|
|
 Re: صيف مع محجوب (Re: mustafa mudathir)
|
ياريت ..يامصطفي ياريت ، الناس شالوا بعض ونحن بعاد
هل الوقت مناسب ومتين ح يكون ..وهل سكت سيد الكلام والكتابة والآحلام الكبيرة حتي يتحدث غيره ..ومن يستطيع ؟
عذراً
----
ياطفلتي القالوهو لي عينيكي مابتوصفي
ياريتني ما آتوصي فيك النخلة فوق النيل تلاوي وتنكفي
مع محجوب كل شي ممكن يتدبر والجاي اكيد آجمل .الطرفة ، والنكتة الذكية،والضحكة المستبشرة خير، والوجه الباسم دوماً وفي العينين حنين العالم كله.
الوقت صباح دايرين نعمل صبة لآرضية المطبخ في بيت الواحد وعشرين بعد ما اكتملت بعد تعب الغرفة الواحدة. آميرة ست البيت وآم الناس والتدبير آدتنا عشرة جنيه قالت ؛ جيبو كيسين آسمنت ودا حق الكارو -عليكم الله ماتتآخروا اسع البنا بجي والمغلق ياهو دا في طرف الخور
مرقنا ماشين علي الظلط ومنه علي المكان المقصود لاقونا شفع شلة ، كالعادة محجوب شاغلهم واخد وقفته معاهم بعد شوية اتجهوا بي محجوبهم علي الدكان عكس طريقنا. وين يا آخينا؟ عزمت اصحابي ديل حلاوة ونحن ذاتنا بعد السخينة المسيخة دي ماحلينا. مشينا الدكان الشفع خمو الحلاوة وقال لي آدفع من حق الكارو- بتدبر يا اخي - طيب خلاص نمشي يامحجوب الزمن ، وخوفي كله مايضيع المبلغ زي كل مرة في مواقف اخري مشابهة.قال جدا نمشي بس نقدمهم شوية، ومرت نص ساعة . يامحجوب يامحجوب تقيف عربية وينزل منها زول ضاحك ..اهليييين وبالاحضان، يعرفك باسمه ونركب نطق الونسة ..يسآلنا الصديق فطرتو ؟ آسارع بالقول ايوه نعم وعندنامشوار مهم نزلنا جنب الخور. يضحك محجوب ويساله ..انت ماشي الخرطوم مش كدي ؟ ومع الاجابة يواصل ..طيب يا اخي دي مافرصة كويسة نمشي مستشفي امدرمان نزور الشاعر آبو قطاطي راقد ليهو يومين ، ويهلل صاحبنا بتاع العربية ويقول ياسلاااااام
سوات العاصفة بي
ساق الشتيل الني
وفعل السيل وقت يتحدر
يكسح ما يفضل شي
وفي الطريق للمستشفي ومع الونسة والضحك تسمع محجوب يا اخي اقيف شيل الزول دا ،وينزل اهلين حق الله ، بق الله ويعرفنا بالصاحب الجديد ونصبح اربعة في الرحلة، والفكرة حتي الان واضحة ماشين المستشفي-ايقنت وفي قلبي اقول ياحليل كيسين الاسمنت . واصلنا ، محجوب يسمعنا بيتين شعر من قصيدة حايمة جواهو ،وفجآة يقول لصديقنا السواق ونحن قصاد حي العمدة يا اخي عليك الله لف بي هنا شفت الباب اللخدر داااك . وينزل ياخد وقته ولاحد يمل. يجي مارق يناديي اسمع جيب تمانية جنيه ولا اقول ليك جيب العشرة كلها الآمر ضروري وعاجل مابستحمل ، يدخل يدي ويمرق .. يامحجوب كيسين الاسمنت. يا آخي بتدبر نقول ليها اشترينا غنماية عندها سخلتين واحدة بيضا والتانية خاتف لونين وبعد دا مافي لبن بالدين . وطيب وين سعادة الغنماية والسخلتين ديل ؟ يا اخي بتدبر خليناهم مع راعي في الخلا المهم ضميرنا مرتاح حلينا مصيبة انسان .
علي جيهة صينية الازهري تجي سيرة دكتور طوالي محجوب يقترح يا اخي دا زول ظريف وفي سكتنا ارحكم نزوره ومنها يكتب لينا روشتة لفلانة وفلان داير عملية، ونطلع وننزل ومليون زول يامحجوب ، يامحجوب ..وسلام وكلام وافكار ومشاريع ومواعيد وقضا حاجات. نصل المستشفي مع المغرب ويتواصل نفس الموال . متاخر نرك في البيت في جيبنا ولا تعريفة ولا كورية اسمنت ومحجوب يضحك ، ويغني كلام ،ويتذكر مركوب الوالد..وكدي آسمع دي . وآشعار تدفق كالشلال وما تشيل هم بكرة بتدبر .
