يا(بشاشا) قال شرفاء النوبه كلمتهم بحقك عبد الغني بريش اللايمي يكتب...

Quote: هذه اسطوانة آخرى مشروخه لاكها لنا الشمالين هنا ,ان ابناء دارفور بالجبهه الاسلاميه اكبر نسبة من غيرهم,وبالرجوع لبرامج ساحات الفداء فقط نجد ان معظم الشهداء كانوا من الشمال ,ناس عبيد ختم وابو دجانه وغيرهم..كثر حتى تسمية الشوارع اغلبها باسم شهداء الشمال,فاما انه كان هنالك تميز عنصري ,ولمعوا شهداء الشمال مقابل التعتيم عى شهداء دارفور واما هي الحقيقه,ويبقى يا ويلنا مرة آخرى من الجلابه الذين حتى في اسلاميتهم ظلوا جلابه,وسنثبت في يساريتهم ايضا.[/ QUOTE] اولا ليست اسطوانه مشروخه كما قلتي لكنهاالحقيقه المره التي لا يمكن لكم ان تبلعوها ولذا يتم التهريج والكلام المجوبق واوف بوينت . اسه بريش قال الاتي Quote: فعندما يبحثون عن جنود للدفاع عن الوطن والسلطة يلجأوون الى الغرابة واهل الهامش عامة مستخدمين في ذلك الخطاب الممسوح بالدين لتحقيق هذا الغرض وانت قلتي الاتي Quote: ذه اسطوانة آخرى مشروخه لاكها لنا الشمالين هنا ,ان ابناء دارفور بالجبهه الاسلاميه اكبر نسبة من غيرهم,وبالرجوع لبرامج ساحات الفداء فقط نجد ان معظم الشهداء كانوا من الشمال ,ناس عبيد ختم وابو دجانه وغيرهم..كثر حتى تسمية الشوارع اغلبها باسم شهداء الشمال, كدي اتفقوا في الاول بعدين تعالوا عشان الزول يقدر يرد عليكم . بريش قال انهم يستغلون الغرابه و اهل الهامش وبما ان كلمه هامش هنا غير مضبوطه اظنه لا يقصد هامش المغضوب عليهم لكين بصدق وشفافيه تحسد عليها تراجي قالت ان معظم الشهداء او خسائر الحرب بتسميتي انا من الشماليين .ودي حرب الجبهجيه يا تراجي من مختلف اعراق السودان والانتلجنسيا الاسلاميه الدارفوريه جزء اصيل منها واسالي ناس بناني والشفيع احمد محمد ورئيس حركه العدل والمساواه المنشق ولا مخلوع مااعرف متي خرجوا من الانقاذ قبل ولا بعد ان طرد الترابي وماذا كان دورهم في حرب الجنوب ؟؟؟وبرضوديل الجلابه وحدهم من ضللواوغرروا بالبسطاء من ابناء الغرب والشمال والوسط والشرق لتحصدهم آله الحرب وهم مرتاحين . والنخبه الجبهجيه لودارفوريين او ا جلابه ما انتلجنسيا عاد كيف يحاربوا ويموتواعشان يسموا بيهم شوارع الخرطوم دي ماالرؤوس البتدبر لو في الخرطوم ولا تورنتو ووضاربين الراحات لو في الداخل ولا الخارج . شوارع شنو وازقه شنو وشجر شنو البيكفي يا تراجي لوجينا نطلق اسم كل فقيد في حروب الجبهجيه علي الشوارع والازقه. اسكتي خليها ربك وحده العالم بمن هلكوا في حرب لا ناقه لهم فيها ولا بعير . ابعدوا عن الخطاب العنصري ودعونا نفرز عدونا ونلم الشمل ونلملم جراحاتنا ونقيف في وجهه يدا واحده نحن معاكم في نفس الخندق Quote: لقد تعبنا من هذا التنميط السخيف,فليس كل زول لونه اسود هو من دارفور,فشكر لكم لانكم حسبتم معنا اهل جبال النوبه و الانقسنا وكل مستعدبي الشمال و الوسط انهم من دارفور,ويا بخت عبيد امريكا,لانهم بعد اقل من عشره سنوات اقامه فهم امريكان,وانتم استغليتم مسترقيكم ولعنتم ابو يوم زهرة شبابهم,ولازالوا وقت الحاره تلصقوهم فينا ,وهم يتلون اشعاركم ويكتبونها ويعزفوا طنبوركم افضل منكم,ويرقصون رقيصكم ويحبون اطعمتكم من قراصه لغيرها,ولكن ان صاروا جبهه اسلاميه او بتوع آمن نسبوا لدارفور, او الهامش وانكرتوهم اليس كذلك؟؟؟