العيون في بياضن شحوب في فراغ القلب من معاني الحياة الجميلة والسواد من برادة حديد فوقا حبة صدا في الجفون لبدن سوء طوية وجفاف فوق ...قضا ... كل واحد من الكائنات الجديدة بيملك يدين ما في ما يجمعن بالجسد واحدة من كتر ما قابضت سايبة طايحة آخر المدى التانية شايلالا سيف للحتوف في حرب سادة من غير نشيد أو دفوف ... نزل الجنجويد دونجواناً فقط في خواطرو وخيال الحصان ... نزل الجنجويد من بعيرو يحدد لكل دابة كيف تحيا للناس يوزع هدايا سعيرو
... جمل الجنجويد حيوالة من الحيوان والحديد آلة رافسة بتجدع بعيد ... عشة (الهشة) الجمل رفسا قطع نفسا .. نزل الحنجويد ومن تووا قدم مفاهيمو في الميكانيكا ونسى الدونجوان اللي كان في الخيال وولع حريق في الجسد من حيامن بغيضة وولع حريق في الفريق .. وعشة الخجولة بترجف كقشة من الرعب قامت بتنده رسولا وتقول ندهتك اريت مافي زول واللا زولة يكون شاف مصيبتي المهولة .. عشوشة الجميلة وحيدة وما عارفا كيف جاهامن دار خراب جحيما مجرثم مدغمس في هيئة فسيلة وظناها تربة .. جنجويدفي زمان الحريق الرماد ليه نزموا؟ بينفع سماد نزل الجنجويد اللهب في القرى بق زي الشرا جابلو شيتاً جديد اسمو كوم المبيد جنجويد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bushra Elfadil
فيس بوك
تويتر
انستقرام
يوتيوب
بنتيريست