|
|
 Re: عافي منـــك يا محسن خالد .. (Re: نهال كرار)
|
...
نهال كَرَّار،...
إنت مش كاتبة إنك هوايتك الرَّسم في (البروفايل)!؟
تشكيلية دي عملتها ليك أنا "مَكْرَمَة" يا نهال ومن باب "الأدب"، لأنو زيك دا وزي ما كاتبة في البروفايل، اسمو (رَسَّام)، مش زمااان في ضهر اللواري ناس بترسم قلب مشقوق وطاقيهو سهم، أو طيرة أم حنبرَّة ديك مطنقعة بالبطانة، وألا كمان في المطاعم المسكييينة برضو، بقوموا يرسموا ليك مَرَه سميينة، وشعراتها مسرّحات ضفاير لورا وبالجنبات وقدامها كانون جبنة، وجسمها دا كابي بهنا وبهنا للبنمبر، أها تتفرّج إنت في الرسم المعولق دا لامن بطنك تطم وما تقول لبتاع المطعم جيب زيادة عيش، ياهن ديل الما تشكيليين، الرسامين زي ما إنت كاتبة في البروفايل،..
طَيِّب دي الكذبة الأولى انتهينا منها، والكذبة بكتبوها بالذال مش بالزاي، وبرِّدي نفسك، زعلانة مالك؟ ما كتبتِ كتييير في زول سعلك، وألا تاريها الكتابة التعرّضية بدون سبب دي حااارة، ودا موضوع الكضبة التانية مش كدي؟ يلا كدي أتفرجي دي كتابتك وألا كضب محسن خالد؟...
بوست بنت الأحفاد:
Quote: لماذا لا يفرض الإنسان رأيه وأدبه بأسلوب راقي محترم يصل للجميع, هل هذا الأسلوب صعب ومستحيل ؟؟؟
وأمامكم الكثير من الأدباء الذين كسبوا الكثير من الشهرة والإحترام من دون أن يتبعوا أسلوب محسن خالد |
وفي نفس البوست، عاملة نقل لهذا الرابط:
| Quote: تواضع الخاتم و فضيلي ... أم فـرعـنة محسـن خـالد ؟ |
زيي نقل الرابط دا طبعاً بوريك إنو مشكلتك مع محسن اتجاوزت كتابتو وبقت تؤمّل في النيل منه كشخص غير متواضع،..
ودي زيادة خير منك في نفس البوست:
Quote: قرأنا وقرأنا من كتب الأدب العربي وغير العربي
من مختلف البلدان ومختلف الديانات
ووالله كهذا "الأدب" لم أقرأ |
ودا بوست تجهيز تابوت للمغربية، jafar hashim:
Quote: الأخ جعفر
تحياتي
أعذرهم ديل ناس عاشوا بره لمن نسوا روح السودانين
نسوا الأصالة والقيم والأخلاق
متذكر قصة الغراب ومشية الطاووس ؟؟
لا قدر يمشي زي الطاووس ولا قدر يرجع لي مشيتو
دا حالهم , لا لامين سودانين ولا لامين أجانب
والغريبة أنهم بقارنوا هذه الرواية , بأشهر كتب الأدب العربي
والله بقدر ماقريت كتب وروايات لأدباء من مختلف البلدان والديانات
لم أقرأ كهذا "الأدب " !!!؟؟ |
دحين إنت يا بتي ماك عايشة معانا في بَرَّه دي ذاتها، البتخرب الناس دي؟ معانا هنا إنت في أبوظبي دي، وألا معلومتي دي غلط وتصحيحيها لي!؟ دا مجرّد استفسار ما قطع شك؟
ودا كلامك في بوست حميدة صاحبنا دا ذاتو، روايتي الاباحية رقم (1) .. لمن كنت صغير وبلعب عروس وعريس .. !!
Quote: الأخ حميدة
تحياتي
المواضيع الإتكتبت كانت كلها لصالح الكاتب والرواية
دعاية مجانية يعني
وفي النهاية أي كلمة إتكتبت لنقد الرواية
فسرها الأخ الكاتب هجوم لشخصه
ممكن تقرا سخريته من كتابة من هاجموا روايته
يعني من الآخر كدا هو ماممكن يتقبل أي كلمة توجه لكتاباته
لأنه عايش في برجه العاجي
وشايف الناس أقل من مستواه
(ولم يعرفوا يكتبوا من غير أخطاء إملائية ,, بعد داك يجوا يتكلموا في أدب محسن خالد ) !!!!!!!
