|
|
|
 Re: يوميات زلزال .. علي مقياس ريختر .. !! (Re: humida)
|
باصات ابو رجيلة ..
باصات ابو رجيلة ..
باصات ابو رجيلة ..
لا أكاد أعلم .. من هي رجيلة
التي يُدعى أباها بها
قد تكون .. غيداء هيفاء .. مصقول عوارضها
وقد .. الله أعلم
حسبي منها .. حبها للحوامة .. كما أعتقد
لذلك .. سميت تلك الباصات الصفراء .. تيمناً بها
مع رجوع صفة الملكية .. لأبو .. الباصات .. أو رجيلة البنت
علاقتي بها .. تبدأ في السادسة صباحا .. حينما كنت أمارس الحياة
في ما يوازي سنة رابعة ابتدائي .. علي ذمة ما تبقى لدي من ذاكرة
من منزلنا .. الكائن محل كل الكائنات .. إلي مدرسة الاتحاد
التي تُدعى استعباطاً وحنكشةً .. يونتي إسكول
مسافة .. شارع زلط .. وكبري علي النيل .. و ناس نعسانة
هسع دا الدخلو في موضوعنا شنو .. !!! 
| |
 
|
|
|
|
|
|
|
|
Re: يوميات زلزال .. علي مقياس ريختر .. !! (Re: humida)
|
دا بيت ناس منو
و أنا العرفني شنو .. زحي كدا
دا راجل نسوان جارتنا .. !!!
أنتي ما دايرة تزحي من هنا مش
عاين داك مالو عامل كدا
هسع مالو .. فرتقي من هنا عليك الله
ماشي حفيان .. في نص الزلط
يعني مالو
دا مجنون ياخي
يعني بعمل شنو
بتكلم براهو
طيب أنا أمي بتتكلم براها
تكون جنت
بس ما قاعدة تمشي حفيانة
مجنونة
ميتينك زاتو .. امي مجنونة .. يلا انزلي من هنا
دا شنو
دا جامع النيلين .. أنا صليت هنا مع أبوي
و أنا ذاتي
كضابة
والله العظيم
ما في .. نسوان بجو هنا .. كضااااااااااابة
ودا
قاعة الصداقة .. !!
ودا الكوبري .. ودا المنتزه
ودي .. قاعة الصداقة .. !!
تاني
ايوه تاني .. انتي مالك عبيطة كدا
ما ديك براها .. ودي براها
اسمعي .. انتي عبيطة مش كدا .. !!
يلا .. دردقي من هنا .. و تاني ما تقعدي جنبي ..
| |
|
|
|
|
|
|
|
|
|
Re: يوميات زلزال .. علي مقياس ريختر .. !! (Re: فيصل نوبي)
|
شالت هدوما في يوم خميس قالت ماشة للأهل..
انت بيتك ما بتقعد انت زولا .. زول كعب ..
قلنالا يا بت الشيوخ الكلام ما بدور زعل
انت قولي العايزاه كلو يجيك سريع وبي عجل
قالت عايزة المشي
لالا ما بقعد في بيت عدو
قلنالا صلي علي النبي
قالت الف
قلنالا زيديلو الصلاة
قالت كمان الف
طيب اها
قالت لا لا ..
دايرة المشي
جبنالا تكسي علي عجل
سواقو زولا ودبلد
ركبنا معاها الوليد
قالت خلاص
خليتو المشي
نزلت من التكسي .. جرت عديل
شالت هدوما ولمتا
قلنالا يا بت الرجال شنو الحصل
قالت اتذكرت شيتا ناسياه من قبيل
الليلة المسلسل بنتهي
وفي بيتنا ما بنقدر نحضرو
في شان كدي خليت المشي ..
| |
|
|
|
|
|
|
|
|
|
Re: يوميات زلزال .. علي مقياس ريختر .. !! (Re: humida)
|
اموت وأعرف ريختر دا منو ..
