عاجل جدا. . لقد تم القبض علي المجرمين الجاز وكرتي ومصطفي عثمان!!

Quote: اعتقد انو من الافضل انو تكون في حكومة ظل جاهزة ومرتبة امورها ..اصلا لو في معارضة رشيدة كانت وضعت على الاقل ترتيبات لشكل الاوضاع في حالة سقوط النظام الساقط خلاقة.. المحاكمات دي مسالة هامة بس لاحقة..بدون احساس بانو في بديل ولو بديل مهلهل لمنع الفوضى وحركات الكجر بتكون احلام ساي.. يجب انو تكون في رؤيا ولو حتى اعلامية ساي حول تشكيل اربعة وزرات على الاقل.. ذكر تفاصيل جرائم الكيزان مسالة غاية في الاهمية.. لقد طال بهم الزمن حتى زار الشهود المقابر.. حقو ذي ماقتا الناس دي تمشي تعمل اقرارات قضائية وشهادات جماعية امام عدول مشهود لهم بالنزاهة وهم كثر في السودان ولايختلف حولهم إلا مكابر.. دي اشياء قد لاتشكل ادلة وبينات قاطعة بيد انها بينات ظرفية قد تساعد كثيرا- في ظل الوضع المزري العام-في انها تدين الكيزان.. فكرة المحاكم السايبر دي برضو ممتازة ..يجو الناس يتلمو هنا وتقوم اتهامات مناسبة -وما اكثرها- يتم النظر في مدى مقبوليتها، وتقدم ادلة مادية مناسبة ايضا- وما اكثرها، ويتم النظر في مدى قبولها.. ويتم الجدل فيها بصورة موضوعية من قبل خلق الله، في نهاية الامر يتم تثبيت الجرائم وتترك العقوبات ليوم الركب العظيم.. طبعا هذه الاشياء تتم بي اتفاق مع صاحب المنبر لمنع الفوضى الاسفيرية والعولقة.. والمنبر دون شك يعج بقانويين مقتدرين قادرين على ادارة هذه المحاكمات السايبر بصورة ممكن تعين كتير في اي محاكمة حقيقة قد ُتشكل في المستقبل، سيما وان المنبر ده عادي ممكن تعرض فيهو مستندات ووثائق ويعتد بها في محاكم خلق الله متى ما تم اثبات عدم تلتيقها.. بالعدم ياهباني،ولو قصة المحاكات دي ماجايبة حقها.. اقترح ان يتم فتح بوست منفصل لي كل مسؤول في في هذه الحكومة ويتم ردم البوست بي اسم وعنوان وتاريخ ميلاد والمهنة وتاريخو السياسي ومن ثم كل شركاتو واعمالو المشبوهة الاراضي ....الخ...ويتم بالطبع التمحيص حول دقة المعلومات المقدمة حول كل عمل مشبوه، والناس تردمو وثايق على قدر قدرتها..بعدين وبصورة موضوعية الواحد ممكن يفرز الغث من ثمين الورق والافادات..في نهاية البوست اكيد حيكون عندنا حاجات لاتقبل اي دحض ولايكذبها الواقع وحاجات اخرى كاذبة وحاجات بين هذه وتلك تترك الى حين اشعار اخر.. العالم البتقرا دي دي عارفة كتير ومالاقية فرقة تقول.. ده غير انو هم ذاتم انو باسهم بينهم شديد..وفتاتين وبحفروا لي بعض حفر من لايخاف الدفن.. وذي ماشايف الصراع في الاتهم الاعلامية بين وزرائهم يشتد يوما اثر يوم.. تخليهم يرجفو في محلاتم، والنعمة البين يديهم مسيخة ..وتخلي اولاد السودان يعرفو حقهم وصل وين..

(عدل بواسطة هشام هباني on 06-02-2013, 02:59 PM)
(عدل بواسطة هشام هباني on 06-02-2013, 03:05 PM)