بعد دا انت شايف أنو يستحق الدعاية من خلال بوستاتك؟؟؟ |
ودا كلامك في البوست بتاع بكري أبوبكر، النزل فيهو خطاب الطيب مصطفى:
Quote: وعن موضوع الرواية حقيقة لم أستطع أن أكملها
لست أديبة ولا أنا في مقام النقد الأدبي
ولكن كقارئة
لم أرى هذه الكمية من البذاءات في أي رواية لأديب عربي أو أجنبي حتى
إذا حوت أي رواية على بذاءات فهي دائما تكون قليلة وفي مواقف محددة
ولكن في رواية محسن خالد تكاد لا تجد سطرين من دون بذاءة
بحيث تتساءل ماهدف الرواية ؟؟ |
ودا كلامك في بوست الأستاذ كمال عَبَّاس، الذي خَصَّصه للدفاع عن الحرية وكتابات محسن خالد نموذج:
Quote: لو كنت تبحث عن إجابة لسألت من يدافعون عن الحكومة هنا فهم قلة
ولكن هذه الجملة تعني كل من وقف ضد رواية محسن خالد
وحقيقة يسعدني وبكل فخر أن أكون من "حراس الفضيلة" و " حماة القيم "
في زمن أصبحت فيه الفضيلة والقيم شبه معدومه
وهنا أقول كما أرفض ماجاء في رواية تيموليت أرفض ماجاء في النص الذي اقتبسته |
أسمعي يا نهال لسَّه عندك كلامات كتيييرة، وعن (محسن خالد)، كدا اقتنعتِ؟
وهنا يا نهال دا آخر كلام ليك، الذي أملى عليّ أنَّ أوجّه إليك لفت النظر هذا، في بوست أحمد حنين البطالب فيهو بعودتي، وبتاريخ (خمسة يوم بس، لوراء) 15 -7 -2005م
Quote: أعترف بذكائك الحاد يا محسن خالد
كنت أؤمن بالمثل الذي يقول ضربني وبكى سبقني واشتكى
وكنت أتوقع تطبيق لهذا المثل بعد النقاش الحاد بينك وبين الأخ محمد سبيل في بوستك الأخير
ولكن لم أتخيل أن يصبح الشق الثاني هنا ( سبقني وعمل شهيد ) |
أها يا نهال نعيد التساؤل، مرة تانية..... ديل كم بوست؟ وديل كم كورجة ولَمَّة بتاعة ناس لقيتيها تصوت في ضهر محسن خالد، وقمت إنت جبتِ مفراكتك وجيتي؟
أنا لا أنطقُ عن الهوى يا بتي، بعدين عندي ذاكرة مجنونة، الكتاب كلو بقراهو مرة واحدة بس وفي ليلة واحدة بس، وبكبوا في نافوخي للأبد،..
الانترنت دا مشكلتو يا نهال بتي بوري منو الكضاب بسرعة شديدة خلاص، هَسَّع اقتنعت إنك فعلاً كتبتِ قبل كدا، وفي كم محل بالعداء ضدي، وإنك إنت الكضابة مش أنا، وألا ح تغالطي وتكضبي من جديد كحال كل السودانيين المتأودبين والمتقنّعين والكضابين؟
والله يا نهال الكضب دا يحرسكم إنتو مدعين التدين ديل بُكرةً وأصيلا،..
يا بتي أنا الكضب أسوي بيهو شنو؟ أنا ما مغروض فيهو أبداً، أنا سفيه وقليل أدب وصعلوك وغير متدين وووو وكل كلامكم القاعدين تكتبوهو عني دا، وقصصي القاعد أكتبها أنا براي زيادة خير مني ليكم، شوفي أقوليك، لو في زول واحد في البورد دا، ما محتاج للكضب ولا الأقنعة، ياهو أنا دا، أما الأقنعة والكضب فتبدأ منك ولآخر كاتب كضّاب ومتقنِّع معاك في البورد دا،..
وتاني ما تشتمي، أنا حربي معاكم باختصار هي حرب الكضب والصح، والله الدمبعلو والله الجميل،..
بعدين ما تفتكري إني حاقد عليك، أبداً، أنا ما بعرف العواطف القبيحة دي عشان خاطر روحي أولاً، العواطف الزي دي بتقَلِّل من كفاءة البشري وقدراتو وجمالو، أنا بس أوليتك اهتمام عشان كاتبة إنك رسّامة، فاتمنيتك تكوني "بت ريشة ولون" وأجمل من كدا مع فَنَّان زميل وود كار واحد،..
بعدين يخصي عليك يا نهال، تقري لناس الطيب صالح وصاحبي خالد عويس، وأنا ما تقري لي، ما غظتيني شديد يا بتي، هَسَّع ماشي الدكتور،..
