|
|
 هوانم جاردن سيتي !!!!!
|
صبحكم الله بالخير يا أمة الأمجاد وبارك خطاكم أينما حللتم ..
الليلة عندي ليكم شمار أخدر ومغربل .. بس ركزوا معاي شوية وسيبكم من السياسة البتجيب الجلطة دي ..
عارفين هوانم جاردن سيتي أو سيدات المجتمع المخملي كما يطلق عليهن في أبوظبي هن منو ؟؟
الإجابة ساهلة وما عايزة درس عصر .. الواحدة من ما تقابلك في الشارع وتسلم عليك بآخر نفس .. ترفع
حاجب وتنزل حاجب وتعاين ليك من راسك لرجليك عشان تعرف إنت لابس شنو ؟ ومن أبو كم وتحاول بكل الطرق
توريك إنها لابسة راتي ولا شيفون طبيعي ,, والشبشب والشنطة من ناين ويست , والعطر الفايح من باريس
جالري تعرف على طول إنها من هوانم جاردن سيتي ..
في الحقيقة يا أخوان ويا أخوات هوانم جاردن سيتي ديل بعض السيدات السودانيات اللواتي خدمهن الحظ
يعني أزواجهن جوا ابوظبي زمن الزمن كان زين والشعر مغطي الإضنين ..فالرجال ديل مهما كانت مؤهلاتهم
هم بجد عندهم خبرة ممتازة جدا لذلك تم استيعابهم في المصارف وشركات البترول والدوائر الخاصة
لأصحاب السمو وأولياء العهود والمستشفيات العسكرية وغيرها وكان ذلك في السبيعنات والتمانينات
الأمر الذي جعل لهم وضعا خاصا جدا .. أما الزوجات فأغلبهن غير عاملات , ولكنهن يتباهين بمناصب
أزواجهن .. ( القرعة بتقول شعر بنت أختي )
هوانم جاردن سيتي أفراحهن مبالغات ما حصلت وأتراحهن أيضا مبالغات لم تحصل بعد .. فضلا عن ذلك
الواحدة لو سألتها توبك دة من وين دغري تقول ليك من فرنسا ولا أمريكا أو سويسرا مع أنه قد يكون من
الباقة أو بوتيك أو عبدالله حسين خنجي ,, ولكن عشان هي ما عايزة حد غيرها يلبسو تقوم تشتري الطاقة
كلها إنشاء تحرق الباقي المهم تضمن إنه ما في واحدة تانية لابسة زيها أما إذا مشت صالون الحنة
أول حاجة تعملها تحذرالحنانة من مغبة تكرار هذه الرسمة لأي سيدة أخرى وطبعا الحنانة المسكينة
توعدها بذلك خصوصا بعد ما تقوم سيدة المجتمع المخملي بكشكشة الأسورة اللي مشترياهم من داماس ولا
الرميزان وبعدما تخلص الحنة تقوم تعصر للحنانة عشرة دراهم لزوم ما تكرري الحنة دي وكدة !!!
و طبعا أولاد سيدات المجتمع المخملي ما بقروا في مدارس خاصة عادية, على الرغم من أنها نسخة من بعض
لكن عشان عندهم قروش ما عارفين يودوها وين بشوفوا أغلى مدرسة , من أبوظبي الدولية أو ال(AIS )
كما يحلو لطلابها وطالباتها أن يسمونها فما فوق .. عليكم أمان الله أنا واحد من أولادي متطلع شوية أصر
إنه يقرا في المدرسة دي .. وحاتكم سنة واحدة دفعت فيها الوراي والقدامي وطلعته منها وحلفت
عليه ما يصاحب ود شيخ ولا ود مجتمع مخملي .. لكن هو مشكلتو إنه لطيف والناس ديل بحبوه قمت
طفشتو من البلد عشان ما يجيب لي الجلطة وارتحت من طلباته الكتيرة ومسيخة و اللي ما عندي ليها
قدرة وكمان ريحت روحي من كلو مرة عايز الموبايل الفلاني والابتوب العلاني ..
