نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: طاحونة العجب (Re: درديري كباشي)
|
طاحونة العجب
17
واصل جدي وقال بعد ما وصل العجب أو كوستا عمر المراهقة وصل المرحلة المتسوطة بالمباصرة .أصبح غير محتمل لكل أهل الحارة .. لكن كانوا محتملنه إكراما لوالديه الطيبين .. فصل من مدرسة لأنه ضرب أحد المدرسين وكاد أن يقتله ..
قلت : لكن يا جدي الخواجة وزوجته ما كانوا يعاقبوه ؟ .. كيف تركوه وصل المرحلة دي من الشقاوة.
قال : بالعكس الخواجة كان يجلده بقسوة شديدة .. وكثيرا ما جات أمه تترجاني حتى أفكه من براسن والده ..أروح ألاقيه رابطة بالحبال والدم يجري من كل جسده .. حقيقة قسوة فظيعة جدا ..أفكه منه وأشاكله أقول له حرام عليك كيف تعمل كدا في جناك لحمك ودمك .
قلت : يا جدي تعرف يكون هو دا المجننه .
قال : بالظبط كداهو كان عايش بين نقيضين أم تفرط في تدليله لحد التغاضي عن كل بلاويه وتحويل مصايبه لمدح ومفخرة وأب يقسي في عقابه لأتفه سبب .. عشان كدا بقى انسان غير مبالي .. مستعد يعمل أي شئ ترغب فيه نفسه .. لأنه يعاقب بقسوة في أشياء لا تستحق العقاب ..أصبح ما عنده رادع من نفسه ..
قلت : كدي أدينا أمثلة للمصائب الكان بيعملها العجب .
قال : أول شئ كان يشكل رعب وأرهاب للشباب في سنه وحتى الأكبر منه .لأنه يمكن لو واحد ضحك منه أو سخر .. بكل بساطة يحمل حجر ويضربه في وجهه .. ويسبب له وسم دائم .. لانه يعرف لو بسق في وجه شخص أو ضربه و شج رأسه العقاب واحد بالنسبة له يكفي أن الشكوة تصل الخواجة . الخواجة يربطه ويجلده بطوق العجلة أو سلك الفرامل .. يخلي جسمه يجري دم .
قلت : ما فكر يهرب يسيب البلد أنا يتخيل لي حياته كانت بصورة يصعب معها الاستمرار . لكن في تناقد في الحكي يا جدي ..أنت قلت الخواجة رجل حقاني وطيب وكل الناس تحبه كيف يكون قاسي مع ولده وطيب مع الناس .
قال : ما كان يرغب في الهروب لأنه كان متعلقت بأمه جدا مثل ما هي متعلقه به أما الخواجة مشكلته أصلا هي الصورة الجميلة الزرعها في نفوس الناس وهي مربط الفرس . فهو يعتقد أنه هذا الولد العاق جاء ليهدمها .. فهو يعتقد أنه بهذه الطريقه سيحافظ عليها ويرد للناس اعتبارهم . ويحتفظ بصورته أمامهم باعتباره انتصر لهم ضد ولده .. لكن للأسف الأمر جاب نتائج عكسية .
قلت : كيف ؟
قال :لأن العجب أصبح لا يبالي بالعقاب ويمكن يكون وصل حالة نفسية جعلته يدمن ويستلذ بالعقاب أكثر من أن يخاف منه وهذا ما زاد خطورته .
قلت : كيف ومتى أنفصل عم خليل منهم وتحول لحراسة المدرسة ؟.
قال : ايواا بعد كدا جينا للمنعطف الأخطر ودور حكاية عمك خليل في القصة .العجب بعد ما ترك الدراسة والده وظفه معه في الطاحونة .أي مع عم خليل ليتعلم منه تشغيل الطاحونة . وهنالك بدأت معاداته لعم خليل .. بل تقدر تقول كل شره ومصائبة أنحصرت في إيذاء عم خليل بعد ما منع من الحركة خارج الطاحونة .. بدأ يفتنه مع الناس .. مثل يخلط الزرة مع التراب .. وتنصب مشاكل الزبائن مع عمك خليل .. وتصل مرحلة المضاربة .. وهو تجده يضحك ساخرا ,... أو يسرق دخل الطاحونة ويتهم خليل بالسرقة .. خليل سئم من هذه المصائب وجاني في الدكان يبحث عن عمل جديد ..أي استقال من الطاحونة ..
