نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 محمد ود حنينه قصيدة للدوش
|
دقت الدلوكه
قلنا الدنيا مازالت بخير
اهو ناس تعرس وتنبسط
تككت سروالى الطويل
سويتلو رقعات فى الوسط
فى خشمى عضيت القميص
اجرى وازبد شوق وانط
لامن وصلت الحفله زاحمت الخلق
وركزت
شان البنت سعاد
اصلى عارف جنها فى زول بيركزوينستر
لكنى عارف انها
لوكل زول فى الحله بالستره انجلد
يانى الازاها وجنها
برضى عارف اظنها
تحت تحت بتحبنى
ديمه فى صرة وشها
يلفحنى شوق نافر لبد
وركزت للحرقه المشت فوق الضلوع
تحت الجلد
ضميت قزازتى مرقت عن طرف البلد
وسكرت جد
وانا جائى راجع منتهى لاقتنى هى
قالت (تعال
كبرت كراعى من الفرح
نص فى الارض نص فى النعال
اتلخبط الشوق بالزعل
اتحاوروا الخوف والكلام
ه_يى ياسعاد
على ود سكينه وكلتى فى خشموا الرماد
على ودسكينه ومات اسى
وانا بت بلاك ملعون ابوى لو كنت ارضى اعرسها
وانا ياسعاد وكتين تصبى سحابه تنزلى زى دعاش
بفرش على روحى واجيك
زولا هلك تعبان وطاش
وانا ياسعاد وكتين اشوفك ببقى زول
فرشولوا فرش الموت وعاش
قالت سعاد بطل كلام الجرسه انجض ياولد
مزقت روحى نتف نتف
مرقت من جيب القميص
تمباك وحب
عرقى واسف
طبيت قزازتى وصلت لى طرف البلد
وسكرت جد
اذنت فى الشوق والسلم
وسرحت بالناس والغنم
وركعت للعرقى البكر
ورقدت فى الالم الحكر
وحلمت زى شالنى ومشى
فوق زحمة نبى الله الخضر
صحانى صوت العمده قال مسؤل كبير زائر البلد
قال لينا
وكت الزول يجى لازم تقيفوا صفوف صفوف
وتهيجو الخلا بالكفوف
وتقولوا عاش يحيا البطل
صلحت طاقيتى الحرير
واتنحنح الحشا بالكلام
ورميتو من حلقلى الوصل
قت ليه ياعمده اختشى
مسؤل كبير فى الدنيا غير الله انعدم
ماشفنا زول رضع صغار
ماشفنا زول نجح بهم
ما شفنا زول لملم رمم
لاصحينا عاجبنا الصباح
لانمنا غطانا العشم
والحله من كل الجهات محروسه
بالخوف والوهم
ومضينا من زمن قديم_ياعمده_مرسوم انتحار
الموت مباح
والحب نطاح
والصدق من جنس الزنا
العافيه مولودة سفاح
والرغبه مكسورة جناح
الحلم والوعد النبيل
الطفله والام النخيل
الرنه فى الوتر الاصيل
تلقاها فى قاموس نكاح
يايمه واح ياحله واح
ياسعاد تعالى ولمى من كل البيوت
عدة السفر الطويل
زخرفى الكفن الجميل
شخبطى الفجر النهار
اربطى الضحى والاصيل
المغرب
الفجر
النجوم
فى صرة وارميها البحر
خلينا فوق الشك نعوم
والعمدة فاض
العمده صار مليون عمد
العمده فيل
جبلا تقيل
لبوه واسد
حسنه وغضب
جمعه واحد
بقيت قزازتى
مرقت عن طرف البلد
وسكرت جد
وانا جايى راجع اجهجهو
لاقانى هو
سايق العساكر والكلاب
رامى بين عينى وعينو
كلب وتكشيره وحراب
ضاقت نعالى من الزعل
من تحتها اتململ تراب
الغيم سكب ضلو ومشى
والدنيا غيما سراب سراب
والحله زى بلدا بعيد
زود بعادوا قرب سعاد
اتجمعت كل البيوت فى راحتا
زى بت لعاب
مجنونه تصرخ فى الزوال
ممزوجه فى الدم واللعاب
عينى ضاقت نظرتها
والجوف يطقطق بالكلام
قبال يقولوا لى سلام
اتلموا حولى بلا نظام
شال وعمه
توب وغمه
فاس وطوريه وحزام
شالونى بكل احترام
ورمونى فى قعر السجن
حصلنى قبل اليوم يتم
جارنا المدرس ود خدوم
قال لى لازول قام هتف
لاكف مشت بتلاقى كف
والعمده زى همبول وقف
ياصمت اف
يادنيا تف
وانا ياسعاد للشوق نغم
للهم علف
|
|
 
|
|
|
|
|
| العنوان |
الكاتب |
Date |
| محمد ود حنينه قصيدة للدوش | مطر قادم | 07-15-05, 02:25 PM |
 Re: محمد ود حنينه قصيدة للدوش | Sabri Elshareef | 07-15-05, 04:57 PM |
| Re: محمد ود حنينه قصيدة للدوش | مطر قادم | 07-16-05, 01:12 PM |
 Re: محمد ود حنينه قصيدة للدوش | امل فاروق محمد | 07-20-05, 04:13 PM |
| Re: محمد ود حنينه قصيدة للدوش | مطر قادم | 07-16-05, 11:07 AM |
| Re: محمد ود حنينه قصيدة للدوش | MOHAMED ABDALLA SHERIEF | 07-17-05, 11:43 AM |
| Re: محمد ود حنينه قصيدة للدوش | مطر قادم | 07-17-05, 01:57 PM |
| Re: محمد ود حنينه قصيدة للدوش | مطر قادم | 07-24-05, 12:05 PM |
| Re: محمد ود حنينه قصيدة للدوش | MOHAMED ABDALLA SHERIEF | 07-17-05, 10:06 PM |
| Re: محمد ود حنينه قصيدة للدوش | Bushra Elfadil | 07-18-05, 03:31 AM |
| Re: محمد ود حنينه قصيدة للدوش | Mohammed Elhaj | 07-21-05, 04:39 AM |
| Re: محمد ود حنينه قصيدة للدوش | مطر قادم | 07-22-05, 08:58 AM |
| Re: محمد ود حنينه قصيدة للدوش | مطر قادم | 07-21-05, 04:37 PM |
| Re: محمد ود حنينه قصيدة للدوش | بدرالدين شنا | 07-20-05, 10:52 PM |
| Re: محمد ود حنينه قصيدة للدوش | مطر قادم | 07-22-05, 09:19 AM |
| Re: محمد ود حنينه قصيدة للدوش | بلدى يا حبوب | 07-26-05, 09:34 AM |
| Re: محمد ود حنينه قصيدة للدوش | مطر قادم | 07-27-05, 07:46 AM |
|
| |
مطر قادم
فيس بوك
تويتر
انستقرام
يوتيوب
بنتيريست