يا اخوي بدون ما تموت
ريختر
دا
كان عسكري في قوات التحالف
واتشعبط في لوري
لا لا لا لا
اقصد الحركة الشعبية
حتى اسأل اسماعيل وراق كمان
ريختر
دا
مستنير
ما ضلامي
حميده اخوي
ريختر
دا
ضكر ولا انتايه
| |
|
|
|
|
|
|
|
|
|
Re: يوميات زلزال .. علي مقياس ريختر .. !! (Re: حمزاوي)
|
حمزاوي ..
شوووف .. عمنا
أكان خايف من ..النجيهه
قدامك واحد من أثنين
يا تخلي صلعتك زي ماهي ..
يا تزرعها ..
خليت صلعتك زي ماهي ..نو بروبلم
زرعتها ..قدامك واحد من أتنين
ياتزرعها .. شعر سبيبي .. ياشعر قرقدي
زرعتا ... شعر .. قرقدي .. نو بروبلم
زرعتا .. شعر سبيبي .. قدامك واحد من اتنين
ياتشق شعرك من الجنب ..
يا ترجع شعرك لي ... ورا.. !!
شقيت شعرك من الجنب .. نو بروبلم
رجعت شعرك لي ورا... قدامك واحد من أتنين
يا شعرك بقي طويل .. ياشعرك أتحتا
بقي طويل .. نو بروبلم
شعرك ..أتحتا
قدامك واحد من أتنين
يابقيت مزعمط .. يا بقيت صلعة ..
بقيت مزعمط ... نو بروبلم
بقيت صلعه .. قدامك واحد من أتنين
ياتعمل زراعه ... يا بقيت أب صلعه
عملت زراعه ...نوبروبلم
بقيت أب صلعه .. قدامك واحد من أتنين
ياجهرتنا يانجهناااااااك ..
جهرتنا في بروبلم ..
نجهناااااااك أصبر ...وأتحمل ..!!
| |
|
|
|
|
|
|
|
|
|
Re: يوميات زلزال .. علي مقياس ريختر .. !! (Re: حمزاوي)
|
وصلتني رسالة عبر البرايفت ..
من باب الفي قلبو حرقص براه بيرقص ..
يستفسر فيها بحدة عن المغزي من زلزال ..
ومن هو المقصود برختر .. !!!!
علي العموم با حبوب ..
اصل الاسم بالانجليزية ..
REKHTAR
ويتكون الاسم من كلمتين هما نتيجه لتمازج اللغتين العربيه والانجليزيه ..
وذلك بعد ان افتتح محمدالفاتح القسطنطينيه عام 715 وكدا ..
وأدى ذلك لتوقيع اتفاقيات نور الهدى الاسلامية ..
وطبعا نور الهدى دي ما بت الأحفاد ..
مما جعل كثير من الدول والمدن تنحاز للغة الاجداد..
كطشقند وهونولولو والبشاقره عوج الدرب ..
فأدى ذلك الخلط اللغوى لخلق الاسم المعنى من مركبين اولهما
RE
وهى ترمز للاعاده والتكرار
وKHTAR
وهى فيما يبدو ترمز للاختيار والله اعلم
ولما كان طبيعة الانسان التردد عندما يطلب منه الاختيار ..
ولما كان التردد يعنى ارتداد الرأس قليلاً للوراء ..
وهي عادة زميمة عند الكثير من قبائل التاماى بجزر الكاريبى ..
فان تركيب الكلمه يدل على ان هناك - تردد واعادة تردد -
زى الشركه السودانيه للتامين واعادة التامين
فالتردد واعادته يعنى الكثير من ارتدادات الراس للوراء ..
عند قبائل الهناى ديك ..
الشى الذى يحدث عندما تهتز الارض تحت وطأة الزلازل والهزات الارضيه ..
وبذلك اتخذت قبيلة التمتام عدد ارتدادات الراس للوراء ..
عند حدوث الزلازل مقياساً لقوة الزلزال
فاصبح جهاز ريختر الذى تم استنباطه من تلك المعايير
اساسا لقياس الهزات الارضية
داير حاجه تانى ...!!!!
| |
|
|
|
|
|
|
| |
humida
إسماعيل وراق
bob
فيصل نوبي
صلاح الدين عبدالله محمد
ودقاسم
اساسي
فيس بوك
تويتر
انستقرام
يوتيوب
بنتيريست