جاني الخواجة يترجاني أقنعه بالعودة .. ولكن خليل رفض بشدة وقال حتى لو يترك الحارة ويذهب لمكان آخر .. فهو لن يتلم مع هذا الولد الشقي في مكان واحد أبدا .
لحسن الحظ في نفس العام تم افتتاح المدرسة الثانوية للبنات واحتاجوا لحارس. عرضت الأمر لخليل وافق فورا .. بنينا له غرفة وحمام ومطبخ مع حوش صغير داخل حوش المدرسة .. ومن يومها أصبح خليل غفير في المدرسة حتى الآن .
قلت : طيب خليل خدم الخواجة قرابة العشرين سنة .. بس بكل بساطة يمشي كدا .. ما عنده حقوق معاش نهاية خدمات حاجات زي كدا . يعني الخواجة ما أداه حقه ؟.
قال : أنت ياداب جيت في محل السر الأخطر .
لم أقل شيئا وفعلا شعرت أن الحكي وصل لمنطقة السر الذي يحتفظ به جدي طيلة هذه الفترة وقال خليل يعرف جزء منه فقط يا ترى ما هو هذا السر العجيب ؟.
قبل ما يقول جدي شيئا يقطع حديثنا أحد الجيران أصحاب جدي والعمال فرشوا البروش أستعدادا لصلاة المغرب .. ومن ضمن الحضور وصل الوالد أول ما لاحظ جلوسي بتركيز قرب جدي .
- يا ولد أنت قعد تعمل شنو هنا ؟. ما عندك مذاكرة يلا قوم أمشي البيت .
جدي : يعني عاوز تحرمه يتونس مع جده كمان .
قال والدي : لا يا أبوي بس أحمد ممتحن السنة دي .. لو قضاها كلها لعب وونسة ما حا يجيب شهادة .
جدي : هي ساعة واحدة قبل المغرب أحكي له فيها عن تاريخ الحارة وأهلها .. كلام ينفعه في حياته . أنا حاسي أنه ولدنا أحمد دا حيكون له شأن عظيم ويمكن يقود البلد دي كلها. ( محاولة زكية لتشتيت تركيز والدي عن السر الذي بدأ يفشيه لي )
والدي : يا أبوي ما تنفخ الولد ساي أنت تكون متأثر له من جلدة أمس لكن هو غلط ويستاهل العقاب وتاني ما حا يكررها .موجها الكلام لي : يلا يا ولد أمشي حصل مذاكرتك .
جدي : طيب خليه يصلي معنا المغرب بعدين يمشي .
لم يستطع والدي أن يعترض هذه المرة . وفعلا بعد الصلاة عدت الى البيت ووجدت أمي تنتظرني على أحر من الجمر .. لكن ليس أحر من نار الفضول التي جعلت رأسي يغلي .. تقريبا حاليا أنا وعم خليل متساوين في معرفة سر العجب ,, باقي خطوة واحدة واتفوق حتى على عم خليل نفسه .
أمي: أها جدك كان عايزك لشنو ؟ .
قلت : يا أمي بس ونسة يحكي لي عن تاريخ عائلتنا وأصلها ..
قالت : هو جدك دا قايل نفسه القيصر بتاع روسيا ؟ . عائلة شنو وتاريخ شنو سايب مذاكرتك وقاعد اليوم كله مصاقر جدك . كمان قال تاريخ العايلة يلا شوف كتبك وين وامشي أتقفل في الصالون ما عايزة أسمع لك صوت .
أخذت كتبي واتجهت ناحية الصالون وكان رأسي يغلي ويفور بالاسئلة والتحليل .. ما هو السر الأخطر في حياة العجب ؟.
