|
Re: التأريض (Re: أيمن محمود)
|
الجهاز دا عجيب | الفكرة بسيطة، التيار في الخط والراجع بيكون واحد طالما الحمولة مستقرة، لمبة مثلاً، وفي الحالة دي الحلقة المعدنية البيضاء لا تتولد فيها قوة مغناطيسية لأن التيارين كل واحد يلغي التاني لأنهم عكس اتجاه بعض وقيمتهم متساوية، أو ما يحصل شورت قيمة واحد منهم بتكون انخفضت، الفرق دا بيخلي الحلقة المعدنية تتمغنط وتولد تيار خفيف في (sensing coil) وبدوره يحرك مفتاح يفصل الكهرباء.
أحكي ليك قصة حصلت لي مع البتاع دا زمان، مشيت اتشالق في صيوان حفلة وعامل فيها فني كهرباء، حفلات زمان، بيعلقوا الكشافات في حديد الصيوان، المهم قومي يا الكشافة أعملي أرضي مع ماسورة الصيوان ويمر التيار للأرض عبر الماسورة الفيها الكشافة، مش كدة وبس، التيار اللئيم كان بيغشى كل مواسير الصيوان ويتسرب منها للأرض، نولع الكشافات بعد شوية تطفي براها، نولعها تاني، كجك تطفي، سمعتي المهنية، مشيت على البتاع في الصورة الفوق دي، كان المتهم الوحيد فالباقي أنا كلو بعرفو، ياهن أسلاك ولمبات وكوبسيات، لقيتو بيقفل براهو الكلب، الحتة السوداء دي أرفعها لفوق تكون عاصية، أخليها كجك تجي واقعة براها والصيوان يطفي، قلت يمكن الياي بتاعو برد، قوم يا حاتم أحشر ليهو عود تحت البتاعة السوداء دي عشان ما تنزل لتحت وتفصل الكهرباء، عليك أمان الله قبال ما أزح منو سمعتو ليك عمل هزيز كدة وأظنو سخن برضو، بس قلت بتكون دي عادتو، الخواجات ديل مناعيل، ما الكشافات ذاتا بتسخن وبتحمر بيض عديل.
أها، لتاني يوم الصباح الصيوان بيكهرب في الناس نسوان ورجال، أي زول مسك ماسورة أخد مساج ليلي وضهرو انطلق، الكهرباء بتعمل دلك كويس 50 هيرتز، ما بطالة، آخر ضحية كان زميل دراستنا والله عيني ليهو والله قبض الماسورة وغلبو يفكها، قايلنو سكران أتاريهو مشلول، غايتو جروهو من الماسورة، والله ما قدر يقيف على حيلو، الكهرباء بتاكل الكرعين تاريها. كان درس عجيب في الليلة ديك. _____ الشمس مرقت، مشيت للجهاز لقيت لونو بقى أسود وريحتو نار نار. وعودي راكب. لكن ما كتلنا زول. |
|
|
|
|
|
|
|
العنوان |
الكاتب |
Date |
التأريض | أيمن محمود | 01-07-16, 07:48 PM |
Re: التأريض | طلحة عبدالله | 01-07-16, 08:17 PM |
Re: التأريض | Hani Arabi Mohamed | 01-07-16, 08:22 PM |
Re: التأريض | أيمن محمود | 01-09-16, 06:10 AM |
Re: التأريض | حاتم إبراهيم | 01-07-16, 08:44 PM |
Re: التأريض | أيمن محمود | 01-09-16, 06:50 AM |
Re: التأريض | حاتم إبراهيم | 01-08-16, 09:37 AM |
Re: التأريض | خالد عبدالوهاب | 01-08-16, 11:59 AM |
Re: التأريض | وائل حمزه الزبير | 01-08-16, 04:44 PM |
Re: التأريض | أيمن محمود | 01-09-16, 07:19 AM |
Re: التأريض | حاتم إبراهيم | 01-09-16, 08:08 AM |
Re: التأريض | حاتم إبراهيم | 01-09-16, 08:23 AM |
Re: التأريض | حاتم إبراهيم | 01-09-16, 09:00 AM |
Re: التأريض | أيمن محمود | 01-09-16, 09:27 AM |
Re: التأريض | حاتم إبراهيم | 01-09-16, 09:36 AM |
Re: التأريض | حاتم إبراهيم | 01-09-16, 10:02 AM |
Re: التأريض | الطيب عباس | 01-09-16, 10:38 AM |
Re: التأريض | حاتم إبراهيم | 01-09-16, 10:37 AM |
Re: التأريض | حاتم إبراهيم | 01-09-16, 10:54 AM |
Re: التأريض | خالد عبدالوهاب | 01-09-16, 06:11 PM |
Re: التأريض | Yousuf Taha | 01-10-16, 03:11 PM |
Re: التأريض | حاتم إبراهيم | 01-21-16, 12:33 PM |
Re: التأريض | أيمن محمود | 01-22-16, 08:56 PM |
Re: التأريض | حاتم إبراهيم | 04-16-16, 10:53 AM |
Re: التأريض | أحمد الشايقي | 04-16-16, 11:47 AM |
Re: التأريض | حاتم إبراهيم | 04-16-16, 11:54 AM |
Re: التأريض | حاتم إبراهيم | 06-11-16, 10:41 PM |
|
|
|