إتفاقية ملزمة لمحمد مختار وحاتم إبراهيم لحسم موضوع الDrone ..

Quote: فهل يمكنك أن توضح هنا كيف فكرت في إطلاق طائرة درون مع ربطها بالكهرباء من الشبكة العامة؟

Quote: في إنتظار موافقة حاتم إبراهيم على بنود الإتفاقية وتأكيد الحضور أو إختيار من ينوب عنه ..

Quote: ســــلام حاتم و محمد (ترتيب الأســماء لا يعنى التفضيل ،فكلاكما أخ كريم)

Quote: - زراعة البذور وغرسها ممكن نطبقو ليك عملي في حوض ترابي والبذرة تنغرس بالكامل .

Quote: كلام جميل أتمنى التطبيق ...

Quote: أرجو أن يكون ذلك نهاية لجدالكما . أنا على يقين أننا كاســبون

وأنا كمان على يقين أننا كاسبون

على الأقل ننتهي من لعب الشفع الكبار دا. نقاطي الأربعة الفوق دي هي المذكورة في الفيديوهات وتوضيحات أخينا مختار سلوتيب، أنا ما جبت حاجة من عندي، والتذكرة عليهو زي ما وعد. وبوست السخرية علي _______ انتظر الوطوطة الحتحصل.

Quote: - في حال إختياره لمن ينوب عنه يكون ملزماً بكل ما يقوله الشخص الممثل له سواء كان له أو عليه .

Quote: على الأقل ننتهي من لعب الشفع الكبار دا.

Quote: - النقطتين المذكورات في صدر البوست كافيات لحسم الموضوع .. +++ - الروبوت في الفيديو قدامك شغال .. بعدين مجرد دخل شخص لحقول النفط والغاز محتاج تراخيص وتحقيق خليك من أمشي أقول ليهم عايز أطير درون لأنو عندي مناظرة مع عضو في سودانيز أونلاين +++ - الطيران في مساحات كبيرة لزراعة 1000 بذرة محتاج تراخيص من جهات أمنية غير ناس الطيران المدني لأننا حنستخدم طائرة Fixed Wing ومستحيل تطلع لينا التراخيص دي لأننا حاولنا قبل كده وفي الواقع نحنا عندنا معدات وأجهزة تمت مصادرتها وما بالسهولة ممكن نجازف بفقد المتبقي لدينا الآن . +++ - زراعة البذور وغرسها ممكن نطبقو ليك عملي في حوض ترابي والبذرة تنغرس بالكامل . +++ - مكافحة الآفات من ناحية رش مبيدات أبدا ما ذكرناهو لكن تحليل بالـNDVI لغطاء نباتي فيهو آفات ممكن وبالتأكيد دي أفضل وسيلة لمطافحة الآفات .

أمك الوطوطة بدت

قاصد نقطة التيار الكهربائي والوزن مش؟ النقطتين ديل مجرد اكتشافات ضمن الدقسات يا بني آدم، يعني تفاصيل الدجل والشعوذة الأنحنا شفناها مع السيلوتيب في الفيديو، هدفنا هنا التحقق من الادعاءات بتاعة (صممنا، طورنا، إلخ) هل فعلاً دا موجود وشغال حسب الأماني السندسية البشرتنا بيها دي ولا لا؟ +++ الروبوت أبو كجامة اشتغل متين يازول؟ ما شفناهو البتة نكالاً. هسع مش قلت نبعث متطوع يشوف عيان بيان، ترجع تقول الفيديو شغال؟ ما السلوتيب والجاك برضو شغالات في الفيديو. ما عندك أي مشكلة، ما دايرين حقل نفط ولا ترخيصات، حقل طين مافي؟ تمشي مزارع سوبا أو شمبات وتختار عينات شبيهة ببتاعة حقول النفط والغاز، يعني: 1- عينات تربة 2- عينات نفط أو غاز طبيعي 3- عينات ماء سطحي 4- عينات ماء جوفي 5- عينات حية (نباتات وحيوانات) في منطقة الحقل دي البدائل ليها كالآتي: 1- تربة ناتجة من حفر بير نفطي، قول كيس تراب من واطة الله حوالي 7 إلى 10 كيلو، دا أقل وزن لعينة حفر، ما وروكم في هجليج؟ 2- عينة نفطية، تجيب زيت راجع وتعبيهوا في قزازة (قول كرستالة أم واحد ونص لتر) دا برضو يعتبر نفط مشي حالك 3- أعمل ليك بركة موية وخلينا نشوف الدرون حيغرف منها كيف، ولو بتحتاج (لترخيصات) خليهو يغرف من طشت 4- عينات ماء جوفي ما دايرنها، خليتك لله 5- عينة حية (شتلة+ فار + سمكة) مش دي البيئة الحية حول الحقل؟ ما تقول لي بحر مافي، عندهم موية مليانة سمك هناك. فلا بتحتاج ترخيصات ولا الله قال بذلك. +++ طيران مدني وترخيص جهات أمنية عشان أزرع في حواشتي؟ ما عندك مشكلة، تمشي سوبا أو جهات الحصاحيصا أو الكاملين بتلقى الحواشات، وما في زول قال ليك طير لمساحات بالأميال، فدان واحد كفاية وأزرع لينا بالروبوت بتاعك (100) بذرة بس بدل الألف البتتمناها، وحسب مواصفاتك مفروض الروبوت يزرع المية بذرة في ستة دقائق، صعبة دي؟ مافي مجازفة تفقد معدات، بل تفقد مصداقيتك هنا، وهو في مجازفة غير مقامرتك باتفاقيتك دي +++ حوض ترابي زي العملتو في صندوق الورق داك؟ بعدين في الجزيرة أو جنوب كردفان حتزرع في (حوض ترابي)؟ انت يا خوي لما أنا كنت بسألك من ارتفاع جهاز قذف البذور عن الأرض كنت بشتط ولا بلعب معاك؟ ما عشان أحسب الداينماكس بتاعة إطلاق البذور دي، إنت قايل الموضوع بالبساطة بتاعة اللعب بالبنادق؟ لا يا أبوي، الميدان يا حميدان، تسوق مندوبي لحوش بيت وتعرض عليهو الزراعة عيان بيان، والدرون في الجو فوق البذرة تجي مارقة "تيف" تدخل في لب الواطة، مش دي الفكرة بتاعة الكونسبت؟ طبعاً من ناحية عملية زراعة بذرة واحدة أو شتلة واحدة ما كافي، ودا جدواهو شنو؟ أزرعوا لمندوبنا 50 بذرة و10 شتلات مستحيلة دي؟ +++ أها قمنا للكضب تاني، يازول ما قلت مكافحة كيف؟ أهي مداخلتك: Quote: 09-05-2015, 07:30 AM قمنا بإبتكار حمولة زراعية ذكية أطلقنا عليها اسم : SAP Smart Agricultural Payload وهي نوعين من الحمولات الذكية .. النوع الأول جهاز يقوم بالزراعة الآلية من السماء Automated Cultivation ، في نفس الوقت يمكن استخدامه للإستشعار عن بعد حيث يقوم برصد الطيف القريب من الأشعة تحت الحمراء ومن ثم نقوم بتطبيق تقنيات Normalized Difference Vegetation Index NDVI للتحليل وإستخراج النتائج .. الحمولة الذكية الاخرى عبارة عن روبوت زراعي يقوم بأخذ عينات من التربة أو من النباتات لإرسالها الى المعامل لتحليلها وله القدرة على مكافحة الآفات في نطاق محدود المراقبة براها والمكافحة براها، ولا أفضل وسيلة ولا حاجة، انت ما سمعت بالرشاشات بمراوغتك المتوقعة ومنطقك الأعوج دا معناها لو أنا مرقت من البيت ومريت على الحواشة و"شفت" جرادتين في اللوبيا دا يعتبر (مكافحة آفات) ما ياهو؟ ههههههه، والله انت مهندس عينة، وهو أنا من بداية البوست راجي شنو غير التطمينات دي؟ إنو مستقبل الزراعة في البلد يكون مؤمن. _______ الجير الضيق الأوضة، ما قلت مهندس وأسراري التكنولوجية ومستواي عالي وبحسم الفوضة

Quote: عايزين نعرف الكذاب فينا منو ..

Quote: انا شايف تصلوا على الحبيب وتعتبروا المبارة دي drone

سلام، لا أبداً أنا درون ما عندي في الحاجات دي، يا ناجح يا فاشل

يشغل طياراتو دي حسب ما أدعى، بنقاطي الأربعة المضافة للاتفاقية، التطبيق بسطناهوا بدرجة معقولة وممكنة. هسع يعني في حاجة مستحيلة، ما ياها المواصفات النجرها لينا وكان بيدافع عنها بيدينو وسنونو وسلوتيبو. محل ما مشى ربط الطيارة بالسلوتيب يعمل لينا العرض التجريبي هناك، والباقي في البيت، الراجل عرض خططه في قناة فضائية على العالم، يعني مافي "مجازفة" زي ما بيدعي. _______ هسع انت مصدق إنو التجربة في حواشة أو في طشت دايرة إذن من الطيران المدني؟ أصلو ماكوك؟

Quote: Haytham Ali · Uinversity of khartoum الشخص الاسمو حاتم دا نموذج للسوداني التقليدي قدرة كبيرة علي النقد والغلاط والانتاجيه بتاعتوا صفر بس شغال يبخس في اشياء الناس وما اسهل ذلك غالط الموصلي في الموسيقى والراجل يعمل في المجال دا ليهو 40 سنه واسي بغالط في الزول العمل اختراع وبتشرط كمان ياخي حس علي دمك شويه وخلي الحقد والسواد الجواك واقتنع بانك شخص عادي لاتملك اي اسهام فكري او ابداعي او تكنلوجي ولا تمتلك غير لسانك السليط دا وجهاز كومبيوتر تخش بيهو قوقل تبا لك ولامثالك نوعيتك دي هي المضيعة البلد

إزيك يا زول

لكن السوداني التقليدي عادة بيجامل. ماهو النقد "انتاج" برضو خصوصاً إذا بني على منطق سليم وحقائق. حسب اختلاف النظر، هو تصحيح مصحوب بتوصيات ووعد بالمعاونة، وما أصعب ذلك، لأنه يتطلب مدركات مختلفة نظرية وعملية. إذا يوسف أخطأ فأنا أمارس حقي في أن أكون (سوداني تقليدي) تصحيحاً لا مغالطة، يعني دايرني هنا أبقى سوداني تقليدي ومع يوسف أنقلب إغريقي حداثي؟ انت قايلني دودو يا هيثم بس "الزول" هنا ما عمل (اختراع)، فكر يوظف طائرات لغير أغراضها. أحقد على شنو؟ الراجل بداها حصة دين وانتهى قانوني وضاعت التكنولوجيا في النص. فعلاً، أنا شخص لا أملك أي اسهام فكري أو إبداعي أو تكنولوجي شبيه بالمشروع دا تحديداً. والله ياريت كل الناس تستفيد من غوغول، بطريقة صحيحة. سلاطة اللسان دي بالحق ولا الباطل؟ اعتبرها لي إسهام إبداعي. نوعيتي دي هي البتقدم البلد. ____ المجاملة هي الضيعت البلد

Quote: نوعيتي دي هي البتقدم البلد. ____ المجاملة هي الضيعت البلد

Quote: قاصد نقطة التيار الكهربائي والوزن مش؟ النقطتين ديل مجرد اكتشافات ضمن الدقسات يا بني آدم

Quote: هل أنتو منطلقين من مرجعية علمية واحده ؟ إجابتي أنا لا .. حاتم بستند على مرجعية علمية نظرية عقلية ( رياضيات لوغريثمات ) .. محمد بستند على مرجعية تقنية تطبيقية .. أي نشاط تقني يحتمل نسبة مقدرة من الخطأ .. تفأدي الخطأ أو تقليل نسبته إلى 999 دي مهمة العلم النظري .. لذا تحرص الشركات الصناعية الكبرى على ضرورة وجود تنسيق بل تلاحم بين العلمين لانجاز هدف .. طبيعي أي هدف ببدأ نظريا في شكل فكرة قبل أن ينتقل لمرحلة تطبيقية .. مرحلة الفكرة هذه هي المرحلة التي ينشط خلالها العلم النظري .. ثم تليها المرحلة التطبيقية وهي المرحلة التي تعمل على تحويل الفكرة التي نظر لها علميا .. إلى مجسم عملي ينجز تطبيق الهدف على الأرض بكفاءة ..

Quote: المهم هو .. أن ناس محمد عبدالله مختار ماكان مفروض يسوِّقوا الـprototype المبسط كأنما توصلوا لنهايات بحثهم ..

Quote: إذا أنا ما أخطأت فهمك

Quote: دا الكلام الفيهو فايدة .. وكونك تعتبر النقاش الدائر هنا غلاط فارغ .. يبقى وصلت لنتيجتنا ذاتا الخلتنا نطلب منكم توقفوا النقاش دا .. وياريت تتركو البوستات دي تمضي لحال أرشيفها .

Quote: أولاً .. الموضوع ده ما منتج (تجاري) عشان نسوقو .. أنا ما عارف التسويق ورد وين في شغلنا ده ؟! +++ والحمد لله حققنا نتيجة طيبة يعني لمن اتكلمنا عن مشروعنا ده كان في نطاق الجائزة +++ هل من العيب عرض المشروع في (سودانيز أونلاين) في إطار جائزة الإمارات ولا الفهم شنو ؟؟ +++ - جهاز متخصص في الإستشعار عن بعد وتحليل صور الغطاء النباتي بإستخدام NDVI وذلك بإلتقاط صور للطيف القريب من الأشعة تحت الحمراء Near Infrared في الغطاء النباتي +++ بالفعل ده غلاط ما عندو نهاية وما منو فايدة .. وأحسن أوظف زمني في حاجة مفيدة

مرحب بالطرف الثاني في هذه الاتفاقية

ورد هنا Quote: Re: الزراعة الطائرةRe: الزراعة الطائرة شغلنا بتاع التصوير الجوي ده خدمة بنقدمها في الشركة وعشان تفهم والكلام يكون واضح بالنسبة ليك لو نحنا أنجزنا أي حاجة في مركز الأبحاث وأصبحنا بنقدم بيهو خدمة في السوق يبقا ده تعبنا ومجهودنا .. يعني لو هسي في شركتنا قلنا عندنا روبوت محمول على طائرة بدون طيار (لجمع العينات) إيجار الساعة بتاعتو بالمبلغ الفلاني يبقى ده من حقنا وحلال ، لا إنت ولا غيرك ساهم فيهو وده نتاج مجهودنا الخاص .. واتكلمت عن تسويق وعن حقوق مالية. +++ مرة تانية أنبهك، النتيجة دي خاصة بمسابقة وأرجو إنك تكون مدرك لأبعاد الفرق بين (مسابقة) و (معرض)، كل الشغلانة القايمين بيها ناس الإمارات هي مجرد شغل علاقات عامة للتحضير لمعرض إكسبو 2020، يعني بيصنعوا في تاريخ لا أكثر، عشان كدة كل سنة بيختاروا متأهلين من دول متعددة غض النظر عن جدوى المشروعات، لو عايز تحقق (نتيجة) حقيقية أتوجه على المعارض وشوف المعروض شنو، أنا متأكد ما حتفكر تشارك. +++ لا ما عيب، بس العيب تتملص من موجبات ذلك بالآتي: 1- نقاش هندسي بدل الهوس الديني والباز وناسا 2- توفير الإجابات المقنعة لمن طلبها وبالأرقام 3- احترام عقول الناس (الجاك والسيلوتيب) 4- التأكيد على عمل تجارب ميدانية حقيقية بالظروف الطبيعية +++ لو سمعت نصيحتي دا الجزء المفيد من كل المشروع دا وهو المطلوب في السودان حالياً وأظن قلت ذلك من قبل، وبرضو فيهو قروش، لكن الزراعة خليها للبيعرفوها وللتركتر. +++ عندو نهاية، بس انت اجتهد في إثبات جدوى المشروع وفي محاولة تقديم عرض حي على الطبيعة بكل المعطيات الحقيقية.

Quote: واتكلمت عن تسويق وعن حقوق مالية.

Quote: عايز فقط أوضح يا عزيزى محمدمختار أنى لم يخطر ببالى تسويق تجارى أو أى تجارة .. بل المقصود عرض المشروع والدعاية له.. برضو ما مقصود دعاية تجارية، بل فقط طرحه إعلاميا ً ..على أى حال ، خطر لى الآن سؤال يتعلق بمشاريع بحوثكم .. وهو .. هل أنتم هواة أم شركة محترفة تقدم خدمات مختلفة؟ وهل هذا جهد ذاتى بتمويل ذاتى، أم لكم مصادر تمويل أخرى ..

(عدل بواسطة محمد عبدالله مختار on 07-29-2016, 08:10 PM)

(عدل بواسطة محمد مختار جعفر on 08-26-2016, 04:50 PM)

Quote: الخلاصه ان دور كلاكما مكمل للاخر فقط التركيز علي تقبل فكرة الاخر ومحاولة الاستفادة منها

السلام أخ السنوسي

تعرف آفة الابتكار هي المبالغة زي ما قلت ودا مصطلح رقيق جداً من جانبك، لكن كمان كان جيت للجد فالفكرة ما مقبولة كلو كلو. في رأيي المتواضع إنو الآفة القاصدها انت هي الأحلام النرجسية ودي مشكلة مش في الابتكارات بس بل كل مجالات الإبداع في السودان ودا لأنو نحن شعب مجامل وضعيف الشخصية ولا يصلح للقيادة لأنو دائما بنحشر العواطف والعلاقات الشخصية في العمل عشان كدة شغلنا مكلفت، وبنصنع الأصنام وبعدين نجي نشتكي منها نقول قاعدة ساكت وما استفدنا منها وبقت عالة، شايف بوست المرحوم وردي المدور اليومين ديل؟ نفس السيناريو، قبيييييل لو الزول بيوقفوهوا في حدو ويحكموا عليهو بالحق بدون مجاملة ويحددوا ليهو يعمل شنو ما كان وصلنا للوضع دا، أنا يدي ماكلاني لكن شايف ناس الجودية شغالين تش، والله داير خش أتش معاهم، لكن التش حقهم بيختلف عن "التش" بتاعي، حقهم بيغتغت وحقي بيعالج وقتي. أها، أخونا (محمد عبد الله مختار) ودا اسمو الكامل عشان النيران الحريقة دي ما تمشي للزول الخطأ بيبالغ في توقعاتو ومصر يغلفها بتوصيفات علمية وبأرقام استبق فيها حتى الحقائق البسيطة الكان ممكن يعرفها من "غَرفة" واحدة من غوغول "قوقل" ودي أنا أوردتها في البوست الأساسي هنا http://sudaneseonline.com/board/490/msg/%D8%A7%D9%84%D8%B1%D9%88%D8%A8%D9%88%D8%AA-%D8%A7%D9%84%D8%AE%D8%B7%D9%8A%D8%B1-%D9%88%D8%A7%D9%84%D...8%B1-1469028345.html وبدون الدخول في تفاصيل فنية أنا شايف المشروع قائم على حلم وردي باستخدام "فَراشات" بدل الآليات الحقيقية في أقدم نشاط عرفو الانسان، يعني الإرث المعرفي البشري في النشاط دا بالذات ضخم ومتوفر لتبادل الخبرات بطريقة لا تترك مجال للتجريب بدون الاعتماد على ما توفر في التاريخ من معلومات. في أمريكا وروسيا بيستخدموا جرارات لو شفت الواحد من بعيد واقف تقول داك بيت من شدة ما كبير، الأمريكان بيزرعوا القمح في الولايات الشمالية لغاية حدود كندا يبتحركوا في معسكرات الحاصدات دي شهر كامل تاكل في سيقان القمح والجماعة يعبوا وراها، ديل ما وصلوا لحكم العالم بالطريقة الناعمة في إدارة الشأن الزراعي، والسودان ما استثناء سواء كان المطلوب زراعة محاصيل أو محاربة تصحر، برضك فيهو المساحات ضخمة ومستوية. فلما يجي واحد يروج لأنو ممكن يزرع 1000 بذرة في ساعة ويكلمنا عن دقة مفترضة ويكون الجهاز المقترح لعبة ببطاريات تزرع وتنافح الآفات هنا بتكون عندنا معاهو وقفة وندرّجوا بشيش بشيش وبالكلام القالوا ذاتو، ويتضح بعد داك إنو حتى الأساسيات في اللعبة دي ذاتا ما تم احترامها، وطبعاً عملياً ممكن نقول ليهو في نفس الساعة ديك التركتر ممكن يزرع مساحة كم من الأرض وبكم جالون جازولين ويشتغل كم زول وياكل كم بطارية، وهل الرياح بتوقف التركتر زي الفراشة بتاعتك دي وهل وهل، دي كلها أسئلة مشروعة، لأنو الراجل ببساطة تطرق لتنفيذ حقيقي على الأرض وذكر مشاريع بعينها. قبيل لو قال (دا مشروع بحثي) كان جينا اتونسنا معاهو لكن مصر على إنو دا واقع وممكن ينفذوا مباشرة وينقذ العالم الثالث والرابع سوا، أها، الاتفاقية دي عشان يحسمني وبطريقة فيها مواربة، يعني يعيد التجربة الظاهرة في الفيديو (لكن بدون سيلوتيب) ويقول لي أها شفتا طارت! يلا أجري اعتذر في سودانيز! I am a banana فطرحنا عليهو فقط يثبت المواصفات بالأرقام القالها احتج وقال الموضوع داير تصاريح من الطيران المدني وناس الأمن، زي صواريخ ناسا وااااحد، قلنا ماشي، أديناهو المواصفات الدكاكينية "ضربوا رماهو" الفوق دي ناس طين وتراب وزيت راجع وسمكة وفار وشتلة واحدة عشان يجرب عليها، اعتقد fair enough وأهو راجينو، لكن اتفاقية إذعان أنا ما بقبل بيها دت، لو معلومات قاعدين ولو هندسة وحساب حاضرين وكان لكاعة ساكت ياهو شغلنا. _______ آآي أنا معاك كلامي حار، بس للمصلحة العامة، وللأمور الهامة.

Quote: في رأيي انو التجربة خير برهان والاهم من ذلك انها سواء ان كانت ناجحة او فاشلة فهي تصب في فايدة الجميع وبالذات في صالح الأخ محمد عبدالله مختار +++ و كلاهما من وجهاء السودانيين في الأمارات ، و لله الحمد ، و لمن يجهل هناك كثير من المهندسين ، الـ Consultants السودانيين في الأمارات ، +++ طيب العافية درجات يا أحباب ... Quote: Quote: - زراعة البذور وغرسها ممكن نطبقو ليك عملي في حوض ترابي والبذرة تنغرس بالكامل . كلام جميل أتمنى التطبيق ...

كلام زين وأنا مناديبي جاهزيييييين

التجربة خير برهان، قطع شك يا هيثم غالي. +++ والله يا الفحل أخوي أنا لي عشرين سنة مقتنع بأنو الألقاب بتاعة السودانيين دي دايرة مراجعة تقيلة، لكن بتفق معاك في الوجاهة. +++ أها يا أخ صبري طه أنا هنا عندي (statement) يعني تصريح، لأنو المشكلة في جمال كلامو، المهندس دا. طبعاً "حوض" في أذهان الناس العادية تعني حوض، زي مثلاً حوض بصل ولا جرجير، مساحة على الأرض الحقيقية محروثة عشان الزراعة، جايز ناشفة وجايز مطينة. بس لاحظوا إنو ذكر "حوض ترابي"، حوض ساي كانت كافية مش؟ يلا "جمال" كلامو المهندس دا في إنو بيلعب بالألفاظ، فالحوض في منظوره هو صندوق ورق أو خشب مليان تراب مفتت (loose dust) زي المبين في الفيديو التحت دا من الدقيق 1:44 إلى 1:52: ودي صورتو لأن اللقطة سريعة ومدغمسة والتربة المفتتة جواهو خصائصها الميكانيكية تختلف كتير عن التربة الزراعية، ناهيك عن النقعة الصحراوية ومع ذلك سهلنا ليهو الاختبار، يجرب لينا في حوش بيت مع باقي الاختبارات المبسطة، بعد داك نديهو الآيزو حقتنا البنانية الصفراء أم نقطة. _______ يازول أنا عارف كلامو كلو، والدرون بعيني ما شفتها، آيزونا بنديها للبقنعونا ما البدقسونا

Quote: البوست ده عن الموضوع ده تحديداً كلو جاينو والله وأقول ليك حاجة أنا ملتزم بي إتفاقيتي خت الشروط البتريحك بس عندي شرط سغيروني كده .. تجيني إنت ده وما ترسل لي زول أنا فاضي ليك تب المصدر : Re: ترحيب بعودة الباشمهندس حاتم إبراهيم .. شكرRe: ترحيب بعودة الباشمهندس حاتم إبراهيم .. شكر

شروط عرقوب والعيازو بالله

اخترنا ليك وفد مقدمة يشوف (المنجزات) تقوم تتلايق بشرط جديد؟ _____ انت قول ما عندك حاجة ساكت.