|
يا ناذر ..ترباس بقى يشفط هواء
|
إستمعت قبل ايام قليلة لتسجيل حديث للفنان الضخم كمال ترباس على قناة النيل الازرق
فاقتنعت تماماً انو بقى (يشفط هواء)..
فهل هو الارهاق ام الاستهلاك ام عيب ما؟؟
|
|
|
|
|
|
|
|
Re: يا ناذر ..ترباس بقى يشفط هواء (Re: محمد فضل الله المكى)
|
سلام ياسر ...
Quote: يا ناذر ..ترباس بقى يشفط هواء |
دي حقيقة وصارت واضحة للمستمع ..
ودا بسبب الأرهاق الشديد .. ترباس بيغني غناء متواصل ومطلوب بشدة في كل الحفلات العامة والخاصة .. ورغم انو بيسافر برة السودان كتير للراحة والاستجمام لكن من الواضح بيعاني من ارهاق ..
ويا ريت لو عمل حسابو لأنو حنجرتو لسع يرجى منها الكثير ..
تسلم ..
| |
|
|
|
|
|
|
Re: يا ناذر ..ترباس بقى يشفط هواء (Re: عماد الشبلي)
|
سلامات أخ ياسر FITNESS IS IMPORTANT وكمان أهم من سك العدادات وأهم من قروش الدنيا والعالمين قالوا يا ناذر وزن الزول مربوط بي صوتو كان زيادة وكان نقيصة .. يعني الفنان لابد يحافظ علي وزنو ويتريض يوماتي . الفنان السوداني أكسل فنان في العالم ياناذر ودي حقيقة عليك الله شوف بيونسي دي عاملة كيف . وتعال شوف ففتي سنت يدق حلة كاملة والمرحوم توباك وعاين لي أشر بجري كيف . الراحة ما بتفيد الزول . والله يا ناذر كنت متمني عمك السر قدور يوم وأحد في برنامجو يتكلم عن علاقة التمارين الرياضية بالصوت . نضمت مع أبوعركي في الموضوع ده . ومع الموسيقار محمدية ما أنو محمدية عارف أهمية الرياضة وكان مهاجم كويس . ترباس ربنا يديه العافية حقو يحافظ علي صوتو الدهب وحقو يبعد شوية عن شية الجمر والاكل السوداني السمح المشتهنو . لكم التحية
| |
|
|
|
|
|
|
Re: يا ناذر ..ترباس بقى يشفط هواء (Re: ناذر محمد الخليفة)
|
شكراً لكم على المداخلات الرائعة
ترباس من الاصوات القوية
وكثيراً ما اشبهه بالراحلين ابراهيم الكاشف و عبدالعزيز محمد داؤود
ليس من ناحية الحنجرة والصوت
ولكن من ناحية القدرة على التطريب
فهم يستطيعون الاداء
بالعود
بالرق
بالاوركسترا
بالكبريتة
بنفس المستوى
| |
|
|
|
|
|
|
Re: يا ناذر ..ترباس بقى يشفط هواء (Re: ياسر منصور عثمان)
|
طبعاً خال كلامكم ما صاح لو بتتكلم عن اللقطة الي شوفتها وقاصدا انا .. اللي هي تسجيل في قناة النيل الأزرق..بس ما حديثة للدرجة دي اتوقع إنها تسجيل كان أقل شي قبل تلاتة سنوات ..انا كنت بحضر في الحلقة دي لايف وفعلاً ترباس جرّ هوا تقيييل كمان ووقف الأغنية وإعتذر ووقتها علل الموضوع بالإرهاق وبدا حزييين جداً لأنو كا حاسي إنها أوول مرة تحصل ليهو .. ما عارفك قاصد نفس الحتة الانا قاصدا دي ولا انت شوفت تسجيل تاني أكتر حداثة .. لأنو انا بعدها ما شوفت ترباس بيشفط هوا في أكتر من عشرين تسجيل من حفلات وبرامج وكان ترباس هو ترباس.. مشكلة ترباس الوحيييدة تكمن في إنو ترباس من الأصوات اللي ممكن يظهر عليها الاعياء بسهووولة لأنو بيغني بي طريقة حساااسة وخروج الصوت من بطنو أو حنجرتو بيطلع بي طريقة بتخلي أققققل حشرجة في الصوت تظهر لأنو بيغني في مستوى صعب وصعب جدددا.. قصة اوزن دي صاح مشكلة لكن ما للدرجة دي لأنو في ناس سمينين خلقة ومهما حاولوا يظل جسمهم دهني.. نبيل شعيل أجمل فترات غناءه لمنكان سمييين . حسين جسمي أحلى صوت طلعو لمن كا سمين .. أم كلثوم لدي ما ماتت سمينة .. ترباس دهب والدهب لا يصدأ ..وترباس واحد من الفنانين اللي لو شعر بي إنو جرّ هوا فطوااالي ح يبطل الغنا .. ترباس ما زي فنانين كتااار جات سيرتهم في بوست ناذر ح يصر يغني لو شاخ صوتو ..
تخرية : عليك الله يا خال شوفت ترباس ده لمن يدي ليك العباية جرّة لي قدام كده بي يدينو الإتنين وهو زاتو يطلع من الكرسي قدام كده في جلسة بالعود يكون حضورها حسين خوجلي ؟
| |
|
|
|
|
|
|
Re: يا ناذر ..ترباس بقى يشفط هواء (Re: ياسر منصور عثمان)
|
لالا خلاس كان خمسة شهور :) :) هي لكن يا خال اذا كان عباس العامل فيها أربعيني ده جرّ هوا وجابت ليها دجاج منزوع الجلد وخالي عظم تبقى على ترباس المسكييين ده؟؟ تخريمة : أسة باقي ليك جدو سيف سعيد ما بيكون حضر سماية ترباس؟
| |
|
|
|
|
|
|
Re: يا ناذر ..ترباس بقى يشفط هواء (Re: د.محمد حسن)
|
شكرا سلمى سلامة :
Quote: رباس غير معنى بعامل الزمن فهو لم يعد ابن العشرينات الذى بدا الغناء فى الستينات من القرن الماضى ولم يعد الاربعينى ولا الخمسينى لذلك اتمنى ان يعمل تمارين للصوت فالصوت كما قال شيخى وحبيبى وردى يحتاج الى دوزنة حسب عمر الفنان |
| |
|
|
|
|
|
|
|