|
نحن افعلا شعب ساذج
|
ما دفعني لهذا القول هو الاحتفاليةالتي صاحبت افتتاح شارع النيل كل الحكومة وكل الاعلام وكل الهتيفة لمجرد اكتمال العمل في شارع !!!!! حكومة تبحث عن انجاز بعد خدمة 23 سنة ثانوي شخصي في المملكة منذ عام 96 وشهدت خلالها الكثر من الانجازات مثل كبري وادي لبن وهو كبري معلق في وادي بين جبلين مرورا بمدينة الملك فهد الطبية وجامعة الاميرة نورا اكبر جامعة نسائية في العالم طريق الملك عبدالله قمة في الجمال جامعة الملك عبدالله وغيرها وكل يوم هنالك انشاء وانجاز هذه الاشياء تمر عادي ترفع الاليات ويبدا المشروع في عمله الخدمي للجمهور دونما ضجة او جلبة او احتفالية وتوعد باعداء الثورة بعد نهاية العام المنصرم وجه خادم الحرمين رسالة شكر لوزير المالية ومسئول النقد في تنفيذ بنود الميزانية وقال في الكلمة ان هناك الكثير الذي يجب ان ينجز اما عندنا وزير المالية يعرض امام البرلمان ميزانية فيها عجز اكثر من 40% ومع ذلك تجاز بالتصفيق والهتاف في عوارة اكتر من كدة؟
|
|
|
|
|
|
|
|
Re: نحن افعلا شعب ساذج (Re: د.محمد حسن)
|
نلم الناس ونعلن افتتاح اضخم سد ونهتف ضد الاعداء والخونة والوزير يعلن انه الكهرباء حتدخل كل بيت والناس تفرح تقوم الحكومة تزيد سعر الكهرباء والناس تقول ليه يجي الوزير في البرلمان يقول سعر الكهربا ارتفع عشان اسعار المحروقات ارتفعت الموية بقت محروقات؟
| |
|
|
|
|
|
|
Re: نحن افعلا شعب ساذج (Re: د.محمد حسن)
|
شن جاب لي جاب دولة تنتج 20 مليون برميل في اليوم ودولة تنتج 200 الف برميل في اليوم
الفرق بيقع بين الخمسة اصفار الدسيتها دي يا دوك
صباحك خير وجمعتك مباركة
ات عارف الجماعة ديل ما بيدوروا الزحمة كان معاهم كان ما معاهم
| |
|
|
|
|
|
|
Re: نحن افعلا شعب ساذج (Re: كمال سالم)
|
نحنا عندنا موارد لو بطّلوا عوارة واستغلوها عوائدها تدر ما يدر النفط واكثر امورنا ماشة بالبركة دون تخطيط ... مع الفلس الضارب الدولة والشعب عندنا لازم تكون في توصية قوية بزيادة المساحات المخصصة لحبيبي مفلس في المرافق التي اكتمل بها العمل مؤخرا في شارع النيل اجعص واحد من الطابق ليهو واحدة ما فيهو حيل غير يدفع حق الشاي من ستات الشاي وظاهرة الخلطدي الغريبة ما استشرت بالشكل دا غير في عهد الحكومة الرسالية ... حقو يقلبوا شعار المؤتمر الوطني لكيوبيد
| |
|
|
|
|
|
|
Re: نحن افعلا شعب ساذج (Re: مهدي صلاح)
|
Quote: نحنا عندنا موارد لو بطّلوا عوارة واستغلوها عوائدها تدر ما يدر النفط واكثر |
يبطلو شنو هم فاضين من الكضب السيد الدكتور المعتصم ( طبعا ده فريد عصره ) مرة في لقاء تلفزيوني وعامل فيها بحفز في الشباب ايام طفرة النفط الكاذبة قال ( نحن عايزين الشباب يمشي الارياف .. كل واحد يتزوج بت ويمشوا يزرعو يلقو هنا الخير .. يلقو الخداير قايم .. والبترول قايم .....) الله يرحم القذافي
| |
|
|
|
|
|
|
Re: نحن افعلا شعب ساذج (Re: كمال سالم)
|
Quote: زى عبد الرحيم محمد حسين ده يقرر فى مصايرنا ومعايشنا وحياتنا ؟؟!! |
طيب رايك شنو في وزير التكنولوجيا القال الحمدلله نحن اكتفينا ذاتيا من مادة السليكا والسيليكا يا حبيبي هي الرمال ومازال الزحف الصحراوي يتمدد
| |
|
|
|
|
|
|
Re: نحن افعلا شعب ساذج (Re: الشفيع وراق عبد الرحمن)
|
Quote: الفرق بيقع بين الخمسة اصفار الدسيتها دي يا دوك |
اها شوفو زي كلام اخونا الشفيع وراق ده انا بتكلم عن شنو وهو بتكلم عن شنو القصة يا شوش الاحتفالية في عدم الانجاز وعدم الاحتفالية في الانجاز ما عندها اي علاقة بالاصفار طيب خليك معانا وما تغير المحطة وادينا رايك فيما يلي
يخاطب النائبي الاول لرئيس الجمهورية المجلس الوطني ( البرلمان) ويقول انهم بددوا اموال البترول في البذخ السياسي فتضج قاعة المجلس بالتصفيق واتكبير والتهليل ما في راجل قال ليه مفروض تقدم لمحاسبة
| |
|
|
|
|
|
|
Re: نحن افعلا شعب ساذج (Re: د.محمد حسن)
|
Quote: وزير المالية يعرض امام البرلمان ميزانية فيها عجز اكثر من 40% ومع ذلك تجاز بالتصفيق والهتاف في عوارة اكتر من كدة؟ |
ما في والله ...
تحياتي يا دكتور ...
| |
|
|
|
|
|
|
Re: نحن افعلا شعب ساذج (Re: د.محمد حسن)
|
الاخ محمد الحسن وضيوفه الكرام معذرة اخي حقيقة سذج ناس الحكومة الشعب السوداني ابتلى بهم عاجلا ام اجلا سوف يذهبون احد الاصدقاء وهو استاذ في جامعة كردفان بالابيض بيحكي انه فى بدايات الانقاذ افتتح احد ولاةالابيض دبلوسيهات عامة فى السوق وبعد ان قص الوالي الشريط اخذ الرهط المصاحب له بالتكبير والتهليل هل هذا شغل ناس اصحاء عقول
معذرة نسيت التحية بالبداية تحياتى لكم جميعا
| |
|
|
|
|
|
|
|