توت عنخ آمون مات بالملاريا

Quote: لكن يا حكيم هل يعني هذا ان الباحثين الاوروبيين و المصريين من خلفهم او امامهم يحاولون تزييف التاريخ لنفي الاصول السودانية للفراعنة ؟

Quote: ان ظهر ان للفراعنة اصول سودانية فماذا يحدث ؟ الحيتغير شنو ؟

تعرف يا حمور في التسعينيات ودولة التمكين في اوج مجدها جاء وفد
من المهتمين بالسياحة والاثار في المانيا الي السودان واتصلوا بالنوبيين
وطرحوا لهم فكرة التوسط لدي الحكومة لتحويل الافواج السياحية الالمانية
الي السودان وبرروا حديثهم بالاتي:
مشاكل السياحة في مصر مع موجة الارهاب السائدة وقتها
الاثار في مصر كلها موجودة علي السطح(اي تم اكتشافها)
بينما تعتبر المنطقة النوبية محتفظة بكل كنوزها في باطنها(بكرية)
مما يغري البعثات الاثرية للاهتمام بها واكتشاف علاقة الحضارة الكوشية
بالفرعونية..وووو
تحرك وفد من النادي النوبي لمقابلة السلطات...فكان الرد الاسلام يجب ما قبله

Quote: هل هذا سيصرف السياح عن مصر ؟

السياحة صناعة ونحن شعب لا نجيد صناعة السياحة
يعني مثلا الخواجات بيحبوا يشوفوا الرقصات البلدية
نحن ممكن نتعقد من حاجات زي دي ونقول بتي ما ممكن ترقص
قدام الرجال ووو..
اما التاريخ فواقع وتاريخنا مطمور في باطن الارض وتحت اعماق السد العالي
واخشي ان يغمر ما تبقي تحت سدي دال وكجبار..وربما هذا ايضا جزء من المخطط
فالاثارات تصنع السياحة وحتما الجديد يغري بالمشاهدة..واثارات مصر اصبحت
معروفة للجميع بينما الاثار في السودان ستكون خلاف ذلك
كده نرفع ليك صورة تحتمس عشان تشوف الواقع المر
الغريبة العقر من النساء بيتبركن بيهو وبيمشن يزورنه(مشكلة نون النسوة كبيرة
اقصد معاي انا كاعجمي)