بورداب على منصة الخدمة الوطنية في الخرطوم

Quote: بالنسبة للمتحدثين في الندوة فدكتور معتصم رجل مذهل اكاديميا .. ياخ الزول ده بيفصل النقطة الواحدة لعشرة نقاط بهدوء من راسو بدون ما يبلع ريقو .. رجل مخيف اكاديميا.. شخصيا لو قالوا لي ناقشوا في نقاطو العلمية لجبنت .. اساسا ما بتلقى فرقة فيها غير انك تتلقاها باحترام و تقدير .. لكن بس موقفو من الواقع كان غريب و يدل على غلبة الاكاديميات .. يعني لما يصر انو مافي شي يخوفك و يخليك ما تكتب باسمك الاصلي و لازم تكون شجاع ده مش عدم تقدير للواقع ؟ حتى مؤيدوا النظام يقدرون ان للمعارض الف سبب يجعله يخشى على نفسه من البطشة الامنية. لما يتكلم عن سودانيز اون لاين انها محتاجه مراجعة في اخبارا من ادارة الموقع مش معناها معتقد انو في مركزية خبرية في الموقع ؟ دي الحاجات الانا اخدتها على كلامو.