جبتونا كيف .....؟

Quote: ام واصل سلامات يا ستنا .. انا لم اتطرق لامر انسحابكـ لانو فعلا فهمتو في اطارو و اظني حتي الان مُصر علي طرح النكات اعلاه و غيرها كمان لانو انا عارف انك فاهمه انو النكات دي نفسها هي محصله النشاط الانساني موضوع الحوار و عارف انكـ بتقرصي في اضاننا انا و السني اخوي و بتقولي لينا صلو علي النبي

فرضيتك بتاعة العواطف دى ياابو لقاء والخاصة باهلنا زمان ممكن تكون سليمة وممكن ماتكون حتة خلاف لكن الخلاف بيجى من كيفية التعبير عن المشاعر دى، ولو عبرت مشكلة ولو ماعبرت مشكلتين.. فى غياب ثقافة مؤسسة من المجتمع تراعى فيه الموروثات الثقافية للناس كلهم بيبقى باب التأويل مفتوح، وتبقى المرأة التى تعبر عن احتياجها او تبادر به {مدخلة فى كستبانة التنميط}.. ده ممكن يكون دافع ان لاتعبر المرأة عن ذلك حتى لاتدخل نفسها والرجل {المثقف} تحديدا فى {كستبانة} الاذدواجية، اذدواجية القول والفعل ودى بتنطبق على الاتنين ده لو لاحظنا فروقات المعرفة بمطلقها {غير محصورة فى التعليم المدرسى}.

ده بيقودنى الى سؤال محرقنى: كم من النساء كتمنا انتشاء ارواحهن وكم منهن تحشرجت لهفة اشتعالهن بين شهقة الخوف من التنميط وبين زفير الرغبة لتعبر عن انسانيتها؟ ده السؤال ياخدر يا اخوى وده المحك..

حديثك عن اهلنا زمان بيقودنى عن الحب فى زمن العولمة، يعنى الليل القصر ده بيتناسب مع سرعة الاحداث
اللى افرزتها عولمة حياتنا,,

غايتو نستنى الكهرباء تقطع ممكن تطلعوا الحوش برة وبالتالى تسهل المشاركة فى الحوار