|
|
 ميتة وخراب ديار
|
لم أشاهد في قاموس أمة لا إله إلا الله شعبا تتشابه لديه البقر وتختلط عليه
الأمور كأمة الأمجاد( إسم أطلقه الجنرال أحمد طه على الجالية السودانية بأبوظبي وأنا أطلقه عل الشعب السوداني كافة) هذا الشعب اللطيف الودود دائماما يحيرني ويضع على رأسي ألف علامة إستفهام حائرة دون إجابة فمن أكمل المرحلة الثاتوية, حاز على شهادة أو لم يحز يعتقد أنه الوحيد الذي أكمل هذه المرحلة ومن أكمل الجامعة يظن أنه جضم العلم وأنه النجم الأوحد ومن حصل على الماجستير أو الدكتوراة, ما حدش يقدر يكلمه لأن اللي زيه ما اتخلئش إتنين دون أن يدرك ( وما أوتيتم من العلم إلا قليلا وأن فوق كل ذي علم عليم طبعا يا جماعة الخير المسألة نسبية وهناك حالات لا يجوزأن ينوبها من الحب جانب لأنها تعرف قدر نفسها.
خليكم من العلم تعالو لمناسباتنا الأجتماعية هنا تتشابه البقر والغنم والخراف والحمير يعني فتح الخشم ( وما عارفة فاتحنو لي شنو لا يقل بهرجة ومظاهرا وضجة عن يوم الخطوبةوالقيدومة هذه المناسبة البدعة هي نوع من أنواع الترف المعاصر أما الفرح فعينك ما تشوف إلا النور الكروت الماخمج والفنانين أشكال وألوأن , حقيبة , حديث , غنا بنات , حمادة بت قسمة,أصالة نصري ألخ دة كله كوم يا أمة الأمجاد وعزانا الذي لا يختلف شيئا عن فرحنا في شيء سوى أن الفنانين بجوا كمعزيين وليس مغنيين والفنانات بكايات نعيات ولسن مطربات لكن بعد كدة كله حاجة هي هي (الضبايح ,الطباخين, الصيوان والمعزيين هم نفس المعازيم وأكتر لأن الفرح بكروت دعوة والعزاء الدعوة مفتوحة والبوفيه أيضا مفتوح والحشاش يملا شبكته أقصدعموده.
توفيت خالة من خالاتي العزيزات فقررت السفر لتقديم العزاء وهذا أقل شيء يمكن القيام به. أخواني ... أخواتي... .زميلاتي ( أمم متحدة)... جاراتي رغم أنكن فلسطينيات وأناالوحيدة بينك كالنقطة السوداء في الثوب الأبيض لكن معليش تعالو شوفوا البدع أكل من كل لون وصنف دا حتى التحليات أشكال وألوان من أم علي إلى الترايفل أما النسوان فحدث ولا حرج حنن , دهب , دخاخين , تياب آخر صيحة وكأن المرحومة خرجت في نزهة قصيرة على الشاطئي عيب ياجماعة والله عيب أهل الميت ماذنبهم ؟؟؟ لماذا لا نحترم مشاعرهم ونقدر ظروفهم التعيسة ؟ ليه ميتة وخراب ديار وعدم إحترام مشاعر ؟
استرقت السمع لأستمع لهذا الحوار:
* لكن ما تقولي لي يا سلوى حنتك ما رهيبة... ودخانك يقول يا ليل.!!!
- الحالة دي حنة بكاودخان على السريع ومال لو شفتي حنتي حقت العرس تقولي شنو؟ لكن تعالي هنا ياخاينةغيرتي دهبك وما قلت لي ؟
* والله غيرته من زمان وماجات أي مناسبة لمن سمعنا خبر المرحومة جريت جري على الدولاب وطلعته قلت دي مناسبة .
* أصبري يأختي إنت ود المرحومة الكبير صحي طلقت مرته ؟؟
- والله سمعت الخبر دامن بدري ولمن ما شفتها في البكا إتأكدت من صحته. اسمعي القاعدة هناك ديك مش بت أخت المرحومة الجات من أبوظبي ؟
_ ياها شوفيها حزنانة وبتبكي كأنه ما مات ليها زول قبال كدي هسي كما ساكت لزوم قطع التذاكر والجية شنو المرحومة الله يغفر ليهاويرحمها.
