من صغيرتي نبأ ... لخالو محمد حامد جمعة

Quote: ما يحدث فى دارفور لا تظن اننى ارضى عنه واريده لاهل دارفور او غيرهم من البشر .. ابدا .. لكن ودعنا نتحاور بشى وقدر من الموضوعية و(ربنا يسالك ) لو ان سائلا امينا استفسرك عن حجم الاذى الذى اوقعه فلان وفلان من الناشطين بقضية دارفور على القضية - وهى عادلة - من فاجر قول وشنيع عمل وسلوك وخراب مقارنة بما فعله (محمد حامد ) يا السنوسى ارجو ان تكون واثقا ان ما يسمى بثورة من اجل دارفور وانسانها لم يكن اصلا كذلك ، وقع انتحال للقضية وتزوير فى الناطقين باسمها ، صارت (جواد ) مركوب (عرى ) بلا (سرج ) او (بديد ) وكل من يملك طاقة للمغامرة قفز اليها .. والمحصلة الاخيرة كما ترى ونرى الان ، البلد خربت ، اخير وافضل حالها الزمان ، الزول من الناس بيكون فيها عندو (جبراكة ) وغنامية وبقرة وعايش حامد شاكر ، هسة الغنى منهم البيكون عندو (شوال خيش ) يربطو فوق (شعبيتن ) عشان يقى بيها نفسو من الشمس فى معسكر نزوح .. دا كلو عشان شنو ، عشان كل (تلاتين نفر ) يجو الخرطوم ويبقو وزراء ونواب وسفراء وباقى الناس الله معاها يروحو فى ستين !!! السنوسى .. انا لا انظر لكل ابناء دارفور المخالفين لى كعملاء وانت كنت املك الادلة والوثائق على احتيال البعض بالازمة وعمالتهم بها لكننى لم ولن اتفوه ضدهم بشى والله والتاريخ وضمائرهم حسيبتهم لكن مع ذلك فما عندى من نقد ساقوله وما لدى من تصويب ساصدع به فان كان البعض منهم - وتمنى الا تكون انت منهم - يرى ان قولى هذا فى اطار (الجرقسة ) وانه دعم للعرب العاربة والجلابة فى الشمال فذاك شانهم وايم والله فان هذا (الشمال ) بمواطنيه وانسانه البسيط يعيش فى اوضاع تستدعى حمل السلاح حد الفناء لكنه يؤثر تقديم دفع الضر على المنفعة ولهذا لم يقدم اى من ثائريه ومعارضيه على جعل مقام اهله ساحة ومعترك لا كاسب منها الا الشيطان وطموحات النفس والمكاسب الشخصية