|
|
  
|
|
|
|
|
| العنوان |
الكاتب |
Date |
| فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-04-14, 00:06 AM |
| Re: يا محجوب الشريف ... فلتنبت فينا تيرابا وأشعة ضوء | محمد حيدر المشرف | 04-04-14, 00:28 AM |
| Re: يا محجوب الشريف ... فلتنبت فينا تيرابا وأشعة ضوء | الدومة ادريس حنظل | 04-04-14, 00:37 AM |
| Re: يا محجوب الشريف ... فلتنبت فينا تيرابا وأشعة ضوء | mustafa mudathir | 04-04-14, 01:31 AM |
| Re: يا محجوب الشريف ... فلتنبت فينا تيرابا وأشعة ضوء | bashir kurdufan | 04-04-14, 03:45 AM |
| Re: يا محجوب الشريف ... فلتنبت فينا تيرابا وأشعة ضوء | باسط المكي | 04-04-14, 03:49 AM |
| Re: يا محجوب الشريف ... فلتنبت فينا تيرابا وأشعة ضوء | BALLAH EL BAKRY | 04-04-14, 09:19 AM |
| Re: يا محجوب الشريف ... فلتنبت فينا تيرابا وأشعة ضوء | bashir kurdufan | 04-04-14, 03:25 PM |
| Re: يا محجوب الشريف ... فلتنبت فينا تيرابا وأشعة ضوء | bashir kurdufan | 04-04-14, 04:00 PM |
| صيف مع محجوب | mustafa mudathir | 04-04-14, 04:34 PM |
| Re: صيف مع محجوب | bashir kurdufan | 04-04-14, 08:34 PM |
| Re: صيف مع محجوب | bashir kurdufan | 04-04-14, 10:57 PM |
| Re: صيف مع محجوب | عمر ادريس محمد | 04-04-14, 11:31 PM |
| Re: صيف مع محجوب | bashir kurdufan | 04-04-14, 11:52 PM |
| Re: صيف مع محجوب | فقيرى جاويش طه | 04-05-14, 01:01 AM |
| Re: صيف مع محجوب | bashir kurdufan | 04-05-14, 01:58 AM |
| Re: صيف مع محجوب | BALLAH EL BAKRY | 04-05-14, 04:57 AM |
| Re: صيف مع محجوب | khaleel | 04-05-14, 10:28 AM |
| Re: صيف مع محجوب | bashir kurdufan | 04-05-14, 12:18 PM |
| Re: صيف مع محجوب | bashir kurdufan | 04-05-14, 12:25 PM |
| Re: صيف مع محجوب | محمد أبوالعزائم أبوالريش | 04-05-14, 04:58 PM |
| Re: صيف مع محجوب | bashir kurdufan | 04-05-14, 06:13 PM |
| Re: صيف مع محجوب | bashir kurdufan | 04-06-14, 03:31 PM |
| Re: صيف مع محجوب | bashir kurdufan | 04-07-14, 01:39 AM |
| Re: صيف مع محجوب | عمر ادريس محمد | 04-07-14, 02:55 AM |
| Re: صيف مع محجوب | mustafa mudathir | 04-07-14, 06:36 AM |
| Re: صيف مع محجوب | bashir kurdufan | 04-07-14, 05:30 PM |
| Re: صيف مع محجوب | bashir kurdufan | 04-07-14, 07:08 PM |
| Re: صيف مع محجوب | bashir kurdufan | 04-08-14, 11:41 AM |
| Re: صيف مع محجوب | mustafa mudathir | 04-09-14, 06:25 AM |
| Re: صيف مع محجوب | mustafa mudathir | 04-12-14, 03:45 AM |
| Re: صيف مع محجوب | عمر ادريس محمد | 04-13-14, 01:29 AM |
| Re: صيف مع محجوب | mustafa mudathir | 04-13-14, 02:01 AM |
| Re: صيف مع محجوب | عمر ادريس محمد | 04-13-14, 04:01 AM |
| Re: صيف مع محجوب | bashir kurdufan | 04-13-14, 08:21 PM |
| Re: يا محجوب الشريف ... فلتنبت فينا تيرابا وأشعة ضوء | bashir kurdufan | 04-15-14, 08:13 PM |
| Re: يا محجوب الشريف ... فلتنبت فينا تيرابا وأشعة ضوء | mustafa mudathir | 04-16-14, 04:41 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | ياسر منصور عثمان | 04-16-14, 07:57 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | jini | 04-16-14, 12:35 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | بدر الدين عوض الكريم | 04-16-14, 01:27 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-17-14, 02:37 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-17-14, 02:49 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-17-14, 03:01 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | mustafa mudathir | 04-18-14, 07:16 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-18-14, 11:03 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-18-14, 11:03 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-19-14, 06:12 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | mustafa mudathir | 04-20-14, 02:23 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | mustafa mudathir | 04-20-14, 05:43 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-21-14, 03:47 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 04-23-14, 03:28 PM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | bashir kurdufan | 05-02-14, 06:10 AM |
| Re: فلنوثق هنا لحياة الشاعر محجوب الشريف ... فلتنبت فينا تيرابا وأشعة ضوء | mustafa mudathir | 05-02-14, 01:13 PM |
|
| |
عمر ادريس محمد
فيس بوك
تويتر
انستقرام
يوتيوب
بنتيريست