الجندرية
تماضر شيخ الدين
رجاء ازيييك وينك يا كعبه.. عليك الله كان ما الحيطه بالحيطه
كان سويتي شنو؟
رجاء العباسي
معليش والله مشاغل شديده الأيام .. وضيوف جايه وضيوف ماشه
تماضر شيخ الدين
الله يعينكم .. اها عامله شنو بالله؟
رجاء العباسي
والله تمام بس سمعت قالوا شيري جات قلت اجي اسلم عليها
تماضر شيخ الدين
اي والله ياها الراقده ومغطيه دي .. اصله قالت مصدعه
رجاء العباسي
سلامته مالا؟؟.. والله تلاقيهو كلو من راجله السجم دا .. دا يا بت أمي قالوا دقاها دق سواد والرماد
تماضر شيخ الدين
هووو بري مافي زول هبشه ولا في زول بيقدر يهبشه انتي ناسيه ابوها منو؟؟
والله قال يدقها قال
رجاء العباسي
انت كمان حركات خطيبك ابجضيمات دا سيبينا منها
تماضر شيخ الدين
خطيبي دا منو ؟؟ عليك الله ما تسيبينا
دا انا زمااااان اديتو شاكوش فوق جضومو المانعات ديل وفكيتو عكس الهواء
قال خطيبي قال
رجاء العباسي
بالله آها والحصل شنو .. يعني بس كدا من غير سبب ولا السبب شنو
ومتين الكلام دا؟؟
تماضر شيخ الدين
لا والله أنا حسيت أنو ما الزول المناسب ليه .. وبعدين صاحباتي كلهن بقن يعلقن عليهو
انا خلاص اتعقدته خاااالص
كلهن يقولون لي بت حلوه زيك
حرام تدفن نفسها مع زول كلو جضوم
رجاء العباسي
والله بيني وبينك هو شين
وشناتو مررره
احسن ليك يا زوله
اها مافي أي شئ تاني؟؟
تماضر شيخ الدين
والله في بس لسه ما بقدر اصارح .. انا ما بقدر ابوح
ههههههه
رجاء العباسي
عليييييك الله منو؟؟
تماضر شيخ الدين
ما بقدر اقول هسع بس صدقيني أول زول حيعرف انتي
رجاء العباسي
سمح سميناها رضينا
اها انا امشي .. ولما تصحي شيري
عليك الله كلميها
قولي ليها الزوله دي جات تشوفك
وح اجي بعدين لما تصحي
تماضر شيخ الدين
طيب مع السلامه .. بكلمه ان شاء الله
شكرا ليك يا رجاء
تماضر شيخ الدين
تماضر شيخ الدين
تماضر شيخ الدين
شـــيري
اوووووف بالله الزوله القداده دي ... خلاص مشت
تماضر شيخ الدين
هي انتي صاحيه؟؟
الي اللقاء في الحلقة القادمة
مع تحيات هوب ليس
فيس بوك
تويتر
انستقرام
يوتيوب
بنتيريست