يا عبد المنعم سليمان لماذا الكذب والبهتان؟

Quote: معك حق دكتور نزار حذف ياء الاسم المنقوص النكرة ((المنون)) ليس متعلقا بكونه مجرورا بالإضافة ولا حتى بسبب كونه مجرورا بأي من أسباب الجر الأخرى !!!! فهذه الياء تحذف من الاسم المنقوص النكرة ((المنون)) حال رفعه أيضا !!!! وتثبت حال نصبه مصروفا أو غير مصروف!!!

وده ذكرني ايام كان الجبهة الاسلاموية بتستعرض كوادرا
للمجتمع السوداني باعتبار انها – أي كوادر الجبهة – ناس
متعلمين وفاهمين والاهم متدينين شديييييييييييد ومكملين التقوى !!
في قريتنا في الباوقة جاء وفد من اخوات نسيبة – الكوزات –
وقالوا هم فاهمين الدين و عاوزين يعلموا نسوان البلد وبناتا
الدين ... اهلنا هناك اصلو ما بكسروا خاطر زول طوالي نسوان
الفريق اتلملمن وسجلو في الدروس الدينية دي ... اها في اول
درس جات اخت نسيبة صنقرت وفتحت الكتاب وعملت فيها شيخة كبيرة
ولا ( امينة ودود ) وفتحت خشيما قالت ليهم الليلة ح نتناول فضل
المعوذات التلات !!!!!! اها هنا نسوان الحلة فكن الهمهمة .. عندي خالتي طوااااااااااااااااااالي وقفت وقالت ليها يا بتي من ولدونا وعلمونا
انو المعوذات اتنين التالتة دي جبتوهايا الجبهجية جديدة ولا شنو ؟؟؟؟؟؟؟
ومن يومك داك واحده منهن عتبت دروس اخوات نسيبة مافي وبقت اخت نسيبة حديث الموسم وموضوع الحلة .


برضو واحد من اخوان نسيبة ج بعد فترة وعامل فيها خطيب مسجد
وداعية للجهاد بقى يتكلم عن الحور العين وفضل الجهاد وحكومة
الشريعة وحافظ حفظ شديد ... اها بعد صلاة الجمعة مباشرة الناس
بتغدو والزول ده طول الكلام وارقى وازبد قام عمنا علي صعيل
عليه رحمة الله وقف وقال ليهو هوي يا زول هي .... النضم الكتير
ما بندورو والدين بنعرفو كويس وربنا قال وجعلنا من الماء
كل شي حي ..دحن امش على الجدول بتاع الموية داك شوف شريعة
حكومتك اليبست الموية من الغنم ومن الزرع ومن الناس اول مرة
نشوف العطش والبحر على بعد امتار بيدق تغرف وتشرب جاي انت
تحدثنا عن الدين ؟؟؟ الدين نحنا عارفينو انت امش كلم بيهو
ناس حكومتك المرسلنك .....

دي امثلة واحداث لضعف كادر الجبهة الاسلاموية سوا اكان ( دكتور )
يلحن في اللغة او دباب او طلائع جهاد لا فرق بينهم ابدا

انت تذكر الدكتور عصام البشير كرجل دين وفقيه و ( شيخ ) عصام
البشير ده نموزج حقيقي لعلماء السوء او كما يسمون علماء ( عملاء )
السلطان وبطانة السوء .. لقد كان عصام يحدث المصليين عن مفارقة
النظام وتحديدا دستور 98 للشريعة الاسلامية ويتحدث عن فساد النظام
ووووووالخ وتم توقيفه وتحدثت الصحف وووو .... ونزل الانتخابات
وتولى الوزارة وفجاة .... صار النظام نظام دين وشريعة وعدل
و رحمة و وزرائه ملائكة لا ياتيهم الباطل من خلفهم ولا من تحتهم
ولا من بين ( ارجلهم /ن ) !!! وصار الحاكم الفاسد امير المؤمنين
عمر... عمر يا قوم !!!

تماما كما نصبتم امير المؤمنين النميري بعد ان اعلنتم ضده الجهاد
فبعد ان كان حاكما سكيرا ملحدا الخ الخ الخ الخ من الادعاءات صار
اميرا للمؤمنين تماما كاخيه عمر !!!!!

انظر الى رموزكم :

احمد علي الامام الذي ينصح الناس ليل نهار في مساجد النظام ويحدثهم
عن الفضيلة والشرف والامانة ومكارم الاخلاق وهو مستشارا لاكبر نظام
مفسد في العالم !!!!!!!!!!!!!!!!!!!!!!!!!

وانظر الي اخيه الكاروري !!! يتحدث عن الزهد والورع والتقوى وهو
يعمل في الف الف وظيفة !! وكل واحده منها تتعدى رواتبها الملايين
في حين يموت اطفال المسلمين في دارفور والجنوب والشرق بسبب الحمى
والجوع والعطش والكوليرا الخ الخ الخ

انظر الى اخيهم الصافي امين مال مشروع سندس الزراعي اين ذهبت اموال
المساكين من فقراء المسلمين الذين وضعوا امالا وطموحاتا واحلاما بمستقبل
افضل اين ذهبت اموالهم ؟؟؟

بل اين اموال المسلمين في طريق الانقاذ الغربي الذي استقطعت امواله
من حبيبات سكر فقراء كردفان ودارفور ؟ اين مشروع كنانة والرهد ؟؟

اين مشروع واحة الخرطوم ؟؟؟ من الذي قتل النساء في المستشفيات بسبب
التسمم في غرف عمليات التوليد ؟؟ من الذي اباد شعب السودان بتصنيع
واستيراد الدواء الفاسد باسم مكافحة الملاريا وكان ان هتكت الملاريا بالفقراء والمساكين ؟؟؟

علماء السودان ولا عملاء النظام ولا عملاء النظام او السلطان باي اسم
جاؤوا اين هم من حقوق المسلمين من ابناء السودان ناهيك عن اخوانهم
المسيحين والوثنين فهؤلاء في عرفكم لا حق لهم عندكم .

انهم علماء السوء في نظام السوء في زمن السوء