبة ابحث عن قصة فصيرة للاستاذ الدكتور علي الملك لا ادري هل هي عن كلب ام ذئب ف احد الاحياء . والله من احدى امنياتي عندما كنت صغيرا ان يدرسني دكتور علي المك ولمن علمت بوفاته وكنت وقتها يا دوب يافع والله حردت الطلوع من البيت او غرفة الاولاد زي ما كنا مسمينها . شكرا ناصر وامير مرة تانية .
| |
|
|
|
|
|
|
Re: اعتذار عن خطأ في موضوع موصللي /حاتم (Re: Osama Mohammed)
|
بوست فطير لا يخلو من الرمادية ...
دايرين آكشن ... ده شنو الكلام ده ؟ _________________________
كل سنة و انتم بخير يا ناس ...
الدنيا دنيا ... و ما بقعد الا الكلام الزين ...
و الله يا السودانيين ... تعرفوا للكلام السمح ...
لكن ما بتعرفوا البوس ... :)
| |
|
|
|
|
|
|
Re: اعتذار عن خطأ في موضوع موصللي /حاتم (Re: يحي قباني)
|
اخوي الكبير قباني تحية طيبة وكل عام وانت بخير وتحياتي للاسرة بالله البوست ممكن يكون فطير لانو ذوقك عالي فاعذرنا .
والله هرمنا ونحن يتمترس كل واحد منا خلف اسواره وكل محاور خلف مربعه وكما قال الشاعر الدنيا تحلى وصعابها ساهلة بس انت روق واحلى . ---------------------------------------------- موضوع البوس دة انا شايفو لكن عامل منو ساتر لانكم يا ناس امريكا الشمالية ما عارفننا هنا ف الجزيرة البريطانية رافعين راسكم ( هذا بدون دخول ف اي تفاصيل لانها ح تخرب بيوت هههه) . شكرا لمرورك الكريم وزارتنا البركة والله محبتي الخالصة
| |
|
|
|
|
|
|
Re: اعتذار عن خطأ في موضوع موصللي /حاتم (Re: على محمد على بشير)
|
الاخ علي محمد علي تحية طيبة وكل سنة وانت طيب والله لا يوجد اي ارتخاء يظل الموصللي احد احب الفناين الى قلبي ومكانته لن تتزحزح واعتذاري في حق الاخ حاتم بعد مراجعة لمداخلاتي ومداخلات الزملاء واتمنى فعلا ان يحترم الاتنين بعضهم البعض . وليس هناك ( ابتها قضية ) تتباع ههههههه. اثني مرة اخرى على كلامك وكل شي سيصبح ماضي في هذا الزمن الذي لا يمكن تعويضه . مودتي لك وللاسرة.
| |
|
|
|
|
|
|
Re: اعتذار عن خطأ في موضوع موصللي /حاتم (Re: جمال ود القوز)
|
شكرا اخ جمال وللناس الما بتعرف لغة نوبية انداندي معناها : ولدنا او تبعنا ( من اندينا ) زي ما بقولو الحلفاويين.
والله انا اردت ان ازيل اللبس وابرئ نفسي وزي ما قال دكتور امير (اتصالح مع نفسي ) الدنيا دي م معروفة وزي ما ذكرت over rated لا تستحق عناء الخصام والخلاف واهو براهو الناس شايفة الخلافات اسي وصلت الدنيا لنقطة حرجة تنبئ بكوارث وخيمة ع البشرية .
مودتي
| |
|
|
|
|
|
|
Re: اعتذار عن خطأ في موضوع موصللي /حاتم (Re: Osama Mohammed)
|
سلام أخ أسامة محمد إطلاقاً لم تكن بحاجة لكتابة بوست أو للاعتذار أصلاً وبالتالي فأنت غير مطالب أو ملزم تجاهي بأي شيء
هذا المنبر للنقاش الحر وتبادل الأفكار، هذه رؤيتي أنا ولم يحدث أن شعرت بأي ألم أو غصة من مجرد فكرة أو رأي
ومن حقك أن تعتقد في أنني أمارس مهنة ما من مجرد بوستات فتحتها هنا لكن في هذه الحال كنت أتمنى أن تسألني مباشرة وثق في أن ردي على سؤالك كان سيقنعك
مع خالص احترامي.
| |
|
|
|
|
|
|
Re: اعتذار عن خطأ في موضوع موصللي /حاتم (Re: حاتم إبراهيم)
|
الاخ حاتم تحياتي وسلام بالطبع لم اكن في حوجة لفتح بوست ،واوافقك الرأي بانني غير ملتزم تجاهك - او تجاه اي عضو في حوش بكري - بأي شيئ ولكني ملزم تجاه نفسي بتقويمها اذا اعوجت وحادت عن الطريق . اعتذاري لم يكن لك وحدك بل ايضا للاستاذ الموصللي ولكافة متابعي المنبر والاعضاء ولكني خصصت اعتذاري لك في بعض الفقرات لانني اعرف انني كان يمكن ان اتصرف بأفضل مما كان بدلا عن تصويب اسهم الاتهام لشخصك وتأجيج حدة النقاش مما انعكس سلبا ع اليوست.
المهم لك التحايا والعفو والعافية
| |
|
|
|
|
|
|
|