* والله باين عليها الروقة والترطيب ياختي ديل ناس مكيفات ساكت ونحنا الشمس هرتنا
- عليك الله ياختي خليني منهم يقعدوا معانا أسبوع واحد يبقوا زينا وأكتر. نظرت إليهن باستغراب فقامت أحداهن لتشرب كابتشينو بينما انصرفت الأخرى لتشرب نسكافيه بحليب أما أنا فبكيت مرتين مرة على خالتي التي تحول مأتمهاإلى فرح والمرة الثاتية على قيمنا المو
التي دفنت مع موتانا.
(عدل بواسطة عواطف ادريس اسماعيل on 01-31-2007, 06:05 PM)
|
|
 
|
|
|
|
|
| العنوان |
الكاتب |
Date |
| ميتة وخراب ديار | عواطف ادريس اسماعيل | 01-31-07, 05:51 PM |
 Re: ميتة وخراب ديار | abubakr | 01-31-07, 06:18 PM |
| Re: ميتة وخراب ديار | خالد المحرب | 01-31-07, 06:34 PM |
 Re: ميتة وخراب ديار | عواطف ادريس اسماعيل | 01-31-07, 11:31 PM |
 Re: ميتة وخراب ديار | عواطف ادريس اسماعيل | 01-31-07, 11:27 PM |
| Re: ميتة وخراب ديار | Adil Osman | 01-31-07, 07:15 PM |
 Re: ميتة وخراب ديار | عواطف ادريس اسماعيل | 01-31-07, 11:39 PM |
| Re: ميتة وخراب ديار | Yasir Elsharif | 02-01-07, 08:45 AM |
| Re: ميتة وخراب ديار | حيدر حسن ميرغني | 02-01-07, 09:00 AM |
| Re: ميتة وخراب ديار | عواطف ادريس اسماعيل | 02-02-07, 00:07 AM |
| Re: ميتة وخراب ديار | عواطف ادريس اسماعيل | 02-01-07, 11:58 PM |
| Re: ميتة وخراب ديار | مجاهد عبد الرحمن | 02-01-07, 09:21 AM |
| Re: ميتة وخراب ديار | احمد حماد ادريس | 02-01-07, 10:32 AM |
| Re: ميتة وخراب ديار | عواطف ادريس اسماعيل | 02-02-07, 00:24 AM |
| Re: ميتة وخراب ديار | فاروق حامد محمد | 02-01-07, 10:56 AM |
| Re: ميتة وخراب ديار | عواطف ادريس اسماعيل | 02-02-07, 00:38 AM |
 Re: ميتة وخراب ديار | عواطف ادريس اسماعيل | 02-02-07, 00:16 AM |
 Re: ميتة وخراب ديار | Yasir Elsharif | 02-01-07, 11:13 AM |
| Re: ميتة وخراب ديار | Haitham El Galal | 02-01-07, 11:54 AM |
| Re: ميتة وخراب ديار | عواطف ادريس اسماعيل | 02-02-07, 00:48 AM |
| Re: ميتة وخراب ديار | عواطف ادريس اسماعيل | 02-02-07, 00:44 AM |
| Re: ميتة وخراب ديار | عاطف عمر | 02-01-07, 02:43 PM |
 Re: ميتة وخراب ديار | عواطف ادريس اسماعيل | 02-02-07, 01:01 AM |
| Re: ميتة وخراب ديار | mamkouna | 02-03-07, 00:13 AM |
| Re: ميتة وخراب ديار | عواطف ادريس اسماعيل | 02-03-07, 09:44 AM |
| Re: ميتة وخراب ديار | حليمة محمد عبد الرحمن | 02-03-07, 01:39 PM |
| Re: ميتة وخراب ديار | عواطف ادريس اسماعيل | 02-04-07, 07:05 AM |
| Re: ميتة وخراب ديار | خالدة البدوي | 02-03-07, 02:30 PM |
| Re: ميتة وخراب ديار | عواطف ادريس اسماعيل | 02-04-07, 07:09 AM |
| Re: ميتة وخراب ديار | Abdlaziz Eisa | 02-04-07, 07:51 AM |
| Re: ميتة وخراب ديار | عواطف ادريس اسماعيل | 02-04-07, 10:17 AM |
| Re: ميتة وخراب ديار | Abdlaziz Eisa | 02-04-07, 11:31 AM |
| Re: ميتة وخراب ديار | عواطف ادريس اسماعيل | 02-04-07, 12:07 PM |
| Re: ميتة وخراب ديار | امير عوض الجمري | 02-04-07, 10:02 AM |
| Re: ميتة وخراب ديار | عواطف ادريس اسماعيل | 02-04-07, 10:23 AM |
|
| |
عواطف ادريس اسماعيل
فيس بوك
تويتر
انستقرام
يوتيوب
بنتيريست