|
|
 ضحكات فنانيين... ياسر العيلفون نموذجا
|
الله قسم لي صحبة الفنانيين من ياسر العيلفون – ايهاب – عصام محمد نور .... الخ والقائمة تطول.
تزاملنا مع الصديق ياسر العيلفون في شركة وإحنا برالمة في السعودية قبل ما نخش في ياسر واخوانو الفنانين
اول وظيفة عملت بها جاي جيد كرت كان زميل لينا سوداني قبطي الله اطراهو بالخير راجل طيب وقت الفراغ بمشي مكتبو اتونس معاهو من اقعد في الكرسي واجب الضيافة اقول لي ((عباس شاي و ل قهوة)) ارد بي سرعة لا لا شكرا كان عندي حساسية مفرطه مع الشاي والقهوة وبي السبب ده كرهت المراسله الهندي اول يوم عمل دخل علي... سديق شاي ، كوفي- بسرع رديت ...شكرا أنا ما إشرب شاي كوفي ، وعلي هذا الحال اكثر من ثلاثة اربعة شهور.
مرة كنت قاعد مع القبطي اصر علي اشرب شاي اخضر وبما انو ما متوفر كثير في السودان قبلت علي مضض شربت الكباية لما تصبب العرق من جبهتي وبسرعة فائقة مع رشفات كبيرة حتي احتار صديقي القبطي ولما انتهيت ختيت الكباية معاها دقة ...كع ... في التربيزة الراجل عاين لي بي اندهاشة ثم قال:
يازول مالك مستعجل قول بسم الله البلد دي غير الشاي بانواعو والقهوة فيها شنو الحاجة الوحيدة البلاش هنا.
نطط عيوني كيف بلاش هنا يعني ما بقروش الله اقطعت يا عباس ضيعت اربعة شهور الهندي من اول يوم خش علي اتخذت قرار ما اشرب مكيفات عشان الحساب ما إجيني نهاية الشهر كثير... اصلو كانت عندي عقدة من الشاي بي الدين حاجة عشة كانت زمان في البنك بتبيع لينا الشاي بالشهر بتزيد ليك الحساب اكثر من الشربتو.
ثانيا:
مشوار الشغل كان جبدة وهنا مافي مواصلات وضاربني السلك قرش ما عندي اول ايام كنت بقوم مع الصبح عشان امشي كداري مشاشقة بي نص الحي يومين وتلاتة فترته.
قلت اجرب يا عم اول طلعتي الشارع العام قابلت باكستاني اشر لي بي راسو في معناه ماشي قدام اشرت أنا بي راسي ايضا بالايجاب ظيييييييييط جره فرمله.
يا سديق أنا امشي في طريق هذا قريب صناعية.
يلا يلا إركب !!!!
خلفته يدي لحسن حظي الراجل جابني قدام باب الشركة. بس بس هنا يا سديق....
نزلته شكرا يا سديق !!!
الراجل .. شكرا ايش وين فلوس جيب 20 ريال هذا مسجد انت شوف أنا مطوع يبقي حسنه ايش هذا
أنا: فلوس ايش أنا مافي وقف انت ليش انت وقف بعدين كلام بي راسك انت روح قدام أنا اركب.
الراجل: ايش هذا انت اي نفر كلام روح قدام اركب بدون فلوس هذا ليموزين أنا مافي شوف سوداني حرامي.
أنا: سديق انت مافي كلام ما كويس والله أنا اضرب حمار
الراجل نزل من العربية وقعد اكورك.... بالله شوف هذا نفر حرامي وقرقر كثير يبقي يضرب ليش مافي شرطة.
الناس اتلمت قلت جابت ليها شرطة عندي خمسة ريال طلعتها ليهو .... طيب هاك سديق يلا روح.
الرجل لو ما حلاني منو صاحبي القبطي كان حسي كنت بي هناك اخيرا عرفته بتاع ليموزين لو اشر ليك بي راسو عايز اورطك.
أنا ضارب الكداري عربات الليموزين تجي ماشة فيني وقت تقرب مني الراجل ياخذ ليهو سنده وإشر لي بي راسو ومن زعلتي من الباكستاني اقول ليهو بصوت عالي....
روح يا حمار.
اللولح راسو ايش هذا نفر مجنون !!!!!!!!!!!!
ياسر العيلفون .... نواصل
|
|
 
|
|
|
|
|
| العنوان |
الكاتب |
Date |
| ضحكات فنانيين... ياسر العيلفون نموذجا | عباس الدسيس | 07-03-13, 08:16 AM |
| Re: ضحكات فنانيين... ياسر العيلفون نموذجا | ياسر السر | 07-03-13, 08:35 AM |
| Re: ضحكات فنانيين... ياسر العيلفون نموذجا | درديري كباشي | 07-03-13, 08:53 AM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 09:15 AM |
 Re: ضحكات فنانيين... ياسر العيلفون نموذجا | أيمن الطيب | 07-03-13, 09:43 AM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 10:03 AM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 11:22 AM |
| Re: ضحكات فنانيين... ياسر العيلفون نموذجا | أيمن دياب | 07-03-13, 11:38 AM |
| Re: ضحكات فنانيين... ياسر العيلفون نموذجا | سليمان القرشي | 07-03-13, 12:12 PM |
| Re: ضحكات فنانيين... ياسر العيلفون نموذجا | ياسر السر | 07-03-13, 12:07 PM |
| Re: ضحكات فنانيين... ياسر العيلفون نموذجا | درديري كباشي | 07-03-13, 12:14 PM |
| Re: ضحكات فنانيين... ياسر العيلفون نموذجا | ياسر السر | 07-03-13, 12:28 PM |
| Re: ضحكات فنانيين... ياسر العيلفون نموذجا | ياسر السر | 07-03-13, 12:34 PM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 12:33 PM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 01:08 PM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 01:21 PM |
| Re: ضحكات فنانيين... ياسر العيلفون نموذجا | عباس الدسيس | 07-03-13, 01:34 PM |
| Re: ضحكات فنانيين... ياسر العيلفون نموذجا | عباس الدسيس | 07-04-13, 07:24 AM |
| Re: ضحكات فنانيين... ياسر العيلفون نموذجا | ياسر السر | 07-04-13, 10:50 AM |
| Re: ضحكات فنانيين... ياسر العيلفون نموذجا | ياسر السر | 07-06-13, 10:57 AM |
| Re: ضحكات فنانيين... ياسر العيلفون نموذجا | أيمن دياب | 07-06-13, 11:47 AM |
| Re: ضحكات فنانيين... ياسر العيلفون نموذجا | سليمان القرشي | 07-06-13, 01:54 PM |
|
| |
عباس الدسيس
فيس بوك
تويتر
انستقرام
يوتيوب
بنتيريست