Quote: المهم هو .. أن ناس محمد عبدالله مختار ماكان مفروض يسوِّقوا الـprototype المبسط كأنما توصلوا لنهايات بحثهم ..
تحياتي يا منير لكن يبدو لي إنك فاهم الموضوع غلط ..
أولاً .. الموضوع ده ما منتج (تجاري) عشان نسوقو .. أنا ما عارف التسويق ورد وين في شغلنا ده ؟! ثانياً .. في الأصل الموضوع ده ظهر بعد مشاركتنا في جائزة الإمارات وكان مطلوب فقط (بروتوتايب) والحمد لله حققنا نتيجة طيبة يعني لمن اتكلمنا عن مشروعنا ده كان في نطاق الجائزة وليس في نطاق إنو الآن شغالين بيهو في جنوب كردفان وهو الآن يعمل بشكله النهائي .. الإعلام المصاحب للجائزة تحدث عن مشروعنا وده شئ طبيعي ، عندك مثال الفيديو ده :
السؤال الآن .. هل من العيب عرض المشروع في (سودانيز أونلاين) في إطار جائزة الإمارات ولا الفهم شنو ؟؟ اذا القصة كدة أنا بعتذر والله
ثالثاً .. عرض البروتوتايب مهم جداً لتطوير المشاريع .. على سبيل المثال موقع kickstarter.com خش في القسم بتاع التكنولوجيا وشوف كمية المشاريع المعروضة كبروتوتايب وفي طور التطوير وهي في طريقها لتصبح منتج نهائي ، الكلام ده ما عيب أبداً على عكس فهمك دي حاجة كويسة خالص وبتساعد في إكتمال المشاريع
رابعاً .. في كل شئ يتعلق بموضوعنا ده أنا قاعد أقول (مشروع) .. وأعتقد واضح من الكلمة دي إنو حاجة ما إنتهت لكن حققت نتائج جيدة و (عملية) وهي كالآتي : - إبتكار جهاز زراعة آلية يتم تركيبه على درون .. الجهاز يعمل على أكمل وجه ولو حبيت يا منير في أقرب زيارة ليك السودان تجي تشوف بي عينك مرحب بيك - روبوت متعدد الأغراض محمول على طائرة بدون طيار .. نجحنا في الإقلاع والطيران المستقر والهبوط بالروبوت مع أداء بعض العمليات كما هو واضح بالفيديو والتطوير مستمر لعمل 3 روبوتات مختلفة حسب الوظائف المطلوبة - جهاز متخصص في الإستشعار عن بعد وتحليل صور الغطاء النباتي بإستخدام NDVI وذلك بإلتقاط صور للطيف القريب من الأشعة تحت الحمراء Near Infrared في الغطاء النباتي
خامساً .. موضوع البطاريات ده ممكن يكون مشكلة لمن تستخدم كوادكوبتر على سبيل المثال .. لكن طائرة ذات أجنحة تستطيع الطيران ساعتين ونصف بصورة متواصلة والطائرة موجودة بحوزتنا ولا نستطيع إستخدامها حالياً فقد تعرضنا للمصادرة من القبل والتراخيص غير متاحة حالياً لكن ساعين لإقناع الجهات المختصة بإنو يدونا فرصة في منطقة نائية لتطبيق تجربة عملية لزراعة مساحات كبيرة
سادساً .. حاتم بيتهم (على سبيل المثال) زول زي فاروق الباز ده بإنو زول ما متخصص في الجيولوجيا وزول مهترش و (عديم تجربة) .. آي والله عديم تجربة وإنجليزيهو ضعيف مع العلم إنو الآن بيشغل وظيفة مدير مركز تطبيقات الاستشعار عن بعد في جامعة بوسطن بالولايات المتحدة الأمريكية ، فاشنو زي حاتم ده ما بنآخذو في كلامو ، الشئ الوصلت ليهو انو الرجل يحتاج لعلاج نفسي عاجل أتمنى الناس القريبين منو يساعدوهو عشان حالتو ما تمشي لي أسوأ .. أنا جادي في الكلام ده وأتمنى له من قلبي عاجل الشفاء
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبدالله مختار
فيس بوك
تويتر
انستقرام
يوتيوب
بنتيريست