|
براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006
|
كان بكري ابى ينقلو بننقلو برانا
Quote: ما قادر افهم شخص بدَّل جنسيته.. أو اقلها جاب ليها ضرة جنسية ثانية.. يدعي انه سودانيي أكثر من الجميع !!!! ما قادر افهم شخص شرد من حاكم ظالم وقام بنمرة أربعة خلى البلد .. وشتت مع أول كف أو علبة بنبان لبلاد طيرها عجم .. اختار الهروب .. ثم يدعي انه مناضل اكتر من القاعدين ومتحكرين في البلد .. رقم الضيق والضنك وظلم الحكام !!!!
استغرب زول مستمد شجاعته من جواز بلد تانية او من بعده المكاني عن المناطق الملتهبة ويقول انو مناضل و سوداني أكتر من كل الناس .. يكورك ويجعجع .. ووكت مفروض يدفع ضريبة النضال من ضرب او سجن او استنشاق بنبان .. يمرق الجواز الاخدر ولا الأحمر .. ويقول انا مواطن البلد الفلانية .. نادوا لي سفيري !!!! (زي الامنجي الشخصيته كلها في بطاقة الامنجية .. لو سحبوها منو بسحبوا معاها شخصيته)
النضال هنا .. في البلد دي
البائع المتجول.. الشايل مناديل ورق وحائم بيها في السوق العربي عز الهجير .. ويتجارى من الكشة ويزوزي عشان يمرق قوت يومه .. ده ياه المناضل ... موش زول مبرم شعره .. وضارب السقط .. مستني المنحة او المعونة حقت اللجوء .. ويومه كله قدام الكمبيوتر لأنه ما عنده شغله.. يجعجع ويتهم الناس بالعمالة ست الشاي البتولع نار كانونها الساعة خمسة صباحا .. وتطفيها الساعة 11 مسا .. دي هي المناضلة ... موش متحزقة .. وعاملة كيرلي .. حافظة ليها قصيدتين وبتتكلم لغات .. ويومها كله بين المكاتب والمنظمات تسترزق بقضية ست الشاي ديك
المشكلة ما في النضال زاته النضال ما خشم بيوت .. وكل زول بيدخل من خشم الباب البقدر يدخل بيه وبعرف ليه لكن المشكلة في انه... صاحبنا المبرم شعره وصاحبتنا المسرحة كيرلي .. بتهموا ست الشاي وبائع مناديل الورق بالعمالة والكوزنه ؟؟!! تتصوروا !!!
ليه ؟
عشان ست الشاي قدمت شاي مظبوط لي اتنين امنجية .. قعدوا في بنابرها وطلبوا شاي .. شربوه ودفعوا زيهم زي خلق الله
عشان بائع المناديل باع مناديل لي عسكري بوليس بالكاش .. والعسكري مسح وشه وعرقه بالمناديل الباعها ليه زولنا داك
بتهموهم بالعمالة عشان مشوا خطوتين في مسيرة جات مارة قدامهم .. وهتفوا مع الهاتفين تسقط .. تسقط .. Usa
ما عارف المزعلاهم المسيرة ولا سقوط Usa ولا مشيهم في المسيرة
وهم ما عارفين انو هتاف ست الشاي وبائع المناديل.. ودخولهم في نص مسيرة السائرين .. ترفيه ليس إلا
أي والله ترفيه نسبة كبيرة من الحايمين في المسيرات ديل .. حايمين ترفيه ليس إلا
دي بلد لا فيها هايد بارك .. ولا شانزليزية .. وبتقفل من الساعة سبعة مساء.. وأفضل وسيلة ترفيه فيها خيمة عزاء او زواج .. قطيعة وونسة كوره مشيهم في المسيره فرصة عشان يفرقوا عن أنفسهم ويكسروا روتينهم اليومي .. ست الشاي تقوم تاخد ليها خطوتين مع المسيرة .. اهو تحرك عضلات صلبها الخدرت من القعدة الطويلة في البمبر وسيد المناديل .. يغير نغمته البكورك بيها اليوم كله من .. منااااااديل .. منااااااديل .. لي تسقط تسقط Usa
المناضلين هنا في البلد دي .. بجنسياتهم السودانية الما غيروها .. ويمكن يكون حتى الآن ما تحصلوا على أوراقها الرسمية البتثبت سودانيتهم .. لضيق ذات اليد
غفير المستشفى .. رغم عنجهيته وصلفة وتخيله انه ماسك باب الجنة .. ياهو المناضل الدكتور البايت ورديته .. رغم قندفته و تشخيصه الغلط في مراة كثيرة ورشتاته البتصرف دواء فاسد من صيدليات فاسدة تابع لإدارة دواء فاسدة .. دي ياها قدرته وعرفته والمتاح ليه .. وهو ياه المناضل الموظف البركب الترحيل سبعة صباحا وبرجع أربعة عصر .. رغم كسيره للوكت وفطوره الساعة ونص... وبرقراطيته .. ياهو المناضل بت الجامعة القاعده داخلية .. وحايمة حوالينها شبهة أخلاق .. بتحاول تقراء وترفع من مستواها وتحسن وضعها الاجتماعي .. ياها المناضلة المدرسة البايره ست التوب الابيض والتبشير .. رغما عن عدم كفاءتها.. وعقدها النفسية السببها ليها المجتمع ده .. دي ياها قدرتها وإمكانياتها .. وهي المناضلة الحاجة والوالدة وست البيت القاعدة في البيت بتجهز في الغداء للبفتشوا في البستر الناس من العوز ... رغم القطيعة والنميمة مع الجارة .. هي المناضلة المهندسة الواقفة وسط دشليون عامل .. مركزين في وشها ونهديها اكتر من تركيزهم على ملاحظاتها المهنية المفيده.. واقفة عز الهجير ولفح الشمس رغم المجهود الوافر العملته هي والكريمات عشان ما ينضر وشها ويفتح ..... جابرها واجبها الاجتماعي والبيت الفاتحاه وبتصرف عليه .. وطموحها المهني المتمنياه لي روحها .. هي حقيقي المناضلة