خارج النص : أعراس ناس هوانم جاردن سيتي دايما بتكون حدث عشان كدة خلوها مع المداخلات لو لقيت
زمن .. ومعليش لو اتأخرت عليكم في الرد الأيامات دي مزنوقين زنقة فيلة وكلو ساعة المدير جاي لينا
بفنون جديدة وربنا يستر ..
أها يا جماعة ما أطول عليكم تملو مني وتزيدو جني .. أقول ليكم فتكم بعافية ..
|
|
 
|
|
|
|
|
| العنوان |
الكاتب |
Date |
| هوانم جاردن سيتي !!!!! | عواطف ادريس اسماعيل | 06-07-08, 08:33 AM |
 Re: هوانم جاردن سيتي !!!!! | osman righeem | 06-07-08, 12:14 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 12:27 PM |
| Re: هوانم جاردن سيتي !!!!! | doma | 06-07-08, 12:39 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 12:51 PM |
| Re: هوانم جاردن سيتي !!!!! | khaleel | 06-07-08, 12:32 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 12:37 PM |
| Re: هوانم جاردن سيتي !!!!! | انتصار محمد صالخ بشير | 06-07-08, 12:36 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 12:47 PM |
| Re: هوانم جاردن سيتي !!!!! | osman righeem | 06-07-08, 12:54 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 01:10 PM |
| Re: هوانم جاردن سيتي !!!!! | maia | 06-07-08, 12:57 PM |
| Re: هوانم جاردن سيتي !!!!! | عواطف ادريس اسماعيل | 06-07-08, 01:06 PM |
| Re: هوانم جاردن سيتي !!!!! | Mahir Mohammed Salih | 06-07-08, 01:16 PM |
 Re: هوانم جاردن سيتي !!!!! | عواطف ادريس اسماعيل | 06-07-08, 01:25 PM |
| Re: هوانم جاردن سيتي !!!!! | الطيب شيقوق | 06-07-08, 07:14 PM |
 Re: هوانم جاردن سيتي !!!!! | عواطف ادريس اسماعيل | 06-08-08, 07:05 AM |
| Re: هوانم جاردن سيتي !!!!! | مصطفى احمد مختار | 06-07-08, 07:36 PM |
| Re: هوانم جاردن سيتي !!!!! | عواطف ادريس اسماعيل | 06-08-08, 07:09 AM |
| Re: هوانم جاردن سيتي !!!!! | ALazhary2 | 06-07-08, 08:02 PM |
| Re: هوانم جاردن سيتي !!!!! | عواطف ادريس اسماعيل | 06-08-08, 07:13 AM |
| Re: هوانم جاردن سيتي !!!!! | Dr.Mohammed Ali Elmusharaf | 06-07-08, 09:49 PM |
| Re: هوانم جاردن سيتي !!!!! | عواطف ادريس اسماعيل | 06-08-08, 07:16 AM |
| Re: هوانم جاردن سيتي !!!!! | osman righeem | 06-07-08, 10:10 PM |
 Re: هوانم جاردن سيتي !!!!! | عواطف ادريس اسماعيل | 06-08-08, 07:21 AM |
| Re: هوانم جاردن سيتي !!!!! | ابوبكر يوسف إبراهيم | 06-09-08, 07:03 AM |
| Re: هوانم جاردن سيتي !!!!! | عواطف ادريس اسماعيل | 06-09-08, 03:01 PM |
| Re: هوانم جاردن سيتي !!!!! | Dania Elmaki | 06-09-08, 04:32 PM |
 Re: هوانم جاردن سيتي !!!!! | عواطف ادريس اسماعيل | 06-10-08, 06:15 AM |
| Re: هوانم جاردن سيتي !!!!! | كمال عكود | 06-09-08, 08:07 PM |
| Re: هوانم جاردن سيتي !!!!! | عواطف ادريس اسماعيل | 06-10-08, 06:27 AM |