...
|
|
 
|
|
|
|
|
| العنوان |
الكاتب |
Date |
| عافي منـــك يا محسن خالد .. | humida | 10-19-05, 07:51 AM |
| Re: عافي منـــك يا محسن خالد .. | هميمة | 10-19-05, 08:02 AM |
| Re: عافي منـــك يا محسن خالد .. | humida | 10-20-05, 02:59 AM |
| Re: عافي منـــك يا محسن خالد .. | Hatim Elhassan | 10-19-05, 09:05 AM |
| Re: عافي منـــك يا محسن خالد .. | Kostawi | 10-19-05, 09:20 AM |
| Re: عافي منـــك يا محسن خالد .. | humida | 10-20-05, 03:18 AM |
| Re: عافي منـــك يا محسن خالد .. | humida | 10-20-05, 03:22 AM |
| Re: عافي منـــك يا محسن خالد .. | Murtada Gafar | 10-20-05, 03:40 AM |
| Re: عافي منـــك يا محسن خالد .. | humida | 10-20-05, 03:51 AM |
| Re: عافي منـــك يا محسن خالد .. | abuguta | 10-20-05, 03:59 AM |
| Re: عافي منـــك يا محسن خالد .. | Hafiz Bashir | 10-20-05, 07:00 AM |
| Re: عافي منـــك يا محسن خالد .. | Bashasha | 10-20-05, 07:45 AM |
| Re: عافي منـــك يا محسن خالد .. | humida | 10-20-05, 07:55 AM |
 Re: عافي منـــك يا محسن خالد .. | القلب النابض | 10-20-05, 09:12 AM |
| Re: عافي منـــك يا محسن خالد .. | نادية عثمان | 10-20-05, 01:56 PM |
| Re: عافي منـــك يا محسن خالد .. | نادية عثمان | 10-20-05, 02:05 PM |
| Re: عافي منـــك يا محسن خالد .. | القلب النابض | 10-20-05, 06:15 PM |
| Re: عافي منـــك يا محسن خالد .. | Bashasha | 10-20-05, 09:45 AM |
| Re: عافي منـــك يا محسن خالد .. | القلب النابض | 10-20-05, 10:21 AM |
| Re: عافي منـــك يا محسن خالد .. | Murtada Gafar | 10-20-05, 10:41 AM |
| Re: عافي منـــك يا محسن خالد .. | أحمد الشايقي | 10-20-05, 10:49 AM |
| Re: عافي منـــك يا محسن خالد .. | محسن خالد | 10-20-05, 10:52 AM |
| Re: عافي منـــك يا محسن خالد .. | نهال كرار | 10-20-05, 12:17 PM |
| Re: عافي منـــك يا محسن خالد .. | محسن خالد | 10-20-05, 02:45 PM |
| Re: عافي منـــك يا محسن خالد .. | نهال كرار | 10-20-05, 04:29 PM |
| Re: عافي منـــك يا محسن خالد .. | Bashasha | 10-20-05, 10:36 AM |
| Re: عافي منـــك يا محسن خالد .. | القلب النابض | 10-20-05, 10:57 AM |
| Re: عافي منـــك يا محسن خالد .. | Kostawi | 10-20-05, 11:14 AM |
| Re: عافي منـــك يا محسن خالد .. | waleed500 | 10-20-05, 11:33 AM |
| Re: عافي منـــك يا محسن خالد .. | Bashasha | 10-20-05, 11:22 AM |
| Re: عافي منـــك يا محسن خالد .. | عبد الله عقيد | 10-20-05, 11:46 AM |
 Re: عافي منـــك يا محسن خالد .. | ahmed haneen | 10-20-05, 11:41 AM |
| Re: عافي منـــك يا محسن خالد .. | Bashasha | 10-20-05, 12:16 PM |
| Re: عافي منـــك يا محسن خالد .. | نهال كرار | 10-20-05, 02:08 PM |
| Re: عافي منـــك يا محسن خالد .. | هاشم نوريت | 10-20-05, 02:16 PM |
| Re: عافي منـــك يا محسن خالد .. | saadeldin abdelrahman | 10-20-05, 02:34 PM |
| Re: عافي منـــك يا محسن خالد .. | محسن خالد | 10-21-05, 12:55 PM |
| Re: عافي منـــك يا محسن خالد .. | ماجد حسون | 10-20-05, 05:27 PM |
| ... | haider osman | 10-20-05, 06:12 PM |
| Re: عافي منـــك يا محسن خالد .. | haider osman | 10-21-05, 02:15 PM |
| Re: عافي منـــك يا محسن خالد .. | humida | 10-22-05, 02:13 AM |
| Re: عافي منـــك يا محسن خالد .. | عبد الله عقيد | 10-23-05, 12:58 PM |
| Re: عافي منـــك يا محسن خالد .. | Badri | 10-24-05, 01:47 PM |
|
| |
محسن خالد
فيس بوك
تويتر
انستقرام
يوتيوب
بنتيريست