تخيلوا بالله نحن ونحن ونحن ونحن بلا جنوبيين!!

Quote: يا هشام ما اختلفا فى لغة الموسيقى على الاطلاق .. ما سوف اكتبه هنا قد لا يستسيق للكثيرين لسبب بسيط جدا وهو فكرة المداراة اى القتقته .. يا هشام ده الوقت المناسب جدا لفتح الجرح وتنظيفه من كل الاوساخ .. الجنوبى فى الشمال مر بالكثير المؤلم جدا .. وفكرة استلابه وتعريبه غصبا عنه فكرة اصيلة جدا فى الثقافة العروبية السائدة فى السودان .. ونرجعك لورا شويه يا هبانى انت لما كنت فى السودان وفى مراحل عمرك المختلفة ما حصل ابدا قابلته (فريخ) صغيرونى كده بيكون شغال فى بيت من البيوت (اصدقا او معارف .. الخ) .. ما حصل سالت نفسك انو الشافع الجنوبى ده جا من وين ؟؟ ومشكلته شنو ؟؟ وليه ما بيمشى المدرسة زى باقى الاطفال فى سنو ؟؟ وليه شغال خدام فى البيت الفلانى ... الخ ... هل سالتك نفسك هذه الاسئلة يا هبانى ؟؟ متزكر يا هبانى فى فترة التمنينيات لما كان ضباط الجيش السودانى بيقدموا هدايا لاقربائهم (وليدات جانقى) لما يرجعوا من مناطق العمليات .. عارف كتير جدا من اولاد الجانقى ديل ياهم زى الشاب البغنى بالطنبور واخرين .. هم من اتحدث عنهم .. هم من تم مسخهم واسلمتهم الخ .. القصة ما قصة موسيقى .. والتغنى بغنا وثقافة مفروضه هذا ليس ابدع ولا فن هو كما تفضلت وزكرت طمس للهوية .. Quote: واميريكا التي نعيش فيها اعظم مثال لهذا التعايش الانساني العظيم بين كل الثقافات وهي تتعايش فيها كل اطياف التنوع الثقافي في العالم تقريبا بالسنة متنوعة ولكنها تعمل معا في سياق النسيج الامريكي الكبير ارميكت شنو يا هبانى خلى تراجى تحكى ليك عن مهرجانات الكاريبانا فى كندا .. خليها تحكى ليك انو كيف الناس بتحترم بعض وثقافة بعض ومعتقدات بعض .. ليس هنالك اى وجه شبه بما نعيشه نحن السود الغربا فى امريكا الشمالية .. ومانعيشه نحن السود السودانيين فى سودانا .. وزى ما قلت ليك يا عزيزى ده الوقت المناسب لفتح الجرح شارع