|
Re: اول تصريح للقائم بالاعمال الامريكي الجديد في الخرطوم ! (Re: tmbis)
|
كيفك يا تمبس
أولا : فرنانديز ده بتكلم عربي زي الطلقة ( ما تخاف .. قاصد زي العجب ) ... ده بيغالط مع ناس الجزيرة المابخلوك تتم كلمة و يقاطعوك مليون مرة و قبال تقول جملة بكل وقاحة يقطعوا صوتك و يقولوا ليك ( شكرا لقد وصلت الفكرة ) ... هي الفكرة من الحلقوم ما قامت تكون وصلت كيف ؟؟؟ ... أها فنانديز ده قدر و بالعربي يغالط زي ناس ( يا جماعة .. يا جماعة) فيصل القاسمي ( زول المديدة حرقتني .. يقول لأحد ضيوفه مشيرا للضيف الآخر : يا أخي هادا الزلمي قال فيك كيت و كيت و ما خلي فيك حاجة اها ردك شنو؟؟ .. و عندما يهيج الطرفان و يشتبكان ... يتدخل فيصل القاسمي و يقول .. يا جماعة... يا جماعة .. ما معقولة كده!! ) .. لو إنت يا تمبس منتظر وظيفة ترجمة ... حقك راح . ثانيا :
Quote: وبالمرة يديك بيت ناصية في كافــوري عشان يريحك من قلع بيوت الناس .. |
لا .. لا .. مافي داعي لقلع البيوت ... إنت ما سمعت ؟؟؟ قيمة العقارات في الخرطوم ستهبط بشدة ... بل ستنهار .... لأن أغلب الذين يملكون هذه العقارات هم تبع أجهزة الإنقاذ و المؤتمر الوطني ... و لقد تم رصد حراك شديد في هروب رساميل و بكميات كبيرة الي أوروبا و كندا و أمريكا الجنوبية و الشرق الأقصي و دبي ... أصلو الحكاية جات أخبار فوق فوق ( ما تحت تحت ... لأنو اوكامبو قاصد الناس اللي فوق ) أنو المسألة ما حتقيف علي أحمد هارون بس !!!! ثالثا : ( و ده شخصي شوية) ... منتظرك يا تمبس ترسل لي الألبوم الفيهو آخر موضات الحلاقة و فنون لقطات الصور الشخصية لزوم البروفايل ( و خاصة تلك اللفتات البارعة و فيها وجهك ميمم شطر بيت ما ... و تنظر بعيدا عن الكاميرا موحيا غرقك .. أقصد إستغراقك في تفكير عميق عن إشكالية الدولة السودانية و الخروج من سلبطة الحقارة الإمبريالية في عصر الهيمنة الأمريكية . آه .. قبل ما انسي .. ما تنسي الألبوم . . .
|
|
|
|
|
|
|
العنوان |
الكاتب |
Date |
اول تصريح للقائم بالاعمال الامريكي الجديد في الخرطوم ! | Faisal Al Zubeir | 06-07-07, 08:19 AM |
Re: اول تصريح للقائم بالاعمال الامريكي الجديد في الخرطوم ! | Mohamed Suleiman | 06-07-07, 08:30 AM |
Re: اول تصريح للقائم بالاعمال الامريكي الجديد في الخرطوم ! | tmbis | 06-07-07, 08:53 AM |
Re: اول تصريح للقائم بالاعمال الامريكي الجديد في الخرطوم ! | Faisal Al Zubeir | 06-07-07, 09:31 AM |
Re: اول تصريح للقائم بالاعمال الامريكي الجديد في الخرطوم ! | Faisal Al Zubeir | 06-07-07, 09:33 AM |
Re: اول تصريح للقائم بالاعمال الامريكي الجديد في الخرطوم ! | Mohamed Suleiman | 06-07-07, 09:43 AM |
Re: اول تصريح للقائم بالاعمال الامريكي الجديد في الخرطوم ! | Faisal Al Zubeir | 06-07-07, 09:55 AM |
Re: اول تصريح للقائم بالاعمال الامريكي الجديد في الخرطوم ! | tmbis | 06-07-07, 10:38 AM |
Re: اول تصريح للقائم بالاعمال الامريكي الجديد في الخرطوم ! | امير مصطفى احمد | 06-07-07, 10:09 AM |
Re: اول تصريح للقائم بالاعمال الامريكي الجديد في الخرطوم ! | Faisal Al Zubeir | 06-07-07, 10:19 AM |
Re: اول تصريح للقائم بالاعمال الامريكي الجديد في الخرطوم ! | عبد اللطيف بكري أحمد | 06-07-07, 10:51 AM |
Re: اول تصريح للقائم بالاعمال الامريكي الجديد في الخرطوم ! | القلب النابض | 06-09-07, 00:37 AM |
Re: اول تصريح للقائم بالاعمال الامريكي الجديد في الخرطوم ! | Mohamed Suleiman | 06-09-07, 02:00 AM |
|
|
|