ونواصل
|
|
 
|
|
|
|
|
| العنوان |
الكاتب |
Date |
| طاحونة العجب | درديري كباشي | 02-19-16, 04:26 PM |
| Re: طاحونة العجب | درديري كباشي | 02-19-16, 04:30 PM |
| Re: طاحونة العجب | درديري كباشي | 02-19-16, 04:45 PM |
| Re: طاحونة العجب | درديري كباشي | 02-19-16, 06:05 PM |
| Re: طاحونة العجب | درديري كباشي | 02-19-16, 06:58 PM |
| Re: طاحونة العجب | درديري كباشي | 02-19-16, 08:35 PM |
| Re: طاحونة العجب | درديري كباشي | 02-19-16, 09:38 PM |
| Re: طاحونة العجب | درديري كباشي | 02-20-16, 06:10 AM |
| Re: طاحونة العجب | درديري كباشي | 02-20-16, 10:16 AM |
| Re: طاحونة العجب | الجنيد حمد | 02-20-16, 11:36 AM |
| Re: طاحونة العجب | درديري كباشي | 02-20-16, 04:13 PM |
| Re: طاحونة العجب | درديري كباشي | 02-20-16, 05:12 PM |
| Re: طاحونة العجب | درديري كباشي | 02-20-16, 10:13 PM |
| Re: طاحونة العجب | Saifaldin Fadlala | 02-21-16, 08:13 AM |
| Re: طاحونة العجب | درديري كباشي | 02-21-16, 09:14 AM |
| Re: طاحونة العجب | درديري كباشي | 02-21-16, 10:31 AM |
| Re: طاحونة العجب | درديري كباشي | 02-21-16, 04:18 PM |
| Re: طاحونة العجب | Salah Zubeir | 02-21-16, 05:22 PM |
| Re: طاحونة العجب | درديري كباشي | 02-22-16, 05:56 AM |
| Re: طاحونة العجب | درديري كباشي | 02-22-16, 06:27 AM |
| Re: طاحونة العجب | درديري كباشي | 02-22-16, 05:10 PM |
| Re: طاحونة العجب | درديري كباشي | 02-23-16, 06:14 AM |
| Re: طاحونة العجب | درديري كباشي | 02-23-16, 10:26 AM |
| Re: طاحونة العجب | درديري كباشي | 02-23-16, 05:04 PM |
| Re: طاحونة العجب | درديري كباشي | 02-24-16, 06:33 AM |
 Re: طاحونة العجب | Shueib Medani | 02-24-16, 06:49 AM |
| Re: طاحونة العجب | درديري كباشي | 02-24-16, 10:00 AM |
| Re: طاحونة العجب | درديري كباشي | 02-24-16, 10:01 AM |
| Re: طاحونة العجب | AL-Qassim | 02-24-16, 02:44 PM |
| Re: طاحونة العجب | درديري كباشي | 02-24-16, 03:38 PM |
| Re: طاحونة العجب | Salah Zubeir | 02-24-16, 04:04 PM |
| Re: طاحونة العجب | درديري كباشي | 02-24-16, 04:59 PM |
| Re: طاحونة العجب | درديري كباشي | 02-24-16, 05:00 PM |
| Re: طاحونة العجب | درديري كباشي | 02-25-16, 10:01 AM |
| Re: طاحونة العجب | AL-Qassim | 02-25-16, 10:24 AM |
| Re: طاحونة العجب | درديري كباشي | 02-25-16, 10:36 AM |
| Re: طاحونة العجب | AL-Qassim | 02-25-16, 10:48 AM |
| Re: طاحونة العجب | درديري كباشي | 02-25-16, 11:04 AM |
| Re: طاحونة العجب | درديري كباشي | 02-25-16, 05:09 PM |
| Re: طاحونة العجب | درديري كباشي | 02-26-16, 09:51 AM |
| Re: طاحونة العجب | درديري كباشي | 02-26-16, 12:59 PM |
| Re: طاحونة العجب | درديري كباشي | 02-26-16, 04:03 PM |
| Re: طاحونة العجب | درديري كباشي | 02-26-16, 05:56 PM |
| Re: طاحونة العجب | درديري كباشي | 02-26-16, 08:18 PM |
| Re: طاحونة العجب | درديري كباشي | 02-27-16, 10:58 AM |
| Re: طاحونة العجب | درديري كباشي | 04-09-16, 09:07 AM |
|
| |
فيس بوك
تويتر
انستقرام
يوتيوب
بنتيريست