|
Re: الزول ده كعب (Re: أيمن محمود)
|
زي البساتم ما شاء الله ، واحدة طالعة وواحدة نازلة ؛ واحدة نازلة والتانية طالعة ؛ توب الربط يااا الله تامي ! يتزلق بيجاجي وبيجاي ، وهي تشيل وتصلح في ، صوت شبشبا مطقم مع البساتم ، طق .. طق ،،، طق .. طق عم حسين فقد الزُمام – كل عين بارتلها بستم ! عين طالعة وعين نازلة .... والعينين طايرات! والخشيم ماشي وين ؟- اللهُ اعلم؟! - ده شنو ياشايب يا عايب ؛ امورك دي اصلو ما بتخلها ؟!! بسم الله - لاحول ولاقوة الا بالله - في شنو يا مرا ؟ - في شنو ؟!!! الباقي لى تقوم وراها عديل !! ،،،، الا قول لي وينو الحيل البشيل؟! – بارك الله في العكاز هاي يا بنات امي !الليلة عاد وين نودي وشي انا من نسوان الحلة ديل؟! كل يوم جارى كرسيك ...لا مريح كبيرة لا صغيرة ،، استغفر الله! عم حسين - ياولية مالك ؟ ..... مالك ؟ ......وكت خلينا ليكي البيت جوه – جايا لاحقانا في شارع الله ده؟! هاي ياراجل هوي – البتسوي فيهو ده عيب - عيب والله – شوف القدرك بسوو متل البتسوي فيهو ده ؟! عم حسين - استغفرو الله – سوينا شنو هسا ؟ في الشارع ده ما نقعد ؟! - هوي ياراجل! ... شوفلك شغله اقضاها – اخير من قعاد الشارع ده - النريحك الشارع ده ذاتو خليتو ليك - ما شي على عوض الكريم – النرتاح منك شويه - عوض هو كمان مازيك كدي – من المسكينة الله رحما ... جر كرسيهو ...التقول ما صدق ،،، والله انتو الرجال ديل ما عندكم عشرة ، عليك الله شايب زي ده البودي يكوس للعرس تاني شنو ؟! عم حسين - عرس ؟! عرس شنو؟! هو قال دار يعرس ؟! - انت ما حدثوك ؟! قالو بقول داير حليمة – حليمة طليقة مختار! ... عليك الله شوف الراجل الما بخجل ده !! عم حسين - هوي ياوليه هوي الكلام ده جيبتي من وين ؟! عوض ده اول البارحه كنت معاو – ما جاب لى سيره ! - هاي يا الغبيان الحلة كلها عارفه - امكن شان صدتو! عم حسين – صدتو ؟!! وصدتو في شان شنو؟ - قالت كبير! - هي هي ، والله يا عوض تراك طلعت ماك هين ! – عليك الله شوف المرة دي – وكت لقتلها راجل يسترها – تقوم ترفض ؟! - وكُبرو شنو عوض ده ؟! ما هو قدرنا كدي؟!!!
|
|
|
|
|
|
|
العنوان |
الكاتب |
Date |
الزول ده كعب | أيمن محمود | 01-21-13, 07:58 PM |
Re: الزول ده كعب | محمد البشرى الخضر | 01-21-13, 09:26 PM |
Re: الزول ده كعب | امير طمبل | 01-21-13, 09:40 PM |
Re: الزول ده كعب | محمد يوسف طه | 01-21-13, 09:45 PM |
Re: الزول ده كعب | أيمن محمود | 01-21-13, 10:55 PM |
Re: الزول ده كعب | أيمن محمود | 01-21-13, 11:46 PM |
Re: الزول ده كعب | د.نجاة محمود | 01-22-13, 02:00 AM |
Re: الزول ده كعب | سلمى الشيخ سلامة | 01-22-13, 02:30 AM |
Re: الزول ده كعب | عبيد الطيب | 01-22-13, 05:33 AM |
Re: الزول ده كعب | omer osman | 01-22-13, 06:55 AM |
Re: الزول ده كعب | Amin Tayson | 01-22-13, 08:26 AM |
Re: الزول ده كعب | وضاح عبدالرحمن جابر | 01-22-13, 08:41 AM |
Re: الزول ده كعب | وضاح عبدالرحمن جابر | 01-22-13, 08:42 AM |
Re: الزول ده كعب | رانيه محمد الشيخ | 01-22-13, 08:55 AM |
Re: الزول ده كعب | بدرالدين الطائف | 01-22-13, 09:14 AM |
Re: الزول ده كعب | الصادق عز الدين | 01-22-13, 09:19 AM |
Re: الزول ده كعب | أيمن محمود | 01-22-13, 01:09 PM |
Re: الزول ده كعب | عبدالرحمن أحمد السعادة | 01-22-13, 03:09 PM |
Re: الزول ده كعب | أيمن محمود | 01-22-13, 07:29 PM |
Re: الزول ده كعب | عبيد الطيب | 01-22-13, 07:54 PM |
Re: الزول ده كعب | أحمد ابن عوف | 01-22-13, 08:06 PM |
Re: الزول ده كعب | عادل عبدالعزيز عبد الرحيم | 01-22-13, 08:13 PM |
Re: الزول ده كعب | هشام كمال عبادي | 01-22-13, 09:23 PM |
Re: الزول ده كعب | أيمن محمود | 01-23-13, 11:07 AM |
Re: الزول ده كعب | أيمن محمود | 01-23-13, 10:21 PM |
Re: الزول ده كعب | الشفيع وراق عبد الرحمن | 01-27-13, 09:02 PM |
Re: الزول ده كعب | أيمن محمود | 01-27-13, 11:53 PM |
Re: الزول ده كعب | أيمن محمود | 01-28-13, 01:03 PM |
Re: الزول ده كعب | محمد كابيلا | 01-28-13, 01:27 PM |
Re: الزول ده كعب | أيمن محمود | 01-28-13, 02:16 PM |
Re: الزول ده كعب | أيمن محمود | 02-02-13, 04:07 PM |
|
|
|