كل من اتحكر في البلد دي .. بقدم مثقال ذرة من جهد .. في ضل وضع اجتماعي متردي وحكومة ظالمة .. وما شرد وشتت زي كتيرين .. هو المناضل المناضل ماهو البطالب بتغير حكومة من على البعد .. وعبر صفحات النت .. عشان تجي حكومة غيرها .. فقط المناضل الحقيقي هو البغير في واقع بلد .. بجهده وعرقه وتواجده .. واهما شي انو يسوي ده وهو حامل جنسية بلده ومعتز بيها .. لا بغيرها ولا بجيب ليها ضرة
يا مناضلي الجنسيات الأخرى
ما تتهموا الناس في وطنيتهم وأخر من يفعل ذلك .. أخر من يدعي الوطنية .. من يحمل جنسية غير جنسية وطنه .. وكل انتمائه لهذه البلد عبر اسلاك التلفونات وغرف الدردشة ومنتديات الحوار |
|
|
|
|
|
|
|
العنوان |
الكاتب |
Date |
براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Bakhaf | 12-25-06, 02:34 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Bakhaf | 12-25-06, 02:55 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Elawad Eltayeb | 12-25-06, 04:19 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Bakhaf | 12-27-06, 02:51 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | وليد محمد المبارك | 02-14-07, 10:55 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Muna Khugali | 02-15-07, 00:03 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | bayan | 02-15-07, 02:28 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Tragie Mustafa | 02-15-07, 02:32 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | bayan | 02-15-07, 02:45 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | عزالدين محمد عثمان | 02-15-07, 02:50 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | يسرى معتصم | 02-15-07, 04:48 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | bayan | 02-15-07, 05:26 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Mohamed Elnaem | 02-15-07, 07:37 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | وليد محمد المبارك | 02-15-07, 10:10 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | يسرى معتصم | 02-15-07, 01:38 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | bayan | 02-15-07, 06:54 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Bakhaf | 02-15-07, 08:11 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | وليد محمد المبارك | 02-15-07, 08:25 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | ناذر محمد الخليفة | 02-15-07, 03:03 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | ahmed babikir | 02-15-07, 09:15 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | Abdulgadir Dongos | 02-15-07, 09:35 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | eyes of liberty | 02-15-07, 09:45 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | ahmed babikir | 02-15-07, 10:19 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | وليد محمد المبارك | 02-15-07, 10:41 PM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | سيد أحمد خليفة | 02-16-07, 02:58 AM |
Re: براحة... وطولوا لينا بالكم (المناضلين السودانيين بجنسيات غير سودانية ) .. منقول من 2006 | وليد محمد المبارك | 02-16-07, 06:20 AM |
|
|
|