لهم الله. يا تراجي انا قبل كدامش قلت ليك انت متل الفيل في مخزن الخزف؟؟!! متل اجابتك الفوق دي تما ما بتوضح الصوره القلتها ليك . اولا انا لما قلت كدا بتكلم عن نخبه الانقاذ وهي اساسا نخبه الحركه الاسلاميه وضمواليها بارادتهم بعض العسكر لزوم الانقلاب والدبابه والبندقيه لكين يا ستي الكانوا بوجهوا في الدبابات وعلي ظهرها كادر الجبهه الاسلاميه بالمناسبه الناس دي بعضهم دفعتي عشان كدا بالله ماتغالطيني . والقال ليك منوانا يفرز الناس بالوانهم ولا سحناتهم لوكان اللون او السحنه معياري كان من باب اولي اقول ليك انت دخلك باهل دارفور شنو لانه انا اقرب اليهم شبها منك ؟ تراجي انت عايزاه نتكلم في الرق مرحب بيك وح تفجعي لوعرفت ان السلطان علي دينار كان يمتلك الرقيق ولو عرفتي انه الطوارق الافارقه لهم عبيد افارقه وامش اقري عن مملكه داهومي وهناك اثار باقيه االي يومناهذا ببنيين و وبتلقي تورست قايد بحكي ليك انه الطين كان يخلط بدم العبيد للبناء . والافارقه الذين تم بيعهم وترحيلهم عبر الاطلسي ما اظن الرجل الابيض دخل الاحراش عشان يلقي القبض عليهم كانوا بجيبوهم اهلهم الافارقه متلهم للسفن والما بتباع ليهم برموه في المحيط اقري يا تراجي عشان ما تجئ تقولي كلام ساكت . والرق عرفته كل الحضارات القديمه عشان كداالاديان لما جاءت واجهتها مؤسسته الرق القويه وما قدرت تبت فيه مثلما بتت بالتحريم القاطع في امور شخصيه كلعب الميسر و الخمر اواكل لحم الحنزير وايهماافظع في رائيك ؟؟؟ اترك الاجابه لذكائك . والعرب القالوا جاءوا باعدل الاديان لنا كي يخرجونا من الظلمات الي النور تمت اتفاقيه البقط الشهيره وفيها صفقه عبيد والعبيد ديل كانوا جدودي انا وبشاشا. وكل من امتلك سلطه في السودان مارس الرق ودي يمكن حكاوي شوقي بدري والناس في مناطق التماس يعلمون اكثر مني ومنك في امر استرقاق البشر للبشر.والسعوديه مهبط الوحي ومنبع الاسلام الغت الرق في الستينات من القرن الماض ي بضغوط من الدول الغربيه بينماالانجليزمنعواالرق في السودان في العشرينات من نفس القرن ولولا تقدم الغرب صناعيا لما تحرر افارقه امريكا الي الآن ولظلوا يزرعون القطن بالولايات الجنوبيه , و انت هناك اسالي لي لو في منهم اغلبيه مقدره قدرت تمتلك الاراضي الواسعه التي كانوا يفلحونها ؟؟ خلي اراضي الشمال السريحه الجنب النيل الاهلها فروا الي بقاع السودان الاخري طلبا للرزق لضيق الاراضي وعشان نشوف منواالافني زهره عمره وللان مهمش افارقه امريكا ولا عبيدالجلابه ؟؟ الحساب ماكوار يا تراجي . ما كل جلابي امتلك رقيقا الناس بتحاكم الاشياء بظروفهاالتاريخيه . الرق غير ممقبول ومن يمارسه يجب ان يقدم لساحه العداله ويقتص منه قصاصا عادلا وعاجلا . التحرش بقبائل الشمال محاكاه بالهلوكوست اندستري Holocaust industry شئ مؤسف للغايه وسينتج مزيدا من حمامات الدم وتفتيت وحده البلاد .والعدو مرتاح ويضحك سن سن . عارفه يا تراجي باقي كلامك بتاع انه عبيد الجلابه بقوا ملكيين اكتر من الملك يحسب لصالح الجلابه وليس عليهم ما قلت ليك بتجوطي ساكت . ابقي عافيه (عدل بواسطة doma on 02-27-2007, 11:15 AM) (عدل بواسطة doma on 02-27-2007, 07:12 PM)