الاخ شنتير
لك مني الود والحب والاحترام
اقول ليك
معليش مشكلتنا اننا اوجدنا في زمن المفاهيم المغلوطة والمعكوسة
فالبطل الذي لايقهر اصبح هو الذي يهرب من المعارك ولا يلاقي العدو فبالتالي هو لم يقهر
فاذن هو بطل الخيانة اصبخت انسانية والتعدي علي الاخرين اصبح الكلام عن المسكوت عنه
والزخم اللغوي اصبح حنكة وعقلانية والصراحة والراي الواضخ اصبح ترصد
ده زمن الكبري بدقداقو والمطر الشال سحابه
الاخ ابو امنة
في البدء لغة التهديد وما بواصل معاك الحوار دي ما تتكلم بيها معاي انا لانو انا بقول رأي وما بهمني تزوق ولا تجي ترد ولا تتحجج بحجج واهية انا بقول كلامي وصاحب العقل يميز ده شئ راجع ليك ترد او ما ترد براحتك
اول شئ مسالة الترصد الانت مصر عليها دي
انا ما قاعد اترصد زول يااخوي وكوني ارد في مواضيع معينة ده ما يعني اني مترصد انسان وده راي اقول متي ما شعرته في حوجة ليهو او بقول العندي حسب تراكماتي اذن موضوع الترصد لا يوجد الا في مخيلتك انت يا اخوي .
الشئ التاني
مسالة نيتك دي ما بتهمني لانو انا بتعامل مع لغة قدامي وواضحة واذا انت ما قدرته توصل فكرتك فراجع نفسك واسلوبك لكن بقول ليك الكلام شارح نفسه يعني ما عايز تفكير طويل عشان الناس تفهمه
الشئ التالت
مسالة الاعتذار او اعتذراك انت والسنجك وبكري الجاك انا ما ملزم بيهو ولا بالصيغةبتاعته لانو في راي الصيغة بتعكس نفسية صاحبها وواضخة من صيغة الاعتذار دي انها لافته بس لكن ما بحمل مضمون في داخله وزي ده انا ما بعمله نهائي .
الشئ الرابع
انا في رأي اني لم ارتكب خطا يستحق مني الاعتذار واكرر انا لا اصف اشخاص ولكن اصف طرح وعندما وصفتك باابو جهل فعلا طرحك كان اقل ما يوصف به ابو جهل وان كنت اري ان هناك تجني علي ابو جهل ده رأي في كلامك البخص الموضوع الوصفتك فيه بالجهل وانا مصر عليه وعلي اي تعليق او نعت نعته به اي عضو طرح فكره معينة في موضوع
الشئ الخامس
انا عند سؤالي انت الصقت بنا بعض الاتهامات مثل ترصد وغيرها انا عايزك تثبت الكلام ده بموضوعية او تسحبه بس .
الشئ الاخير
ما هكذا تورد الابل او هكذا يصحح المسار او الحوار
اذا كنت تري انو الحوار السابق لم يأتي بالفائده لك ان تذكر نقاط معينة وتقول انو في رايك انها اضرت بالحوار اكثر مما نفعته لكن تطلق احكام في رأي انها جزافية علي انا والسنجك وعلي نفسك لا ادري اذا اكنت موجوده فيك ام لا ده تجني علينا لهذا انا اطالبك بالاثبات او تسحب الاسامي
ما تقولي لي ح ترجعونا للوراء لانو عمر القفز بالزانة ما كان حل وقصة عفا الله عما سلف دي الجابت الكيزان في الحكومة انا ما عايز كلام زي ده عايز تحليل وتمحيص للكلام السابق وتصليح الاخطا ان وجدت ومن هذا المنطلق انا معاك اثبت لي اني غلطان في شئ معين ولك مني الاعتذار الما سمعته بيهو قبل كده مش المبطن ده
ــــــــــــــــــــــــــــــــ
اغني لشعبي ومين يمنعني
اغني لقلبي اذا لوعني