|
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة (Re: Amin Salim)
|
يا أساسي ...
Quote: بل تبارك جافى الذوق وكان اشترا في بوسته ذاك , وان اعلن عظمة الفقد , الا انه لم يحترم حزن الاخوة في اليسار , نقد حتي اللحظة لم يقبر ويواري الثري ولحظة اعلان وفاته اتي ببوست غريب , بوسته كان غريبا علي الزمان و اللحظة التي اختار انزاله فيها غريبا علي القيم والاعراف التي تعارفنا عليها والتي تميزنا كشعب ما يزال يحاول التمسك بباقي خلق اورثناه وبدأ في الاندثار , وكاني به جاء في سرادق عزاء الشيوعين بفقدهم ونصب مايكرفوانات وبدأ في التندر علي مؤتمر الحزب الخامس الناس يلفها الحزن ويعتريها الاسي وعيونها ملأ بالدمع وهو يتندر عليهم ويناقشهم في امر حزب ليس حزبه في النهاية , اتدري لما !! لان تبارك كان محركه الشماتة وقد صرح بذلك في بوسته لذا كان فعله يلفه البؤس من كل جانب فكلمة شماتة التي صرح بها كان حفية بان تضرب كل فعله في مقتل والنية السيئة تحيق بصاحبها كما نعلم لذا وجد تبارك ما يستحق من زجر وتقريع يستحقه , ليس هذا وحسب بل بعد كل الاصوات المستنكرة فعلته كان تبارك يكابر ويسدر في غيه , وان عاد وطلب من بكري حذف البوست لان اخوه قال ليهو دا ما وقتو !! طيب ما الناس كلها قالت ليهو دا ما وقته الا انه كان مصر علي الاستمرار والزج بالاخوة الشيوعين بالقوة في حوار ابتر لا طائل من ورائه ولا فائدة مرجوة من بوسته اصلا الا انه لو ما كلمه اخوه ما كان حيقيف بل كان استمرأ وزاد الطيب بلة , عشان كدا ليهم حق يقولوا عليه ما قالوا او كمان تاني ما يكتب حاجة في البورد الا بصحبة ولي امره او اخوه الكبير فيبدو ان اهليته من خلال ذلك البوست محل نظر خاصة بعد استجابته لولي امره . |
وطن مالك زمام امرو ومتوسد لهب جمرو وطن حدادي مدادي وما بنبنيهو فرادي ولا بالضجة في الرادي ولا الخطب الحماسية
تبارك - للأسف - ما عندو ولي أمر ... ومالك زمام امرو بالكامل ... لاكين في حاجات اسمها الخاطر والعشم والاحترام ... شكلها ما مرت عليك ... ياخي قبل كدا جيت السودان شايل واين ومسكوهو منّي في المطار ... العقيد لى التعتّرو قال ليّ "الشريعة الاسلامية" ... مرقت ليهو الفتوى بتاعة ابوحنيفة النعمان التي تحلل النبيذ وتحرّم الخمر ... نكر ... قال ليّ "نحن ما شغالين بالشريعة؛ نحن شغالين بى قوانين الدولة!" ... قلت ليهو طيب بى قوانين الدولة العمل شنو؟ قال ليّ نبدد الخمر ونخليك تمشي ... قلت ليهو انا ما بديكم الواين بتاعي بى اخوي واخوك ... دا واين محترم وغالي وجاني هدية ولو ما كدا انا ما النوع البيشرب واين زاتو ... لو صادرتوهو تدّوني إيصال بى انكم صادرتو منّي قزازة واين عشان انا اتابع الموضوع بالطرق القانونية ... قال ليّ بالطرق القانونية نحن ما عندنا إيصال مصادرة ... نحن عندنا بلاغ حيازة ... قلت ليهو جداً افتح بلاغ حيازة ... انا الواين دا عارفو جا من دكان مملوك ويدار بواسطة حكومة ولاية فرجينيا ... وممكن اجيب إيصال الشراء انو تمت "حيازتو" بطريقة مشروعة وقانونية ... قال ليّ لو فتحنا ليك البلاغ مفروض نلقي القبض عليك ... قلت ليهو ليه؟ مش بى البلاغ بمشي محكمة وبقيف قدام قاضي؟ انا لا منكر لا هارب لا خطر على الأمن والسلامة تقبضوني ليه؟ قال ليّ الإجراءات الجنائية كدا ... عندك زول يستقبلك؟ قلت ليهو آآآي .. مشيت جبت همرور دا ظاااطو - ولي أمري - كان راجيني في الصالة ... لامن فهم الموضوع قال ليّ انسى القصة دي شيل عفشك وورح ... العقيد قال ليّ "نحن قبيل قلنا ليك الكلام دا" ... قلت ليهو "لاكين انت ما اخوي! ... انت البوليس!" ... قعد يضحك ... راجل لطيف خالص قال ليّ أصلاً البلاغ كان حا يكون اجرائي لأنو قابضنك في منفذ دخول ... يعني تهمة الحيازة حا تسقط لاكين القاضي حا يحكم بالمصادرة بأي حال من الأحوال ... الأمور الرسمية رسمية يا أساسي ... والخوة خوة ... مرقنا من المطار اول حاجة لقيت النادي الكاثوليكي فيهو جامع اخدر ... سألت همرور طوالي: "ودا المسجد الكاثوليكي؟" ... طلع دا دار المؤتمر الوطني ... طوالي عرفت انو قرار انسى واتخارج دا كان قرار حكيم جداً جداً ... خصوصاً لامن اكتشفت لاحقاً انو الجوامع كلها بقت خدرا ... واتحسرت على الجوامع الاتبنت دانقيل ....
أها باقي الطبّيظ الفي المداخلة ما بسألك منو .... ليهم حق يقولوا عليّ بتاع بنقو يا أساسي؟ اصلو الحق دا كم هو؟
... المهم ....
|
|
|
|
|
|
|
العنوان |
الكاتب |
Date |
تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة! | محمد يوسف الزين | 03-23-12, 01:05 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 01:19 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | علاء الدين يوسف علي محمد | 03-23-12, 01:26 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 01:33 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 01:28 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 01:40 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 01:46 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | على محمد الخير | 03-23-12, 03:25 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | عبدالله احيمر | 03-23-12, 04:01 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | طلحة عبدالله | 03-23-12, 04:26 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 05:34 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 05:32 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 05:27 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | عوض محمد احمد | 03-23-12, 06:14 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-23-12, 07:24 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-24-12, 09:58 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | اساسي | 03-24-12, 11:56 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | Amin Salim | 03-24-12, 01:21 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | تبارك شيخ الدين جبريل | 03-25-12, 01:26 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | farda | 03-25-12, 05:06 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | عماد موسى محمد | 03-25-12, 05:44 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | محمد يوسف الزين | 03-25-12, 07:50 AM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | تبارك شيخ الدين جبريل | 03-25-12, 04:04 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | د.نجاة محمود | 03-25-12, 06:26 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | تبارك شيخ الدين جبريل | 03-25-12, 10:19 PM |
Re: تبارك ترحّم على الفقيد وبـلّ الحزب فقالوا مخبول، ولكن للمنبر ذاكرة | دوت مجاك | 03-27-12, 05:26 PM |
|
|
|