| Re: هوانم جاردن سيتي !!!!! | Huda AbdelMoniem | 06-09-08, 09:48 PM |
| Re: هوانم جاردن سيتي !!!!! | عواطف ادريس اسماعيل | 06-10-08, 06:32 AM |
| Re: هوانم جاردن سيتي !!!!! | حمد فتح الرحمن | 06-09-08, 10:43 PM |
| Re: هوانم جاردن سيتي !!!!! | عواطف ادريس اسماعيل | 06-10-08, 06:35 AM |
| Re: هوانم جاردن سيتي !!!!! | osman righeem | 06-10-08, 03:39 AM |
 Re: هوانم جاردن سيتي !!!!! | عواطف ادريس اسماعيل | 06-10-08, 06:36 AM |
| Re: هوانم جاردن سيتي !!!!! | وضاحة | 06-10-08, 05:07 AM |
| Re: هوانم جاردن سيتي !!!!! | عواطف ادريس اسماعيل | 06-10-08, 06:48 AM |
| Re: هوانم جاردن سيتي !!!!! | Huda AbdelMoniem | 06-11-08, 01:51 AM |
| Re: هوانم جاردن سيتي !!!!! | عواطف ادريس اسماعيل | 06-11-08, 08:15 AM |
| Re: هوانم جاردن سيتي !!!!! | osman righeem | 06-11-08, 04:12 AM |
| Re: هوانم جاردن سيتي !!!!! | وضاحة | 06-11-08, 05:07 AM |
| Re: هوانم جاردن سيتي !!!!! | osman righeem | 06-11-08, 07:04 AM |
| Re: هوانم جاردن سيتي !!!!! | عواطف ادريس اسماعيل | 06-11-08, 08:27 AM |
| Re: هوانم جاردن سيتي !!!!! | عواطف ادريس اسماعيل | 06-11-08, 08:23 AM |
| Re: هوانم جاردن سيتي !!!!! | وضاحة | 06-11-08, 09:08 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 10:21 AM |
| Re: هوانم جاردن سيتي !!!!! | عواطف ادريس اسماعيل | 06-11-08, 08:20 AM |
| Re: هوانم جاردن سيتي !!!!! | Dania Elmaki | 06-11-08, 04:39 AM |
| Re: هوانم جاردن سيتي !!!!! | عواطف ادريس اسماعيل | 06-11-08, 11:57 AM |
| Re: هوانم جاردن سيتي !!!!! | osman righeem | 06-13-08, 03:51 AM |
| Re: هوانم جاردن سيتي !!!!! | Dania Elmaki | 06-13-08, 05:04 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 10:39 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 10:22 AM |
| Re: هوانم جاردن سيتي !!!!! | osman righeem | 06-15-08, 09:53 AM |
 Re: هوانم جاردن سيتي !!!!! | عواطف ادريس اسماعيل | 06-15-08, 10:42 AM |
| Re: هوانم جاردن سيتي !!!!! | rosemen osman | 06-15-08, 10:49 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 11:09 AM |
| Re: هوانم جاردن سيتي !!!!! | الطيب شيقوق | 06-15-08, 11:24 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 11:42 AM |
| Re: هوانم جاردن سيتي !!!!! | الطيب شيقوق | 06-15-08, 11:53 AM |
| Re: هوانم جاردن سيتي !!!!! | عواطف ادريس اسماعيل | 06-15-08, 12:13 PM |
| Re: هوانم جاردن سيتي !!!!! | Abdlaziz Eisa | 06-15-08, 06:15 PM |
| Re: هوانم جاردن سيتي !!!!! | عواطف ادريس اسماعيل | 06-16-08, 01:29 PM |
| Re: هوانم جاردن سيتي !!!!! | الرشيد البصيلى | 06-16-08, 01:03 PM |
| Re: هوانم جاردن سيتي !!!!! | عواطف ادريس اسماعيل | 06-16-08, 01:33 PM |
|
| |
عواطف ادريس اسماعيل
فيس بوك
تويتر
انستقرام
يوتيوب
بنتيريست