لكني عزيزي القاريء احس بحرج شديد في تسرعي وانا احكي للخواجة هذه الحكاية فهذا امر فضيحة ان احكيه لاجانب واخبرهم ان بلادي بلاد المشروع الحضاري الكبير لا زات تواجه خطر كوارث الامطار ببعر الحمير!
(( والله خجلان سافي التراب من حكاية صراحتى مع الخواجة دي والخواجات ديل ناس ما بكضبوا وخايف بكره الخواجة صاحبي اتكلم عن زبالتنا في التلفزيون وكمان اجيبوني شاهد عيان وهم غير مصدقين.. تفتكروا انكر ولا ما انكر اكان جوني ودايرين شهادتي في هذا الموضوع الفضيحة معقولة نحن لسع بنزبل بيوتنا ببعر الحمير والله لو كلمت احمد ولدى بالموضوع ده خايف تاني ما الم فيهو في البلد الواسعة دي والعجب لو شافني باكل المرارة ده حتى اكل المرارة في بعض مناسباتنا صار مثل عادة دق ( الكريكاب) نمارسه سرا حتى لا يرى احمد اباه المتوحش يفعل هذا الاكل المنكر!))
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة