نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: طاحونة العجب (Re: درديري كباشي)
|
طاحونة العجب
22
ما أشهى طبخك يا عمتي
هؤلاء الطيبون يحتفلون بي بجزء من رأسمالهم .
عمتي كان لها قفصين لتربية الحمام والدجاج تبيع منتجاتها لتحسن من دخلهم قليلا .
لكن اليوم لا يتورعون أن يذبحوا جزءا من رأسمالهم أكراما لي .
أثناء الأكل أقسمت بيني وبين نفسي أن أرجع لهم حقهم وحياتهم حتى لو كلفني ذلك روحي .
- أكل يا أحمد ولدي أكلنا مع عجبك الليلة ولا شنو .
- يكون داير السخينة .(أعقبها بضحكة سمجة تليق بجبنه ) مما دفعني للتفلت من جديد .
- قلت الشخص عندما يكون قادر يأكل أفضل من السخينة ومقرطها على نفسه مفروض يكون طعمها في فمه مثل السم الا أذا كان هو لا يحس وما عنده شعور .
- عمتي رفعت رأسها باندهاش : دا كلام شنو ما فهمنا حاجة يا أحمد ما له كلامك بقى كبار كبار كدا ذكرتني كلام أبوي عمر .
أما عم خليل صمت و طأطأ رأسه أرتبك حتى طريقته النهمة في الأكل خفت حدتها .
أما صاحبي محمود فهل كان يضحك ببله ظاهر هو فرحان بعودتي فقط لا يهمه ماذا يقول وماذا أعني .
بعد طال صمتي لم تلح عمتي لتفسير كلامي بل واصلت في أكلها .وانشغلت بإطعام أخوة محمود الصغار .(. أكلي يا ريم ..يلا حمودي .أمي أديني لحمة .. يا بت ما تاكلي الشطة كدا .).
عم صمت قصير إلا من أصوات مضغ وتقطيع الطعام الشهي .
عمر خليل بعد الصمت : جدك أخباره شنو طولت ما قابلته .. هو يريد أن يتأكد أو يسأل بطريقة غير مباشرة هل أنا عندي معلومات جديدة منه جعلت طريقتي معه تتغير بهذه الطريقة .
- قلت الظاهر أنت تقابله من آخر الشهر لآخر الشهر ..
أخ مرة ثانية يفلت لساني ويكاد يفضحني .أنا يتخيل لي أن أثقل حمل على الإنسان هو السر .أو الأمانة ..لا أدري جدي كيف استطاع يتحمل كتمانه أكثر من ثلاثين عاما وربما أكثر .. لو قلنا إن خليل كتمه خوفا فهو له مبرر ليحمي نفسه .. لكن كيف استطاع جدي الصبر عليه .أنا في خلال يومين بدأ السر ينضح وينز ويفضحني ..لا أعتقد أستطيع كتمه شهرا متواصلا .. خاصة أن هذا السر يتضرر منه أعز أصدقائي .حتى دون أن يدري .أقول لنفسي هذا ليس مبررا كافيا عندك جدك وهو يعلم أن هذا السر تتضرر منه أحدى بناته العزيزات ورغما عن ذلك ظل يكتمه .
- يلا الحمد لله اللهم أدمها نعمة وأحفظها من الزوال .
- تقصد شنو يا راجل يعني عايز كل يوم نذبح لك دجاجة .وتعقبها بضحكة ساخرة .
ضحكنا بعدها .. قلت يا عمتي دي عبارة محفوظة يقولها الناس بعد الشبع .. يعني السخينة ذاتها نعمة وفي ناس ما لاقينها ما شرط النعمة تكون دجاج .
- انا فاهمة يا أحمد بس قاصدة أشاغل عمك دا شوية ..ملاحظة من قبيل وجهه متغير ما عارفة ماله ..
لم أقل لها أنا السبب لكن الظاهر حركت برك ساكنة كثيرة في رأسه .
بعد الأكل والشاي عدنا للمذاكرة من جديد ..
وبعد العشاء تحركت عائدا للبيت .. وعلى غير العادة تبعنا عم خليل .كان عادة يقدمني محمود وحده حتى باب المدرسة الخارجي .
وبعد ما تحركت وودعتهما سمعت عم خليل يناديني ,
- يا أحمد يا أحمد وقف دقيقة .
وقفت فعلا ولحقني من غير محمود طبعا .
قال :أنت قعدت مع جدك فترة طويلة .
قلت : عادي أجلس مع جدي فترات طويلة واستمتع بالونسة معاه .
قال : قال لك حاجة ؟
قلت : بخصوص شنو ؟
قال : يعني حاجات عن ايام زمان وشغلي أنا وجيتي للحارة .
قلت : محاولا استبعاد الشك ومحاولة طمر السر من جديد .. في موضوع واحد أي حد سألته منه ما جاوب حتى أنت عندما سألتك منه تهربت وغضبت .
قال : ياتو موضوع .
قلت : حكاية العجب وطاحونته .
قال :أنا مش عارف أنت شاغل نفسك بالموضوع دا مالك؟ .. هو راجل في حاله ونحن في حالنا خليك في قرايتك وسيبو الرجل في حاله .. يدقق للناس عيشهم وما في حد متضرر منه ؟
قلت :أنت متأكد ما في حد متضرر منه ؟
قال : تقصد شنو من ممكن يكون متضرر منه ؟
قلت :أنا عارف؟ ما هو دا السؤال الما لاقي له إجابة حتى الآن .
قال : يا ولدي ما تشغل نفسك كتير خليك في قرايتك ومستقبلك .
قلت : الحمد لله أنا أهو مجتهد في قرايتي ومستقبلي . لكن الله يطول عمر جدي .. لو قدر الله وتم أجله في ناس كتار راح يضيعوا وما عندهم ذنب .
سكت هذه المرة ونظر لي بنظرة جاحظة ركبت عجلتي وتركته ينظر الي واقفا في مكانه بل شعرت أن نظراته تكاد تخرق ظهري .
وصلت بيتنا وعلى غير المتوقع أمي قالت جدي أرسل يسأل منك . أنا ما عارفة في شنو بينك وبين جدك اليومين ديل .
فرحت طبعا .أنا أصلا لم أكن استطيع الصبر حتى غدا لأعرف كيف مات الخواجة وزوجته وما سر عزل أهل الحارة للعجب .
قلت : أمشي أشوفه ليه ناداني .. يكون عندهم فرق في الحساب ما عرفنه جايي من وين ( محاولة تمويه )
وصلت لجدي ووجدته يجلس في كرسي أمام الدكان والجماعة أنفضوا من حوله .. يعني الجو ملائم .
قال : أهلا يا أبو حميد وين ما رجعت ما ناوي تعرف باقي الحكاية .؟
قلت : ما لازم شوية مذاكرة حتى لا نغضب الوالدين .
قال : معك حق أهم شئ لا تغضب الوالدين .
قلت يلا يا جدي نحن وصلنا مرحلة موت الخواجة وزوجته ..
قال : الله يرحمهما كانا مثال للطيبة والأخلاق .
قبل موتهما بيوم . جاني ولد من أولاد الحلة وقال لي ألحق الخواجة عايز يقتل ولده .. لبست جلابيتي وعمتي وجريت . نحو الطاحونة .. وجدت الخواجة داخل الطاحونة مربط الولد ( كوستا ) في عمود داخل الحوش وواقع فيه ضرب بالخرطوش ويلعن فيه : يا فاسق يا تافه يا حقير ... والفاظ بذيئة غير معهودة منه .. ووجهه محمر يكاد ينفجر من الغضب .. أما الولد كان يجسمه يسيل منه الدم وعيونه محمرة يبكي لكن تحس بالغل في عينيه عرفت أن أم كوستا هي من أرسلت لمناداتي حتى انقذ ابنها من براسن أبوه .. وفعلا لاقتني خارج الباب قبل الخروج .
وفي الغرفة قلت للخواجة حرام يا خريستو البتعملوا في ولدك دا .
قال : دا ما ولدي دا ود حرام أنا معقولة أجيب ولد زي دا ؟
قلت أهدأ اهدأ وريني الحاصل شنو ؟
قال : تعرف يا حاج عمر من زمن طويل كوستا رفض يعيش معنا في البيت وقال عايز يعيش في الطاحونة عشان يحرسها ويكون قريب من عمله .. أمه طبعا مدللاه تلبي له أي طلب وافقت وضغطت علي لأوافق وقالت ما دام هو بقى يشتغل ويهتم بشغله خليه .
أنا وافقت زي ما شايف بنينا له الغرفة ومعاها مطبخ وفرشناها له أحسن فرش ..أتاريه ولد الحرام كان عنده فكر تاني خالص .
قلت : حصل شنو يا خواجة .
نواصل
|
|
 
|
|
|
|
|
| العنوان |
الكاتب |
Date |
| طاحونة العجب | درديري كباشي | 02-19-16, 04:26 PM |
| Re: طاحونة العجب | درديري كباشي | 02-19-16, 04:30 PM |
| Re: طاحونة العجب | درديري كباشي | 02-19-16, 04:45 PM |
| Re: طاحونة العجب | درديري كباشي | 02-19-16, 06:05 PM |
| Re: طاحونة العجب | درديري كباشي | 02-19-16, 06:58 PM |
| Re: طاحونة العجب | درديري كباشي | 02-19-16, 08:35 PM |
| Re: طاحونة العجب | درديري كباشي | 02-19-16, 09:38 PM |
| Re: طاحونة العجب | درديري كباشي | 02-20-16, 06:10 AM |
| Re: طاحونة العجب | درديري كباشي | 02-20-16, 10:16 AM |
| Re: طاحونة العجب | الجنيد حمد | 02-20-16, 11:36 AM |
| Re: طاحونة العجب | درديري كباشي | 02-20-16, 04:13 PM |
| Re: طاحونة العجب | درديري كباشي | 02-20-16, 05:12 PM |
| Re: طاحونة العجب | درديري كباشي | 02-20-16, 10:13 PM |
| Re: طاحونة العجب | Saifaldin Fadlala | 02-21-16, 08:13 AM |
| Re: طاحونة العجب | درديري كباشي | 02-21-16, 09:14 AM |
| Re: طاحونة العجب | درديري كباشي | 02-21-16, 10:31 AM |
| Re: طاحونة العجب | درديري كباشي | 02-21-16, 04:18 PM |
| Re: طاحونة العجب | Salah Zubeir | 02-21-16, 05:22 PM |
| Re: طاحونة العجب | درديري كباشي | 02-22-16, 05:56 AM |
| Re: طاحونة العجب | درديري كباشي | 02-22-16, 06:27 AM |
| Re: طاحونة العجب | درديري كباشي | 02-22-16, 05:10 PM |
| Re: طاحونة العجب | درديري كباشي | 02-23-16, 06:14 AM |
| Re: طاحونة العجب | درديري كباشي | 02-23-16, 10:26 AM |
| Re: طاحونة العجب | درديري كباشي | 02-23-16, 05:04 PM |
| Re: طاحونة العجب | درديري كباشي | 02-24-16, 06:33 AM |
 Re: طاحونة العجب | Shueib Medani | 02-24-16, 06:49 AM |
| Re: طاحونة العجب | درديري كباشي | 02-24-16, 10:00 AM |
| Re: طاحونة العجب | درديري كباشي | 02-24-16, 10:01 AM |
| Re: طاحونة العجب | AL-Qassim | 02-24-16, 02:44 PM |
| Re: طاحونة العجب | درديري كباشي | 02-24-16, 03:38 PM |
| Re: طاحونة العجب | Salah Zubeir | 02-24-16, 04:04 PM |
| Re: طاحونة العجب | درديري كباشي | 02-24-16, 04:59 PM |
| Re: طاحونة العجب | درديري كباشي | 02-24-16, 05:00 PM |
| Re: طاحونة العجب | درديري كباشي | 02-25-16, 10:01 AM |
| Re: طاحونة العجب | AL-Qassim | 02-25-16, 10:24 AM |
| Re: طاحونة العجب | درديري كباشي | 02-25-16, 10:36 AM |
| Re: طاحونة العجب | AL-Qassim | 02-25-16, 10:48 AM |
| Re: طاحونة العجب | درديري كباشي | 02-25-16, 11:04 AM |
| Re: طاحونة العجب | درديري كباشي | 02-25-16, 05:09 PM |
| Re: طاحونة العجب | درديري كباشي | 02-26-16, 09:51 AM |
| Re: طاحونة العجب | درديري كباشي | 02-26-16, 12:59 PM |
| Re: طاحونة العجب | درديري كباشي | 02-26-16, 04:03 PM |
| Re: طاحونة العجب | درديري كباشي | 02-26-16, 05:56 PM |
| Re: طاحونة العجب | درديري كباشي | 02-26-16, 08:18 PM |
| Re: طاحونة العجب | درديري كباشي | 02-27-16, 10:58 AM |
| Re: طاحونة العجب | درديري كباشي | 04-09-16, 09:07 AM |
|
| |
فيس بوك
تويتر
انستقرام
يوتيوب
بنتيريست