قريشن محبط مما رآه بدارفور ... و زعلان من أصدقائه بالخرطوم ..
.. .. كتب قريشن مخاطبا الناشطين و المهتمين بالشأن الدارفوري في أمريكا في رسالة إلكترونية و بعد عودته من زيارة النازحين بدارفور و نورد الجزء الآتي : I was discouraged to hear that many of the aid workers who had been promised complete freedom of movement and access by local government authorities, and agreement I helped to broker back in April, was not being fully respected. It’s unacceptable that this far into the crisis aid workers are still encountering the slightest resistance in carrying out their work. Regardless of the cause of this circumstance, I am pressing for its resolution at the highest levels. الترجمة: لقد أصبت بالإحباط لدي سماعي أن عددا من موظفي الإغاثة الذين وعدوا بالحرية التامة في التحرك من قبل السلطات المحلية و بمقتضي الإتفاقية التي ساعدت أنا في الوصول اليها في أبريل الماضي, أنها لم تراعي و تحترم . هذا غير مقبول و الأزمة في مراحلها المتقدمة أن موظفي الإغاثة يواجهون أي مقاومة و لو ضؤلت في سبيل القيام بأعمالهم. بصرف النظر عن أسباب هذه الظروف, فإنني ضاغط من أجل حلها و في أعلي المستويات. إنتهت ترجمة أعلاه. نعم ... بعد أن حاول قريشن إعادة إختراع العجلة .. إكتشف أنها قد أكتشفت قبله منذ آلاف السنين ... و إكتشف أنه كان ضحية التلاتة ورقات من قوم أجادوا الفهلوة و الغش و الخداع منذ بروز قطر يقال له السودان... لقد صدق قريشن الوعود الزائفة و الكاذبة .. التي سوقها له ناس لابسين قيافة و يتحدثون الإنجليزية بطلاقة .. و أولموا له دسم الطعام و قالوا له: عاد يا قريشن عاين وليداتنا البريئين ديل .. تفتكر نحن ممكن نأذي أولاد ناس آخرين في دارفور ؟؟ .. حرم تشيل ليك جغمة تانية من اللحمة دي .. نحن بنموت في الشعب الأمريكي .. و التاريخ الأمريكي .. و الملايات الامريكية ... و قال لهم قريشن : و اللاّهي الأكل بتا إنت يا سودانيين ... هلو كلاس ... أنا أخب السودان .. أنا أخب ناس السودان .. أنا ما فاخم ليه ناس في أمريكا تقول إنت ناس ما كويس .. آملين خاجات في دارفور ما كويس ... آملين خاجات في جنوب ما كويس ؟ و يأتيه الرد من صاحب الدار : آ يا خواجة هوي .. ديل ناس حاقدين علينا .. ديل حاسدين غرامنا .. ديل قاصدين خصامنا ... قريشن: أوكي .. أوكي .. بس إنت ليه تدردوا 13 منزمّة تسائد ناس دارفور التأبان؟ .. هسّا الناس في أمريكا جننوني و قال لازم تأمل تريقة مع هكومة بتاع إنت .... ناس في أمريكا قال ناس دارفور كلو بموت أشان إنت في كرتوم آمل خاجة ما كويس في دارفور .... أنا أخب سودان .. بس إنت لازم تسائد أنا ... أنا أخدت وزيفة دا من الرئيس الكبير بتاء أمريكا ... أنا لازم آآمل خاجة أشان لمّا أرجأ أمريكا أقول لناس بتاء ناستين .. أيوا .. ناشتين .. كلاس .. قريشن أمل إتفاقية مع هكومة بتاء إنت .. و خلاس هكومة بتاء إنت .. بتاء كرتوم .. راه يسائد ناس بتاء دارفور .. و كلاس .. ما راه يكون مشكلة في دارفور .. و .. قاطعه أحدهم يجلس علي كرسي وثير و مكوما كرشه أمامه كحية رقطاء مخاطبا الآخرين: يا جماعة قولوا للخواجة ده حاجة عشان يبطل الجرسة دي ؟؟ أوعدوه بأي شئ .. و إنبري أحدهم و في يده ملف مانيلا: أوكي يا الخواجة .. نحن ما حنرجع المنظمات الطردناها .. لكننا نوعدك حنقفل القاب ... و حنجيب منظمات وطنية تقضي الحاجة .. و نشيل الدولار بدل يشيلو الخواجة ... قريشن: هو الخواجا ده موش هو جاب دولار من بلد بتاء هو ؟ صاحب ملف مانيلا: معليش با الخواجة .. دي زلة لسان ... لكن العايز أقولو ‘نك ما تشيل هم خاآلص ... حنريحك تمام .. أقصد نحن حنريح ناس دارفور ديل تمام .. سمن و عسل و تورتة و لبن ... و حنخلي المعسكرات جنة عدن .... و ياما حتحكي لأوباما ... و تقول كلام كتير و ما تخلي شئ .. و حتسكت الخشامات و تنزل في الناشطين كي .. قريشن: كلام بتاء إنت كلام تمام ... .... و زار قريشن قبل أيام معسكرات النازحين .... و واجهه النازحين و بكل شجاعة و بكلمات لا تعرف اللف و الدوران ... أنه يقف مع المعتدي ضد الضحايا .. و قال له أحدهم في وجهه: إنت كدّاب .. ليه تقول الإغاثة رجعت ميّة الميّة ؟ و سأله أحدهم أين وعودك عن الأمن و السلام في المعسكرات؟ و سمع قريشن كيلا من الشكاوي .. و رأي أدلة ما سمع من شكاوي ... و أحس بوخزة مؤلمة في صدره .. وخزة ضمير .. و كيف ناس الخرطوم قد لعبوا به .... .. و رجع قريشن الي واشنطن ..... و لم يستطع أن ينام .... و أرسل رسالة أليكترونية الي النشطاء و المهتمين بالشأن الدارفوري و السوداني ... و ياما قال و ياما ... قال إنه محبط من عدم وفاء حكومة السودان بالإتفاق الذي أبرمه معهم بالخرطوم و وعدوه بسد الفجوة في الخدمات الإغاثية للنازحين ... و وعدوه بأن موظفي الإغاثة لهم مطلق الحرية في التحرك بدارفور ... و وعدوه أنهم سيوافقون علي المنظمات الجديدة ... و وعدوه .. و وعدوه .. و وعدوه ... و لم يدري قريشن أن محترفي الثلاث ورقات بشارع 42 بنيويورك هم أشرف مليون مرّة من عصابة الخرطوم ... لأن من يخدعك بلعبة الثلاث ورقات في مدينة مزدحمة فإنه يحتالك للحصول علي مالك .. أما عصابة الخرطوم فإنهم يسعون لأخذ روحك .... ديل كتالين كتلة ... هؤلاء قتلة ... يقتلون في رمضان و في صبيحة العيد نفس الناس الذين وعدوا المبعوث الأمريكي بأنهم سيحمونهم . الآن قريشن لم يعد يردد كلمات التودد بالسوداني: أنا أخب السودان .. الآن يردد أفحش الكلام بالأمريكاني .... و كلها تبدأ بحرف ال F ... و كلها موجهة لمن ظنهم أصدقائه الجدد ... و أفرد لهم يديه عارضا صداقته.. و نقول له .. يا قريشن ... و مع إعتذارنا للفنان محمد وردي: ضيعوك ... ودروك .... إنت ما بتعرف صليحك من عدوك و استغلو الطيبة في قلبك وبإسم ( التعاون) خدعوك ء (عدل بواسطة Mohamed Suleiman on 09-22-2009, 03:38 AM)

العنوان	الكاتب	Date
قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-22-09, 03:13 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-22-09, 03:16 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-22-09, 04:01 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-22-09, 04:15 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-22-09, 05:14 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-23-09, 03:51 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-23-09, 05:34 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-23-09, 11:06 PM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-23-09, 11:14 PM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-24-09, 05:36 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-24-09, 06:27 AM
Re: قريشن محبط مما رآه بدارفور ... و زعلان من أصدقائه بالخرطوم ..	Mohamed Suleiman	09-24-09, 06:34 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]